Lukas 5:33 - Bagian bagian Kitab Suci Taurat (dalam bahasa Banjar)

³³ Wayah itu, ada urang-urang mandatangi Nabi Isa lalu batakun lawan Sidin, “Bubuhan pangikut Nabi Yahya tabiasa bapuasa wan sambahyang. Nang kaya itu jua pamuka agama matan golongan Parisi. Tagal kanapa maka bubuhan pangikut Pian kada umpat bapuasa?”

Lukas 5:33 Referans Kwoze

Lukas 20:47

Bubuhannya mambunguli balu-balu supaya dapat hartanya. Bubuhannya basinghaja badoa panjang-panjang sakira dianggap urang alim. Hukuman bubuhannya tu kaina musti labih barat daripada hukuman nang biasa !”

Lukas 18:12

‘Aku bapuasa dua kali saminggu. Aku basadakah sapuluh parsen matan samunyaan pakulihanku.’

Lukas 11:1

Wayah itu, Nabi Isa lagi badoa di suatu tempat. Imbah tuntung badoa, ada saikung pangikut Sidin nang baucap, “Junjungan, lajari pang kami cara badoa nang kaya Nabi Yahya malajari pangikutnya.”

Lukas 2:37

Imbah itu, sidin manjadi balu. Wayahini umurnya sudah dalapan puluhan tahun. Sidin kada suah maninggalakan Bait Allah. Siang malam sidin ada di Bait Allah haja baibadah. Rancak jua sidin bapuasa lawan badoa.

Lukas 5:32

Nang kaya tabib batujuan mawagasakan urang garing, Aku datang batujuan handak mambawai urang nang badusa sakira batobat. Aku kada mambawai urang nang manganggap dirinya saleh!”

Lukas 5:34

Lalu Nabi Isa baucap, “Nah kaya ini nah. Kadada kakawalan pangantin lalakian nang disuruh bapuasa amun pangantin lalakiannya tu ada di wadah bubuhannya! Nang kaya itu jua salawas Aku ada lawan pangikut-pangikutKu, bubuhannya kada bapuasa jua" “Coba bubuhan ikam pikirakan napa nang cagar tajadi amun pangantin lalakiannya tu ditangkap musuh-musuhnya. Kaina hal nang itu tu nang cagar tajadi lawan Aku. Imbah itu tu, pangikut-pangikutKu cagar bapuasa lantaran marista" ujar Nabi Isa manambahi.