Lukas 5:1 - Bagian bagian Kitab Suci Taurat (dalam bahasa Banjar)

¹ Wayah itu, Nabi Isa lagi badiri di pinggir Danau Genesaret nang disambat jua Danau Galilea. Banyak urang bakajal-kajal manggurumbungi Sidin handak mandangarakan Pirman Allah nang disampaiakan Sidin.

Lukas 5:1 Referans Kwoze

Lukas 12:1

Baribu-ribu urang bakakajalan parak Nabi Isa sampai batis bubuhannya tajajak-jajak. Lalu, Nabi Isa mambari papadah lawan pangikut-pangikut Sidin, “Bahati-hatilah. Jangan sampai bubuhan ikam taumpati kalakuan pamuka-pamuka agama aliran Parisi. Sualnya bubuhannya tu cuma bapiraga haja manjadi urang baik. Lawan pulang, kalakuan bubuhannya nang jahat tu bisa malalar ka urang-urang lain, nang kaya ragi tu nah maulah galapung manjadi kamer.

Lukas 8:45

Lalu Nabi Isa baucap, “Siapa garang nang manjapai Aku ni?” “Guru, sing banyakan urang bakajal-kajal di higa Pian. Kanapa maka sampai Pian batakun nang kaya itu?” ujar Pitrus manyahut lantaran saikung-ikung kadada nang maakuinya.

Lukas 5:2

Nabi Isa malihat dua buah parahu di pinggir danau nang tukang tangkap iwaknya sudah turunan. Bubuhannya tu lagi mambarasihi ringginya.

Lukas 8:22

Wayah itu, Sidin wan pangikut-pangikut Sidin babuatan ka dalam sabuah parahu. Lalu ujar Sidin, “Ayu kita manyubarangi danau.” Lalu tulakan ai bubuhannya.

Lukas 8:23

Parahatan balayar, Sidin taguring. Bakakajutan datang angin ribut. Parahunya kamasukan banyu sampai parak tinggalam.

Lukas 8:33

Langsung ai ruh-ruh jahat tadi kaluaran, lalu langsung ai babi-babi nang banyak tu dirasukinya. Bukahan ai babi-babi tu, lalu tajunan tumatan pinggir tabing ka dalam danau. Mati lamasan ai babi-babi tu.