Lukas 4:18 - Bagian bagian Kitab Suci Taurat (dalam bahasa Banjar)

¹⁸ “Ruh Kudus marasuki Aku sualnya Allah mamilih wan mautus Aku gasan mahabarakan ka urang-urang miskin bahawa Allah cagaran manulungi bubuhannya. Allah mautus Aku gasan mahabari bahawa urang-urang nang takurung cagaran dilapasakan, urang-urang nang picak cagaran malihat, urang-urang nang tatindas cagaran dibibasakan.

Lukas 4:18 Referans Kwoze

Lukas 7:22

Lalu Nabi Isa baucap, “Bulikan ja bubuhan ikam, padahakan lawan Nabi Yahya napa-napa nang sudah ikam lihat wan sudah ikam dangar. Nang picak sudah kawa malihat, nang lumpuh sudah kawa bajalan, urang kusta sudah manjadi barasih lantaran wagas pulang, urang tuli sudah kawa mandangar, urang mati sudah dihidupakan pulang, lawan pulang Habar Baik sudah jua dihabarakan ka urang-urang miskin.

Lukas 6:20

Wayah itu, Nabi Isa manjanaki pangikut-pangikut Sidin, lalu baucap, “Bahimunglah bubuhan ikam nang miskin, lantaran bubuhan ikam sudah manjadi anggota karajaan Allah.

Kejadian 3:15

Aku pacangan maulah ikam wan babinian tu bamusuhan, wan antara juriat ikam wan juriat babinian tu bamusuhan jua. Juriat babinian tu pacangan maramukakan kapala ikam, wan ikam pacangan mamatuk tumit juriatnya” ujar ALLAH Al Khalik baucap ka ular tu.

Lukas 4:17

Imbah itu, Sidin dijulungi sabuah aliran Kitab Suci, surah Nabi Yasaya. Dibuka Sidin ai, lalu tadapat bahagian nang handak dibacaakan manganai Al Masih. Di situ tatulis: