Lukas 3:38 - Bagian bagian Kitab Suci Taurat (dalam bahasa Banjar)

³⁸ Kenan tu anaknya Enos, Enos tu anaknya Set, Set tu anaknya Nabi Adam, Nabi Adam tu anaknya Allah dalam arti inya diciptakan lansung ulih Allah.

Lukas 3:38 Referans Kwoze

Kejadian 2:7

Allah Al Khalik maulah manusia nang panambaian matan tanah lalu ditiup-Nya pahinakan nang mambariꞌi hidup ka dalam hidungnya, lalu hidup ai manusia tu.

Kejadian 4:25

Lalu Adam guring pulang lawan bininya. Baranak ai pulang bininya tu. Anak lalakian tu dingarani Set ulih bini Adam sualnya inya baucap, “Ulun dibari Allah pulang anak lalakian gasan pangganti Habil nang dimatiꞌi Kabil, kakanya.”

Kejadian 4:26

Imbah itu, gasan Set diranakakan jua saikung anak lalakian lalu dingaraninya Enos. Wayah itu, hanyar urang bamula mamakai ngaran ALLAH sambil manyambah ALLAH.

Lukas 3:37

Lamekh tu anaknya Metusalah, Metusalah tu anaknya Henokh, Henokh tu anaknya Yared, Yared tu anaknya Mahalaleel, Mahalaleel tu anaknya Kenan,

Lukas 4:1

Imbah bulik matan sungai Yordan, Nabi Isa dibimbing ulih Ruh Kudus ka padang pasir.