Lukas 24:44 - Bagian bagian Kitab Suci Taurat (dalam bahasa Banjar)

⁴⁴ “Sabaluman Aku dimatiꞌi, sudah kupadahakan lawan bubuhan ikam kajadian-kajadian nang sudah tatulis tantang Aku dalam Taurat, Zabur, wan kisah nabi-nabi. Nah, samunyaan paristiwa nang itu musti tajadi,” ujar Nabi Isa manjalasakan.

Lukas 24:44 Referans Kwoze

Lukas 9:22

Nabi Isa baucap lawan pangikut-pangikut-Nya, “Nang datang matan di surga sudah ditakdirakan Allah gasan banyak mandarita wan ditolak ulih pamuka-pamuka agama, imam-imam basar, wan guru-guru agama. Imbah itu, Inya kaina dimati'i ulih urang, tagal pada hari nang katiga Inya cagar dihidupakan pulang.”

Kejadian 22:18

Malalui juriat ikam, samunyaan urang-urang di bumi pacangan Ku-barkahi lantaran ikam maasi lawan parintah-Ku” ujar malaikat tadi manyampaiakan Pirman Allah lawan Ibrahim.

Kejadian 3:15

Aku pacangan maulah ikam wan babinian tu bamusuhan, wan antara juriat ikam wan juriat babinian tu bamusuhan jua. Juriat babinian tu pacangan maramukakan kapala ikam, wan ikam pacangan mamatuk tumit juriatnya” ujar ALLAH Al Khalik baucap ka ular tu.

Lukas 24:46

Lalu Nabi Isa baucap, “Ini nah nang sudah tatulis di dalam Kitab Suci manganai Aku, 'Sasuai lawan kahandak Allah, Al Masih tu musti dimati'i. Tagal, talu hari imbah itu, dihidupakan pulang.'

Lukas 22:37

Sualnya samunyaan musti tajadi nang kaya ditulisakan bubuhan nabi dahulu, tamasuk tulisan nang ini: ‘Inya pacang dianggap nang kaya panjahat.’ Nang tatulis tantang Aku tadi pacang jadi nyata,” ujar Nabi Isa manjalasakan.

Lukas 21:22

Lantaran itulah Allah cagar mahukum kajahatan urang nang ini, supaya samunyaan tulisan nabi-nabi tadahulu manganai hukuman nang itu dilaksanaakan.

Lukas 9:44

“Dangari bujur-bujur nah! Nang datang matan di surga ni, kaina cagar dihianati lalu disarahakan ka musuh-musuhNya."