Lukas 20:6 - Bagian bagian Kitab Suci Taurat (dalam bahasa Banjar)

⁶ “Tagal amun kita padahakan ‘dari manusia’, kita bisa ditawaki urang lawan batu sampai mati. Sualnya bubuhannya tu yakin amun Yahya tu nabi.”

Lukas 20:6 Referans Kwoze

Lukas 1:76

Lalu manganai ikam — anakku nang masih halus ni, kaina ikam disambat saikung nabi Allah nang Mahatinggi lantaran ikam mandahului Tuhan. Ikam cagar manyiapakan jalan gasan kadatangan-Nya.

Lukas 7:30

Tagal urang-urang matan aliran Parisi wan guru-guru agama mambantah kahandak Allah lantaran bubuhannya kada hakun dimandiꞌi Nabi Yahya sabagai ciri partobatan.

Lukas 20:5

Lalu barundingan ai bubuhannya tadi. “Apa lah jawaban kita?” jar. “Amun kita jawab dari Allah, inya musti batakun, ‘kanapa maka bubuhan ikam kada mamparcayainya?'”

Lukas 20:7

Kaputingannya bubuhannya baucap, “Kami kada tahu siapa nang manyuruh Nabi Yahya tu.”