Lukas 20:17 - Bagian bagian Kitab Suci Taurat (dalam bahasa Banjar)

¹⁷ Lalu Nabi Isa manjanaki bubuhannya wan baucap, “Nah, amun kaya itu, kikira napa artinya ayat nang ini dari Kitab Suci Zabur, ‘Batu nang dibuang ulih tukang-tukang bangunan, sudah manjadi batu nang panting banar.

Lukas 20:17 Referans Kwoze

Lukas 22:37

Sualnya samunyaan musti tajadi nang kaya ditulisakan bubuhan nabi dahulu, tamasuk tulisan nang ini: ‘Inya pacang dianggap nang kaya panjahat.’ Nang tatulis tantang Aku tadi pacang jadi nyata,” ujar Nabi Isa manjalasakan.

Lukas 24:44

“Sabaluman Aku dimatiꞌi, sudah kupadahakan lawan bubuhan ikam kajadian-kajadian nang sudah tatulis tantang Aku dalam Taurat, Zabur, wan kisah nabi-nabi. Nah, samunyaan paristiwa nang itu musti tajadi,” ujar Nabi Isa manjalasakan.

Lukas 22:61

Imbah tu, Nabi Isa manulih lawan Pitrus. Hanyar Pitrus kaingatan napa-napa nang diucapakan Nabi Isa samalam, “Talu kali ikam cagar bakulim jadi pangikutku. Hanyar, hayam cagar bakungkuꞌuk”

Lukas 19:41

Pas Nabi Isa parak sampai kuta Yarusalem, Sidin mamandangi wan maratapi kuta nang itu.