Lukas 20:10 - Bagian bagian Kitab Suci Taurat (dalam bahasa Banjar)

¹⁰ [Wayah musim mamutik buahnya/Pas musimnya], ampun kabun tu manyuruh anak buah sidin tulak managih hasil supaya bisa maambil bagian sidin matan tukang-tukang kabun tadi. Sakalinya, jangankan dapat bagian, malah dihajarnya lalu disuruh bajauh.

Lukas 20:10 Referans Kwoze

Lukas 13:34

Lalu Nabi Isa baucap pulang, “Ui warga kuta Yarusalem. Bubuhan ikam nang mamatiꞌi nabi-nabi bahari wan manawaki utusan-utusan Allah sampai mati! Aku rancak manyurung kadua tanganKu gasan malindungi ikam— nang kaya parinduan hayam malukupi anaknya lawan halarnya. Tagal ikam kada hakun.

Zabur 1:3

Inya bahasil tarus nang kaya puhun-puhun buah di pinggir sungai babuah wayah musimnya, daun-daunnya gin kada suah layu.

Lukas 20:9

Lalu, Nabi Isa maungkai pulang sabuting kisah gasan imam-imam kapala wan guru-guru agama tadi. “Ada satu kisah,” ujarnya, “urang nang mananam anggur di kabun nang luas. Imbah ditanami, dikarunakan/disewa sidin ka urang. Imbah itu sidin tulak balawas.

Lukas 20:11

Imbah tu disuruh sidin anak buah sidin nang lain lagi. Inya gin dihajar wan dibari supan jua. Bulik ai inya, kada mambawa napa-napa.