Lukas 18:43 - Bagian bagian Kitab Suci Taurat (dalam bahasa Banjar)

⁴³ Langsung kawa malihat ay urang tu. Lalu ai inya maumpati Nabi Isa sambil mamuji Allah. “Syukur al hamdulilah. Ulun kawa malihat. Ulun kawa malihat,” ujarnya bakuciak. Urang lain gin umpat jua mamuji Allah lantaran mujizat Nabi Isa tadi.

Lukas 18:43 Referans Kwoze

Lukas 13:17

Lantaran Nabi Isa baucap nang kaya itu, musuh-musuh Sidin tasupani banar. Tagal samunyaan urang nang lain himung banar malihat mujijat Sidin tadi.

Lukas 5:26

“Allah maha basar! Ajaib banar paristiwa nang kita saksiakan hari ini!” ujar samunyaan urang tadi sambil tahiran-hiran wan katakutanan.

Lukas 4:39

Diparaki Sidin paguringannya. Lalu digaratak Sidin mariap dinginnya. Imbah tu, ampih ai mariap dingin. Langsung haja mintuha Simun bapuat, lalu malayani bubuhannya.

Lukas 19:37

Rahatan Nabi Isa parak sampai kuta Yarusalim, di jalan nang manurun di Bukit Zaitun, sagalumukan urang-urang tamasuk pangikut Sidin sing nyaringan mamuji Allah lantaran kahimungan manyaksiakan samuaan mujizat Sidin.

Lukas 9:43

Samunyaan urang tahiran-hiran malihat mujijat Nabi Isa tadi. Wayah urang-urang tadi masih tahiran-hiran malihat mujijat nang hanyar dilihatnya tu, Sidin baucap lawan pangikut-pangikut Sidin,