Lukas 16:23 - Bagian bagian Kitab Suci Taurat (dalam bahasa Banjar)

²³ Wayah mandarita siksaan di naraka, urang sugih tu manangadah lalu dilihatnya di wadah nang jauh Lasarus nang lagi duduk di pangkuan Nabi Ibrahim.

Lukas 16:23 Referans Kwoze

Lukas 16:28

Sualnya ulun ni ada baisian dangsanak, lima ikung nang masih hidup. Bubuhannya baluman batobat jua. Suruh pang Lasarus mangisahakan nang kaya apa ajab naraka nang ini lawan bubuhannya sakira bubuhannya kada masuk ka sia.’

Lukas 8:28

Rancak sudah ruh-ruh jahat tadi maulah urang tu mahamuk. Maka gasan manjaganya sakira kada mahamuk lagi, tangan lawan batisnya dipasung lawan rantai. Tagal biar dipasung lawan rantai, rantainya gin kawa dipagatnya. Lalu inya dibawai ruh-ruh jahat ka wadah-wadah nang sunyi. Imbah mandatangi Nabi Isa, inya langsung basujut di hadapan Sidin. "Bajauh ikam!" ujar Nabi Isa manyuruh ruh-ruh jahat tadi bajauh. “Nabi Isa! Anak Nang di Atas, nang diutus Allah nang Mahatinggi! Handak baapa pian lawan ulun? Tolong pang jangan disiksa ulun!” ujar urang nang kasarungan tadi sambil basuara nyaring.

Lukas 16:24

Lalu urang sugih tu baucap wan Nabi Ibraham, “Oh, Baginda Nabi, marasi pang ulun. Coba pang suruh Lasarus manculupakan jarigi tangannya ka banyu lalu datangi ulun basahiakan ilat ulun. Ulun sangsara banar di dalam nyala api ni!” ujarnya.