Lukas 11:20 - Bagian bagian Kitab Suci Taurat (dalam bahasa Banjar)

²⁰ Tadi tu bubuhan ikam maminta tanda gasan mambuktiakan amunnya Allah nang mautus Aku. Amun Aku mausir ruh-ruh jahat tu lawan kuasa Allah, itu pang tandanya amun Allah sudah mandiriakan karajaanNya wan sagala kakuasaanNya di antara bubuhan ikam.

Lukas 11:20 Referans Kwoze

Lukas 10:9

Wagasakan ja urang-urang nang bapanyakitan. Padahakan ja lawan panduduknya, ‘Kaina Allah cagar mandiriakan karajaan-Nya di dunia ini.’

Lukas 10:11

‘Dabu-dabu kuta nang barikit di salawar kami ini gin, kami kibahakan. Itu pang cirinya kaina Allah cagar mahukum bubuhan ikam! Tapi katahui ja: kaina itu, Allah mandiriakan karajaan-Nya di dunia ini!’

Lukas 11:21

“Iblis ibaratnya tuan rumah nang kuat nang tatarusan manjaga rumahnya lawan sanjata nang langkap. Inya mangandalakan sanjata-sanjatanya tadi gasan manjaga samuaan hartanya wan gasan mangalahakan musuhnya— yaitu Aku. Tagal Aku takuat pada inya! Pas Aku manyarangnya, inya kawa haja Kukalahakan. Samuaan sanjata-sanjatanya tu kawa Kuambil. Hartanya Kurampas lalu Kubagi-bagi manurut kahandak-Ku.