Lukas 10:17 - Bagian bagian Kitab Suci Taurat (dalam bahasa Banjar)

¹⁷ Kada lawas imbah itu, katujuh-puluh dua pangikut tu bulikan. “Ya Junjungan,” ujarnya, “lantaran kuasa ngaran Pian, kami kawa maatasi ruh-ruh jahat” bubuhannya baucap sambil kahimungan.

Lukas 10:17 Referans Kwoze

Lukas 9:1

Wayah itu, Nabi Isa manyuruh kaduablas urang pangikut Sidin bakumpul lalu Sidin baucap, “Nah, dangarakan baik-baiklah, bubuhan ikam Kusuruh tulak ka kuta-kuta lain, bubuhan ikam Kutugasakan mahabarakan kadatangan karajaan Allah, wan Kubari kuasa sakira kawa manyuruh ruh-ruh jahat bajauh, wan jua Kubari kuasa sakira kawa maampihi urang-urang nang bapanyakitan.

Lukas 10:1

Imbah itu, Nabi Isa mamilih tujuh puluh dua urang pangikut Sidin. Lalu disuruh Sidin bubuhannya tulakan badua badua ka kampung-kampung nang handak didatangi Sidin keana.

Lukas 10:9

Wagasakan ja urang-urang nang bapanyakitan. Padahakan ja lawan panduduknya, ‘Kaina Allah cagar mandiriakan karajaan-Nya di dunia ini.’

Lukas 10:20

Tagal biar nang kaya itu, bubuhan ikam jangan kahimungan lantaran kawa maatasi ruh-ruh jahat. Nang parlu bubuhan ikam himungi tu adalah ngaran-ngaran bubuhan ikam tu sudah tacatat di surga."