TAITUS 1:2 - A Xuxubus Maxat

² ma rua kinis xiset arixe ma nunu lamun ina to ulorexe nang e God ixo kubus sik mesila saxit bara irabo tabaa ire min. Me God i kara ösöxö ra atöxö.

TAITUS 1:2 Referans Kwoze

1 JON 2:25

Ma a kunubus nang ine iat ixoro isik kö ire, a to ulorexe saxit.

2 TIMOTI 1:9

Ewe nang ixo öro ire ma ixo kuwe ire bara ire tabo madakdak. Ine i kobo kuwe ire eöt mabo tatalien deek nang ire toxoro pet. Kaim. Ixo mamaa mon bara irabo kuwe ire biringan meriso xö abalamu re ine. Me God ixo tabaa tataunin ire arixe ma ina abalamu xö kinis se ire kölöme re Krais Jisas mesila xö urulo möxöbo lalaa xirip.

A Ginigeet te JUT 1:21

God i mamaa xöba lamun e mum. Ma i deek bere mum morobo kisisik iat kölöme xö mamaa re ine nang bang mum mo xixiset me Jisas Krais, a Orong ke ire, bara irabo isik a to ulorexe re mum meriso kölöme xö inemarse re ine.

2 TIMOTI 1:1

E, e Pol, önga aposol te Krais Jisas eöt ma mamaa re God. Me e a önga aposol bira, möxösa, God ixo isik a xuxubus möxö to niang i kis se Krais Jisas.

TAITUS 3:7

Ma ixo pet biringan bara rö ire rua xikip a to ulorexe nang ire tobo xixiset ma nunu ulamun. Me ire tabo kip ina to, möxösa, kölöme xö ina abalamu nang i tabaa tataunin ire min, ixoro kure bara ire te töxödös kö wawara re ine.

TAITUS 2:13

nang ire te kis xiset a inot maras se Jisas Krais, ine a God taxin te ire ma a Tene Aöro re ire. Ma a inot te ine irabo ot arixe ma mariris taxin ma irabo deek saxit. Ine ewe nang ire te kis xiset ma nunu.

2 TIMOTI 2:15

Nöngön örobo mana rörön deek lamun e God irabo tengen bara nöngön a tene tinörön deek, a mangana tene tinörön ewe nang i karabo menge xö tinörön te ine ma irabo isik a ausu töxödös möxö tinenge runon te God urungan kö nangadi.

2 TIMOTI 2:13

Nang bere ire tekobo pet eörin abo lalaa nang toxo tengen, ine iat irabo pet eörin abo lalaa nang ixo tengen, möxösa, i kobo eöt bara irabo pet nang i xabise sik kö tatalien te ine.

1 JON 5:20

Me ire te ösöxö bölök bara a Barok kö God ixoro wanot ura ma ixoro ömaras ire, rue ire ra ösöxö ewe nang a lak turunon. Me ire te kis kölöme re ine ewe nang i turunon, ma kölöme bölök kö Barok ke ine, e Jisas Krais. Me ine a God turunon me ine a to ulorexe saxit.

TAITUS 2:7

Me nöngön, örobo mana osen abo tatalien deek ke nöngön urungan te idi bere idi tabo mamaa ra mumuu nöngön. Ma nang bara u usu a nangadi, örobo mana muu re mangana ngas deek bere idi tabo eöt ta ii nöngön ma tabo perexulen bere nöngön bölök u nunu xöbo tinenge re nöngön.

1 TESALONIKA 5:8

Ma lamun ire tebele xarnang abo tene ininim, möxösa, ire a nangadi möxö maras. Xarnang abo umri, ire tabo mana sige a nunu ma abalamu egilas xarnang a siot kapa. Ma xö ina tatalien ne xixiset ma balawapat bara tabo kip a ineöro, xarnang a at kapa, tabo ösige abo öxöno ire min.

A Ginigeet te Pol urungan köbo ROM 6:23

Ruasa, möxösa, a xinuxun möxö magingin saban, ine a minet. Ma lamun a arabaa xö God nang i tabaa tataunin ire min, ine a to ulorexe saxit nang i kis kölöme re Krais Jisas, a Orong ke ire.

MATIU 25:46

“Me idi niang tabo wan urungan kö xönö möxö kinadik nang i kis ulorexe saxit. Ma lamun abo tene töxödös tabo wan urungan kö to ulorexe saxit.”

MATIU 25:34

“Io, a king irabo tengen kö marakörö niang toxo kis kö lime tuun te ine bira, ‘Mum moro miang, mum niang a Tata re e ixoro wadöane sik e mum. Mum morobo kip lo a kingdom nang ixoro tagur sik kua gene mum meringan kö nang ixo uxis a öxöno lagunon,

WINAWARA 17:8

A mawak nang u pere, ixo to bang mesila. Ma na, kaim im. Ma melamu irabo wan kaa ot meri xö pu xö mara lamin kaim pe xakawam möxönan, ma irabo wan lo rua xakawam esexere. Me idi nang te xisixis kö öxöno lagunon idi tabo wuwus. Me idi nang toxo kaim pua gegeet abo esene idi xö buk ne to mesila xö uxixis möxö öxöno lagunon. Idi tabo wuwus nang bara idi te pere a mawak, möxösa, ixo to mesila, ma na, kaim im, ma irabo wanot melamu.

WINAWARA 13:8

Ma lörörö bara a nangadi xirip möxö öxöno lagunon tabo lotu wösöt a mawak, idi xirip ewe nang kaim kö gegeet abo esene idi mesila xö uxixis möxö öxöno lagunon kölöme xö buk ne to möxö Bak kö Sipsip nang toxo sexomet.

2 TIMOTI 2:10

Lamun ina na, e bo sösölök abo tiip kirip rue idi ewe nang God ixo pere kos lo idi, bara rö idi bölök tabo uruoxe a ineöro nang i kis se Krais Jisas, ma bara idi tabo kip bölök a mariris ulorexe saxit.

1 TIMOTI 6:19

Ma niang bara idi te pet xarna na, idi tabo tagure bulus abo bunulus se idi iat tua melamu. Ma ina mangana bunulus na irabo tuu lölös. Io nang, idi tabo mana pet bira rue idi ra xikip a to niang ine a to turunon.

A Ginigeet te Pol urungan köbo ROM 5:21

Ma a nangadi toxo kis kö ene lölös möxö magingin saban ma toxo met. Ma i bira bölök, ewe idi nang e God irabo kure bara te töxödös kö wawara re ine, idi tabo kis kö ene lölös möxö abalamu nang ine a arabaa tataun, ina abalamu nang irabo isik a to ulorexe urungan te ewe idi nang te kip e Jisas Krais, a Orong ke ire.

APOSOL 15:18

Ina niang abo tinenge xö Orong, nang ixo ömaras ire min ma abo lalaa me lorexe saxit.”

A Tinenge Deek ke JON 17:2

xarnang u xo isik a lölös se ine bara a nangadi xirip tabo kis kö pu re ine bara irabo isik a to ulorexe rö idi xirip ewe nang u xo isik idi re ine.

A Tinenge Deek ke JON 10:28

Me e tabaa idi ma a to ulorexe, me idi tekebeöt ta iuiuo. Ma kaim pe öng irabo sat tewe idi xalik a limeke.

A Tinenge Deek ke JON 6:68

Me Saimon Pita ixo balu ine bira, “Orong, mem marabo wan lo im pa ule? Abo tinenge re nöngön ibo isik a to ulorexe.

A Tinenge Deek ke JON 6:54

Lamun ewenene niang i en a aike ma i inim a dee re e, a to ulorexe saxit i kis se ine, ma arabo öraru öbaling ine xö axana bung möxö xakawöm,

A Tinenge Deek ke JON 5:39

Me mum bo eusu mabo tinenge re God niang toxo geet, möxösa, mum mo döxömen bara inabo ginigeet irabo tabaa e mum ma to ulorexe. Inabo ginigeet na mon nang tobo töngösen a turunon lamun e.

1 TIMOTI 6:12

Nöngön örobo mana erese xö inarese deek i eöt mabo lalaa ire te nunu xönan. Nöngön örobo kip lo a to ulorexe saxit niang e God ixo kuwe nöngön ulamun. Me ine ixo kuwe nöngön kina axana bung bara nöngön u xoro tenge maras ma nunu re nöngön kö wawara xö nangadi oleleng.

1 TESALONIKA 2:15

Ma inabo Judeia nang toxo sexomet e Jisas, a Orong, arixe mabo propet, ma toxo tile rewe bölök e meet. Idi tobo walwalar tua tinuu wi e meet bere xalik e meet bo tengen a tinenge deek urungan tö idi ewe nang kaim bara abo Judeia, xalik idi tobo kip a ineöro. Ma nang idi tobo wewet bira, idi tekara öaxanan e God. Idi tobo mimixenin a nangadi xirip. Ma nang idi te pet bira, idi te öwöwö xöbanin abo to re idi ma magingin saban. Ma na im, a laie re God iri wanot pösöt idi.

A Ginigeet te Pol urungan köbo ROM 16:25

Io, e ölet ine ewe i eöt tua uru ölölös e mum eöt ma tinenge deek ke e, ina atöngösen ulamun e Jisas Krais. Ina atöngösen nang e God iri osen im. Ma inabo lalaa ixo mun sik kö oleleng ne awat, ma lamun na im God iri osen ömaras.

A Ginigeet te Pol urungan köbo ROM 5:4

Ma nang ire te tuu lölös bira xöbo tiip, i ot maras bara inabo tiip iri könönöin ire, ma lamun ire kaim bara abo mangana duöng nang tabo subu. Ma bara ire abo mangana duöng bira, io, i eöt tö ire rua xixiset ma nunu bara ire tabo uruoxe a kinis deek.

A Ginigeet te Pol urungan köbo ROM 5:2

Ma xö nunu re ire, e Krais iri lamus ölaxa ire urungan kö abalamu nang e God ixoro tabaa tataunin ire min. Me ire tobo tuu sik kö ina abalamu me ire tobo axanan, möxösa, ire te xixiset ma nunu bara ire tabo uruoxe a kinis deek nang i ot meriso xö maririsine God.

A Ginigeet te Pol urungan köbo ROM 2:7

A dauleng idi tobo wewet sösöxöin abo tatalien deek. Ma nang idi te wewet bira i maras bere idi te wawara siwin a ngas sua xikip a mariris ma a ese deek ma a kinis nang kaim pe minet könan. Me God irabo balu wuxus idi ma to ulorexe saxit.

A Ginigeet te Pol urungan köbo ROM 1:2

Ma ina atöngösen deek nang e God ixoro xuxubus ulamunon mesila ruso kölöme xö tinenge re ine nang abo propet toxo geet ösu.

A Tinenge Deek ke JON 17:24

“Tata, e maa lamun idi ewe nang u xoro isik idi ura re e bere idi tabo kis arixe me e xö ina xönö nang arabo kis ee, ma bara tabo pere a mariris se e, a mariris nang u xo tabaa e min, möxösa, nöngön u xo maa lamun e mesila xö uxixis möxö öxöno lagunon.

KOLOSI 1:27

God ixo mamaa rua ömaras idi ulamun ina laa nang ixo mun sik ma nang irabo wadöane ödeek ewe idi nang kaim bara idi abo Judeia bölök. Ma ina laa nang ixo mun sik, i bira, bere Krais i kisisik ke mum, ma möxö ina na i turunon saxit bere mum morobo laxa xö mariris taxin te God.

A Tinenge Deek ke MAK 10:30

ine irabo kip lo öbaling lömö xö önga mar ne gunon mabo tönö mabo saxana mabo nago mabo barok mabo komo, me idi tabo tabaa ine bölök ma kinadik taxin nang bara i mumuu e. Ma xö axana bung nang irabo ot melamu, ine irabo kip a to ulorexe saxit.

A Tinenge Deek ke MAK 10:17

Nang e Jisas ixo urulo a nuan te ine, a tödi ixo ulo kaa urungan te ine ma ixo subusu xö pu ma nine busuno xexene mesila re ine ma ixo ose, “Tene Ausu deek, a lasa nang arabo mana pet tua xikip ina to ulorexe saxit?”