A Ginigeet te Pol urungan köbo ROM 8:11 - A Xuxubus Maxat

¹¹ Ma nang bara a Töxödös ne Tanono re nangang ewe nang ixo öro öbaling e Jisas kalik a minet i kis kölöme re mum, io, ewe nang ixo öraru e Krais kalik a minet irabo isik bölök a to meringan kö Tanono ewe nang i kis kölöme re mum urungan köbo aine e mum niang irabo met.

A Ginigeet te Pol urungan köbo ROM 8:11 Referans Kwoze

2 KORIN 4:14

möxösa, mem me ösöxö sik bere ewe nang ixo öraru e Jisas a Orong kalik a minet, ine bölök irabo öraru e mem arixe me Jisas, ma irabo bulus osen e mem arixe me mum kö mamaran te ine.

2 KORIN 4:11

Me idi tobo ögarin sösöxöin e mem ewe nang me to sik bang, io nang, mem me lörörö rua minet tua gene e Jisas. Ma i bira bölök ke mem lamun a to re Jisas irabo ot maras bölök kö lewene aine mem nang irabo met.

A Ginigeet te Pol urungan köbo ROM 8:9

Ma lamun e mum kobo kis kö ene a lölös mera xö pu. Kaim. A Töxödös ne Tanono ibo sisilien e mum, möxösa, a Tanono e God i kis kölöme re mum. Ma nang bara re öng kaim ine ma Töxödös ne Tanono re Krais, ine kaim bere mere Krais.

1 KORIN 6:14

God ixo öraru e Jisas a Orong kalik a minet kö lölös se ine, me ine irabo öraru ire bölök bie.

A Ginigeet te Pol urungan köbo ROM 8:2

möxösa, a lölös möxö Töxödös ne Tanono ewe ibo isik a to re e kölöme re Krais Jisas, ina lölös i ölanglanga e bira xalik a lölös möxö magingin saban ma möxö minet.

PILIPAI 3:21

Ine ewe niang irabo puxus abo aine ire niang i önan su ma i eöt tua minet, bara abo aine ire tabo tawuxus eöt ma aine ine iat, a mangana aine niang i wöwö ma mariris deek. Ma irabo pet bira ma ina lölös nang ibo rörön min tua kure abo lalaa xirip.

A Tinenge Deek ke JON 5:21

A Tamana i öraru abo minet ma i öro idi. Io, i xarnang iat mon kö Barok ke ine. Nang bara i mamaa ra tabaa ewenene ma to, irabo öro ine.

APOSOL 2:24

Lamun e God ixo öraru öbaling ine xalik a minet, ma ixo ölanglanga ine xalik a kinadik möxö minet, möxösa, a minet i koxobo eöt ta rörödik ine.

EPESES 2:5

Möxö ina na, God ixo öro belek ire arixe me Krais nang ire toxoro met köbo tatalien saban te ire. God ixo öro ire ma abalamu re ine niang ixo tabaa tataun ire min.

WINAWARA 11:11

Ma melamu xö narun ne bung ma subana, a mamas ne to meringan te God ixo tup pe idu. Me idu toxo tuu kaa, me ewe idi nang toxo pere idu toxo buut saban arixe.

1 PITA 3:18

Ruasa, möxösa, e Krais ine a tene töxödös, ma ixo met kö önga axana bung kalik mon, lamun e mum nang kaim bara abo tene töxödös, rua silien e mum urungan te God. Ine a tödi mon nang toxo sexomet ine. Ma lamun ixo to baling kö tanono.

A Tinenge Deek ke JON 14:17

Ine a Tanono nang ibo osen abo turunon te God. A öxöno lagunon i kebeöt ta ömaraxen lo ine, möxösa, a öxöno lagunon i kebeöt ta werwere ine bara ösöxö ine. Lamun mum moxoro ösöxö sik ine, möxö ine i xisixis arixe me mum ma irabo kis kölöme re mum.

WINAWARA 1:18

E ina öng na nang ine ma to. E xo met ma lamun na e kis ulorexe. Me e tön sik a ki möxö marame möxö minet ma möxö lagunon ne minet bölök.”

1 PITA 1:21

Me mum mo nunu re God, möxösa, mum mo wan pösöt ine kölöme re Krais. Me God, ine iat ewe ixo öraru e Krais kalik a minet ma ixo isik a mariris se ine. Io nang, abo nunu re mum i kis se God, mabo lalaa deek mum mo xixiset lamun ma nunu i wanot meriso re God.

1 KORIN 15:16

möxösa, nang bara abo minet takarabo taru kaa baling, io, Krais bölök i koxobo taru kaa baling.

A Ginigeet te Pol urungan köbo ROM 6:12

Io nang, ganim e mum pa aut lo a magingin saban tua kure abo aimum, a mangana aine mum nang irabo met mon. Ma xalik mum morobo tame abo mamaa saban te ine.

IBRU 13:20

E seseseng wösöt e God ewe ibo isik a malum. Ine ewe ixo öraru öbaling e Jisas, a Orong ke ire, xalik a minet. Me Jisas ine ewe i balaure ire xarnang a öng i balaure abo sipsip, ma ixo met xarnang önga arabaa wösöt e God. Ma a minet tine ixo pet a xuxubus nang i tuu ulorexe. Io nang, God ixo eöt bara irabo öraru ine bira.

2 KORIN 5:4

Io, nang ire angen bang te roro kölöme xö inabo gunon, ire te kis ne maris arixe ma tiip taxin, möxösa, ire tekobo mamaa rua xikip tewe abo man te ire, ma lamun ire te mamaa bara ire tabo laulawa, bara inabo lewene aine ire nang i eka minet irabo xuxulas ma irabo to.

A Ginigeet te Pol urungan köbo ROM 8:1

Io niang, God i karabo kure bara irabo ömokorot idi nang idi kölöme re Krais Jisas,

A Ginigeet te Pol urungan köbo ROM 8:12

Io nang, abo töke kölöme re Krais, a binilan te ire rua mumuu a mangana tatalien, ma lamun a lölös mera xö pu i kebeöt tua engin ire rua to muu ine.

A Ginigeet te Pol urungan köbo ROM 16:3

Mum morobo mana öga lo e Pirisila me Akuila ewe idu te rörörön arixe me e rua gene Krais Jisas. Idu toxo isik tewe abo to re idu rua rorop e. Inexalik idu toxo maras sik bere idu tabo met gut. Me e tengen deek ulamun idu ma kaim bara re e xalik, idi bölök abo nangadi möxö lotu xinabo lagunon te idi ewe idi nang kaim bara abo Judeia.

A Ginigeet te Pol urungan köbo ROM 16:7

Mum morobo öga lo Andaronikus me Junia, a nine Judeia xarnang e, ewe idu toxo kis arixe me e kölöme xö gunon ne aömokorot. Me re idi ewe toxo tile rua palas a atöngösen deek, abo nangadi te ii öraxin idu, me idu toxo ot ta kinis kölöme re Krais mesila re e.

A Ginigeet te Pol urungan köbo ROM 16:9

Mum morobo öga lo bölök e Urbanus ewe ibo rörörön arixe me ire rua gene Krais, me mum morobo mana pet bira bölök urungan kö ais deek ke e, e Sitakis.

A Ginigeet te Pol urungan köbo ROM 16:10

Mum morobo öga lo e Apeles, ewe abo kinadik ixo kawönö ine ma i osen ömaras bere ine i muu ödeek e Krais. Me mum morobo öga lo ewe idi möxö barama re Aristobulus.

GALESIA 6:8

Ewe a öng i susulo kölöme xö to re ine i eöt arixe mabo mamaa möxö lölös mera xö pu kölöme re ine, io, irabo kin öxaa öbaling abo lalaa möxö minet meringan kö ina lölös mera xö pu. Lamun ewe a öng nang i susulo kölöme xö to re ine i eöt arixe ma mamaa möxö Töxödös ne Tanono, ma irabo kin öxaa öbaling abo lalaa möxö to ulorexe meringan kö Tanono.