A Ginigeet te Pol urungan köbo ROM 5:9 - A Xuxubus Maxat

⁹ I turunon bara xö dee re Krais, God ixoro kure bara ire tabo töxödös kö wawara re ine. Ma nang bara ina na i turunon, io, i turunon saxit bara Krais irabo mana öro ire xalik a bala laie re God!

A Ginigeet te Pol urungan köbo ROM 5:9 Referans Kwoze

1 TESALONIKA 1:10

ma rua kinis xiset a Barok ke ine meriso xö watmaep, ewe nang God ixo öraru ine xalik a minet. Ma a Barok ke ine, e Jisas, ewe irabo ölanglanga ire xalik a laie re God nang irabo wanot melamu.

A Ginigeet te Pol urungan köbo ROM 8:1

Io niang, God i karabo kure bara irabo ömokorot idi nang idi kölöme re Krais Jisas,

EPESES 2:13

Ma lamun na im kö kinis se mum kölöme re Krais Jisas, ewe mum nang abo mangana to re mum ixo palaa sik mesila, God iri kip örörö lo im e mum ma a dee re Krais,

A Tinenge Deek ke JON 5:24

“Turunon saxit, ewe niang i ölangen abo tinenge re e ma i nunu re ine niang ixo tile e ura, io, ine iri kip a to ulorexe, ma i kebeöt ta tinuu xö warkurai. Ma lamun iri saxit a minet urungan kö to.

A Ginigeet te Pol urungan köbo ROM 5:1

Io nang, a malum i kis im pe ire arixe me God kö kinis se ire kölöme xö Orong ke ire, e Jisas Krais, möxösa, xö nunu re ire God iri kure bara ire te töxödös kö wawara re ine.

A Ginigeet te Pol urungan köbo ROM 1:18

Ma lamun God i osen ömaras meruso xö watmaep bara i laie xöbo tatalien ne tinuu talu ine ma abo magingin saban möxö nangadi, idi ewe tobo umungen abo lalaa nang i turunon ulamun e God nang tobo wewet abo sasaban,

IBRU 9:22

Ma unine ina tinenge i bira: abo warkurai te Moses i tengen bara ire tabo ömadakdak a oleleng ne lalaa arixe ma dee, i xarnang bara i lörörö bara abo lalaa xirip. Io, nang bara kaim a minet, God i karabo döxömen taun abo sasaban.

IBRU 9:14

Ina na i turunon, io niang, i turunon saxit bara a dee re Krais irabo ömadakdak tunin iat ire bara ire tabo eöt tua ösöxö bara inabo tatalien saban nang idi tobo silien ire urungan kö minet, idi tere tup tewe. Krais ixo eöt bara irabo ömadakdak tunin iat ire, möxösa, ixo isik a to re ine wösöt e God xarnang önga arabaa kaim pebo sasaban könan. Ma ixo rörön bira arixe ma lölös möxö Töxödös ne Tanono nang irabo kis ulorexe. Ixo ömadakdak ire bira rue ire ra tame e God nang a lak to.

A Ginigeet te Pol urungan köbo ROM 8:30

Me idi ewe God ixo tulus sik mesila, io, ixo kuwe lo bölök idi. Me idi nang ixo kuwe idi, ixo kure idi bara te töxödös kö wawara re ine. Me idi nang ixo kure idi, ine ixo ömar idi ma mariris taxin.

1 JON 1:7

Inexalik nang bara ire te önan kö maras xarnang ine iat i kis kö maras, io, ire te önga balade arixe ma uleng kabise ma a dee re Jisas, a Barok ke ine, i ömadakdak ire xalik abo magingin saban kirip.

A Ginigeet te Pol urungan köbo ROM 5:10

Io, nang ire toxo melentexin e God, xö minet möxö Barok ke ine, God ixo lamus puxus ire urungan te ine xarnang abo ais se ine. Ma nang bara ina na i turunon, io, i turunon saxit bara xö to xö Barok ke ine, God irabo mana öro ire, möxösa, ixoro lamus puxus ire urungan te ine xarnang abo ais se ine bira!

EPESES 2:3

Me ire xirip, ire toxo to kaluluon te idi abo tene sasaban mesila. Ire toxobo wewet eörin abo mamaa möxö lölös mera xö pu kölöme re ire. Ire toxobo mumuu inabo masixine saban ma inabo dinödöm saban. Xarnang idi xabise, idi tokobo eöt tua nuan pes a laie xö God.