A Ginigeet te Pol urungan köbo ROM 2:10 - A Xuxubus Maxat

¹⁰ Ma lamun a mariris ma a kinis taxin ma malum irabo wan urungan kö nangadi xirip nang idi te pet a dedeek. Turunon saxit irabo ot köbo Judeia, ma lamun irabo ot bölök kö idi nang kaim bara abo Judeia,

A Ginigeet te Pol urungan köbo ROM 2:10 Referans Kwoze

1 PITA 1:7

Inabo ölelewen na i ot pösöt e mum rua osen bara abo nunu re mum a lak turunon. Me idi tobo könönöin a gol xarna niang bölök. Idi tobo bulbulus ine kölöme xö ia sösöt tua osen bara ine a gol turunon. Ma a gol ibo rutup tewe, nexalik a nunu re mum a marana a lak taxin kö gol. Io niang, bere Jisas Krais irabo ot wösö, ine irabo ölet e mum ma irabo ömariris e mum ma irabo ii öraxin e mum, möxösa, irabo pere ina nunu runon te mum.

JEMS 3:13

Dauleng kaluluon te mum abo tene nanase? Idi tabo mana osen abo nanase re idi bira: abo to re idi irabo deek, me idi tabo pet abo mangana tatalien i eöt ma önga tödi nang i ii ölik ine ma nanase.

A Ginigeet te Pol urungan köbo ROM 8:6

Idi ewe nang idi tobo döxömen muu abo mamaa mera xö pu, ina dinödöm irabo silien idi urungan kö minet. Inexalik idi ewe nang idi tobo döxömen muu abo mamaa möxö Tanono, ina dinödöm irabo silien idi urungan kö to ma a malum.

A Ginigeet te Pol urungan köbo ROM 2:7

A dauleng idi tobo wewet sösöxöin abo tatalien deek. Ma nang idi te wewet bira i maras bere idi te wawara siwin a ngas sua xikip a mariris ma a ese deek ma a kinis nang kaim pe minet könan. Me God irabo balu wuxus idi ma to ulorexe saxit.

A Tinenge Deek ke Luk 1:79

rua mararang lömö re idi nang te xisixis kö ködö ma xö ene lölös möxö minet, ma rua silien ire ra nuan kö ngas ne malum.”

JEMS 2:22

Io, e mamaa bere nöngön örobo ösöxö bara a mangana nunu rine arixe mabo tatalien deek kine i wan eöt. Ma a nunu rine ixo ot turunon, möxösa, i wan eöt mabo tatalien deek kine.

GALESIA 5:6

I wawara bara e rabo tengen bira, möxösa, nang bere ire te kis kölöme re Krais Jisas, io, irabo laa tataun mon nang bere idi tabo kuru abo lewene aine ire bara nang tokobo kuru. A önga laa mon nang i taxin, a nunu re ire re Krais i pet ire ra ebalamu kaluluonin ire.

A Ginigeet te Pol urungan köbo ROM 5:1

Io nang, a malum i kis im pe ire arixe me God kö kinis se ire kölöme xö Orong ke ire, e Jisas Krais, möxösa, xö nunu re ire God iri kure bara ire te töxödös kö wawara re ine.

A Ginigeet te Pol urungan köbo ROM 2:9

Abo kinadik mabo tiip taxin irabo ot pösöt a nangadi xirip nang idi te pet abo sasaban. Turunon saxit irabo ot köbo Judeia, ma lamun irabo ot bölök kö idi nang kaim bara abo Judeia.

A Tinenge Deek ke JON 16:33

“E xoro töngösen e mum minabo lalaa, bara mum morobo uruoxe a malum, möxösa, mum mo kis kölöme re e. Xina öxöno lagunon a kinadik irabo kis me mum. Lamun ganim a binuut. E xoro wan lexe a lölös möxö öxöno lagunon.”

PILIPAI 4:7

Io, a malum pe God nang i lömö saxit köbo nanase re ire, irabo pere muu ödeek im abo dinödöm pe mum ma abo to xirip pe mum bölök kölöme re Krais Jisas.

GALESIA 5:22

Lamun abo inone a Töxödös ne Tanono i bira: a mamaa urungan kö nangadi xabise, a axanan, a malum, a balawapat, a abalamu, abo tatalien deek, a tatalien ne turunon,

A Ginigeet te Pol urungan köbo ROM 15:13

E seseng urungan te God ewe i pet e mum bara morobo eöt tua xixiset ma nunu ulamunon abo warwadöan. E seng ine bara irabo öwöwö e mum ma axanan ma malum bölök nang mum bo nunu re ine. Io nang im, xö lölös möxö Töxödösine Tanono, a tatalien ne xixiset ma nunu ulamunon inabo warwadöan irabo wöwö xöba sik ke mum.

A Ginigeet te Pol urungan köbo ROM 14:17

Ruasa, möxösa, a unine kingdom kö God i kobo tatalien ne nien ma ra ininim. Ma lamun a unine im, abo tatalien töxödös ma a malum ma a axanan nang i wanot lo meringan kö Töxödös ne Tanono,

A Ginigeet te Pol urungan köbo ROM 9:23

Me God ixo pet bira rua osen ömaras a mariris taxin te ine urungan te idi ewe nang te tagur sik kua xikip a inemarse re ine, idi iat nang e God ixoro tagure idi mesila rua xikip a mariris.

A Ginigeet te Pol urungan köbo ROM 9:21

Bule, i kobo töxödös bara a tene pet bile irabo rörön arixe ma önga ip pu xalik mon ma irabo pet önga bile rua abo tinörön deek ma önga bile xabise belek ulamunon a tinörön tataun mon?

APOSOL 10:35

Ma lamun ibo öbala lo a nangadi möxö boxönö xirip nang tobo ii ine ma tobo wewet a lasa nang i töxödös.

A Tinenge Deek ke JON 12:26

Me ewenene re öng i mamaa rua tultul te e, ine irabo mana muu e. Ma nang bara e wan taule, a tultul te e bölök irabo wan uxe. Me ewenene nang i tultul tö e, e Mama irabo ii ine.

A Tinenge Deek ke Luk 22:14

Ma nang a axana bung möxö nien ixo wanot, Jisas mabo aposol idi toxo kis arixe xö öra.

A Tinenge Deek ke Luk 19:42

Ma ixo tengen, “Mum mee Jerusalem, e mamaa xöba bara nixinen mum iat morobo ösöxö a lasa irabo isik ot a malum pe mum. Ma lamun na iri mun tewe xalik abo marana e mum.

A Tinenge Deek ke Luk 12:37

Irabo deek kö idi abo tultul ewe nang a orong ke idi i pere wösöt idi ma te wawara sik nang ine irabo wanot. Turunon saxit, ine irabo ölaulawa ine iat tua tinörön, ma ina orong iat irabo tengen tö idi rua kinis kö öra möxö nien, me ine iat irabo ot ma irabo tabaa idi ma nien.

A Tinenge Deek ke Luk 9:48

Ma ixo tengen te idi, “Ewe nang irabo öga ina barok lik na xö esene e, ine i öga e, ma lamun ewe nang i öga e, ine i öga a öng nang ixo tile e. Möxö ewe nang i lik köba kaluluon te mum kirip, ine i taxin saxit.”

MATIU 10:13

Ma bara a lagunon i balaure ödeek e mum, a malum pe mum irabo mana kis deek ee. Ma nang bara tokobo balaure ödeek e mum, mum morobo kip lo öbaling a malum pe mum.

1 PITA 5:4

Ma xö axana bung nang a Sisila ne Tene Balbalaure Sipsip irabo ot wösö, mum morobo kip lo a mariris, xarnang a bubuan deek nang i karabo wan tup tewe a mariris möxönan.

A Tinenge Deek ke JON 14:27

E gan sik a malum arixe me mum. A malum pe e, e isik ke mum. E kobo isik ine re mum xarnang a öxöno lagunon ibo isik. Ganim bara a tapunuk i öriip abo bala mum ma ganim a binuut lo mon.

1 TIMOTI 1:17

Ire tabo mana ölet sösöxöin e God, ine a öng kalik mon e God ewe niang i kebeöt ta minet me idi tekebeöt ta werwere ine. A kinis ne warkurai te ine i tuu ulorexe. Me ire tabo mana ii öraxin a esene xöbo bungbung kirip. Amen.

IBRU 2:7

U xo bulus ösu e mem a nangadi xö pu xöbo angelo bere mem marabo kis aulik bang bie. U xo tabaa e mem ma mariris ma ese raxin.