A Ginigeet te Pol urungan köbo ROM 1:7 - A Xuxubus Maxat

⁷ Io, e gegeet urungan te mum a nangadi niang Rom, mum ewe nang e God i mamaa xöba re mum ma ixoro kuwe lo e mum bara a nangadi tunon iat te ine. A abalamu ma malum urungan te mum meruso re God a Tamana ire, ma meruso re Jisas Krais, a Orong.

A Ginigeet te Pol urungan köbo ROM 1:7 Referans Kwoze

KOLOSI 1:2

maa me tile ina tinenge na urungan tö mum a nangadi runon kö God niang Kolosi, e mum abo tönö e maa nang mum mo nunu re Krais me mum mo kis kölöme re ine. A abalamu ma malum meriso xö God, a Tamana ire, urungan tö mum.

EPESES 1:2

A abalamu ma malum urungan te mum meriso re God a Tamana ire me Jisas Krais, a Orong ke ire.

1 TESALONIKA 1:1

E, e Pol, arixe me Sailas me Timoti, meet me tile ina tinenge na urungan tö mum a marakörö ne lotu niang Tesalonika, ewe mum mere God, a Tamana ire, me Jisas Krais, a Orong ke ire. A abalamu ma malum irabo kis arixe me mum.

2 KORIN 13:14

E seseng bere Jisas Krais, a Orong, irabo balamu e mum kirip, ma bere God irabo maa rö mum kirip, ma bara a Töxödös ne Tanono irabo pet e mum bara mum kirip morobo önga bala mum mon.

2 JON 1:3

A abalamu ma malum meriso re God, a Tamana ire, me Jisas Krais a Barok ke Mama, irabo kis me ire, möxösa, ire te kis arixe ma turunon ma te ebalamu kaluluon te ire.

PILIMON 1:3

A abalamu ma malum urungan te mum meriso re God a Tamana ire, ma meriso re Jisas Krais, a Orong.

2 TESALONIKA 3:18

A abalamu re Jisas Krais, a Orong ke ire, irabo kis arixe me mum kirip.

2 TESALONIKA 3:16

Io, meet me seseng bara a Orong iat, ine a unine a bala malum, bara ine irabo tabaa sösöxöin e mum min kö mangana lalaa sa nang irabo ot pösöt e mum. Me meet me seseng bara a Orong irabo kis arixe me mum kirip.

WINAWARA 22:21

E seseng bara a abalamu mere Jisas, a Orong, irabo kis arixe ma nangadi re God.

PILIMON 1:25

A abalamu re Jisas Krais, a Orong, irabo kis arixe me mum.

1 JON 3:1

Pere bang! A mamaa raxin nang e Mama ixoro tabaa ire min! Io, lamun ina na, i tengen bara ire a bung baroxorok kö God. Ma ina na i turunon. A öxöno lagunon i koxobo ösöxö xulen ire, möxösa, i koxobo ösöxö xulen bölök e God.

1 PITA 1:15

Kaim. God ewe nang ixo kuwe e mum, a lak madakdak ine. Io, xö tatalien te mum, mum iat bölök morobo madakdak xarnang ine,

TAITUS 1:4

Me e geet ina tinenge na urungan te nöngön, Taitus, a barok turunon te e kölöme xö nunu niang iraa xirip te kip. A abalamu ma malum irabo kis se mum meringan te God a Tamana ire me Krais Jisas a Tene Aöro re ire.

2 TIMOTI 4:22

Ma Orong irabo kis arixe ma tanom ma a abalamu re ine irabo kis se mum kirip.

2 TIMOTI 1:2

Me e geet ina tinenge urungan te nöngön Timoti, a barok ke e niang e mamaa xöba rö ine. A abalamu ma malum urungan te nöngön meriso re God a Tamana ire, ma meriso re Krais Jisas, a Orong ke ire.

1 TIMOTI 1:2

Me e geet inabo lalaa na urungan te nöngön, Timoti, a barok turunon te e kölöme xö nunu re ire re Krais. E seseng bara a abalamu ma a malum meriso re God a Tamana ire me Krais Jisas, a Orong ke ire, urungan te nöngön.

1 TESALONIKA 5:28

A abalamu xö Orong ke ire, e Jisas Krais, irabo kis arixe me mum.

1 TESALONIKA 4:7

Irabo deek bere ire tabo kis xarna na, möxösa, e God kaim kö xukuwe ire rua wewet a tatalien biling, inexalik bere ire tabo kis kö to i madakdak.

1 TESALONIKA 1:3

Me meet mobo döxömen lo xö wawara xö God, a Tamana ire, abo tinörön deek ke mum nang i wanot möxö nunu re mum, mabo tinörön lölös se mum nang i wanot meringan kölöme xöbo abalamu re mum. Me meet mobo döxömen lo bölök bara mum moxobo tuu lölös sik iat tua xixiset ma balawapat ulamun e Jisas Krais, a Orong ke ire.

KOLOSI 3:12

Mum abo duöng nang God ixoro pere kos lo, me mum abo duöng madakdak ewe God i mamaa rö mum. Io nang, mum morobo mana sige a tatalien ne bala maris me mum morobo pet a tatalien deek urungan tö idi xabise. Mum morobo ii ölik öbaling e mum ma morobo mana kis xarnang a nangadi ödödö. Me mum korobo laie wasaxit kölöme xöbo tiip.

PILIPAI 4:23

A abalamu re Jisas Krais, a Orong ke ire, irabo kis arixe me mum. Amen.

PILIPAI 4:20

Io, ire tabo mana perexulen bere a kinis se God a Tamana ire i wöwö ma mariris i tuu ulorexe saxit. I turunon saxit.

EPESES 6:23

Me e seseng bara God a Tamana ire me Jisas Krais, a Orong, irabo isik a malum pe mum abo töke kölöme re Krais. Me e seseng bara ine irabo ölölös abo nunu re mum mabo mamaa re mum urungan kö öng kabise.

GALESIA 6:18

Abo töke kölöme re Krais, e seseng bara a abalamu re Jisas Krais, a Orong ke ire, irabo kis arixe mabo tanono e mum. Amen.

1 KORIN 16:23

A abalamu re Jisas a Orong irabo kis arixe me mum.

A Ginigeet te Pol urungan köbo ROM 9:25

Ma i xarnang toxo geet kö ginigeet te Osia nang e God ixo tengen bara, “E rabo kuwe idi nang kaim bara abo nangadi re e, bara a nangadi re e im idi. Me e rabo kuwe a öng ewe e kobo mamaa rö ine, bara ine ewe e mamaa im pö ine.

A Ginigeet te Pol urungan köbo ROM 5:1

Io nang, a malum i kis im pe ire arixe me God kö kinis se ire kölöme xö Orong ke ire, e Jisas Krais, möxösa, xö nunu re ire God iri kure bara ire te töxödös kö wawara re ine.

APOSOL 15:23

Idi toxo tile arixin idi ma axana ginigeet i tengen bira, “Mem abo aposol mabo tene sisila, abo tönö e mum kö esene e Krais, mem me tile a axanan te mum kö nangadi nang mum kaim bara abo Judeia, mum abo tene nunu meringan Entiok, Siria me Silisia.

KOLOSI 3:15

Mum morobo mana ömaraxen lo a malum pe Krais sua sisilien abo bala mum, möxösa, God ixo kuwe lo e mum pua kinis arixe xö önga lewene aine bara morobo kis ma malum ebasin te mum. Me mum morobo mana tengen deek urungan te ine.

PILIPAI 4:13

Abo lölös se e i eöt mabo mangana kinis kirip, möxösa, e bo xisixis arixe me ewenene niang ibo ölölös e.

A Ginigeet te Pol urungan köbo ROM 8:39

Kaim pe öng kuso lömö, bara mera xö pu, ma bara re mangana laa sa mera xö öxöno lagunon kirip irabo eöt tua bölbölö wi ire xalik a abalamu xö God nang i tabaa ire min kö kinis se ire kölöme re Krais Jisas, a Orong ke ire.

A Ginigeet te Pol urungan köbo ROM 1:6

Mum bölök kaluluonin idi. God ixoro kuwe lo e mum bölök bere mum morobo nangadi mere Jisas Krais.

WINAWARA 2:1

Ma ixo tengen bira, “Nöngön örobo geet ina tinenge na urungan kö angelo möxö lotu mee Epeses. Ina na abo tinenge re ewe nang i tön sik inabo pitnö ma ninöng ne tii xö lime tuun te ine. Ma i önan kaluluonin a pitnö ma ninöng ne kinis ne laam ne gol.

JEMS 1:1

E, e Jems, önga tultul te God me Jisas Krais, a Orong. Me e geet ina tinenge na urungan te mum a sangaun ma ninöng ne bung marapun mee Israel, ewe niang idi te xisixis kö boxönö xirip möxö öxöno lagunon. Me e öga e mum ma tinenge na.

A Tinenge Deek ke JON 20:17

Me Jisas ixo tengen, “Ganim bara u tön e, möxösa, e kala baling bang urso re Tata. Ma lamun örobo mana wan urungan köbo töke, ma örobo tengen te idi bara, ‘E rabo wan im urso re Tata re e ma Tata re mum, urso xö God te e ma God te mum.’”

MATIU 5:16

Xarnang mon, a bibio re mum irabo mararang kö wawara xö nangadi bara idi tabo pere abo tatalien deek ke mum me idi tabo ölet a Tamana e mum nuso xö watmaep.

WINAWARA 3:22

Ewe a öng i eöt ta ölangen kulen ina na, irabo mana tame a tinenge a Töxödös ne Tanono i rengrengen urungan köbo lotu.”

WINAWARA 3:14

“Me nöngön örobo geet ina tinenge na urungan kö angelo möxö lotu mee Laudisia. Ina na abo tinenge re ewe nang i pet eörin xarnang ibo rengrengen. E a tene rengrengen a turunon. I eöt bara öngöng irabo nunu kölöme xö atöngösen te e. Me e a unine abo lalaa xirip nang God ixo uxis.

WINAWARA 3:7

“Me nöngön örobo geet bölök ina tinenge na urungan kö angelo möxö lotu mee Piladelpia. Ina na abo tinenge re ewe nang i madakdak köba me i pet eörin xarnang i rengrengen. Me e tön sik a ki re Dewit. Ma lasa nang e sawang, kaim pe öng irabo baxut. Ma lasa nang e baxut, kaim pe öng irabo sawang.

WINAWARA 2:29

Ewe a öng i eöt ta ölangen kulen ina na, irabo mana tame a tinenge a Töxödös ne Tanono i rengrengen urungan köbo lotu.

WINAWARA 2:18

“Me nöngön örobo geet bölök ina tinenge urungan kö angelo möxö lotu mee Taiataira. Ina na abo tinenge xö Barok kö God, ewe a nine marake i wawara xarnang a kamene iaa. Ma nine xexene e, idu te xarnang a baras i söt laxiren.

WINAWARA 2:12

“Me nöngön örobo geet ina tinenge na urungan kö angelo möxö lotu me Pergamam. Ina na abo tinenge re ewe nang i tön sik ina sele i aan kö nine lawa xirip.

WINAWARA 2:8

“Me nöngön örobo geet bölök ina tinenge na urungan kö angelo möxö lotu mee Semerna. Ina na abo tinenge re e ewe nang a sila ma xakawöm. E xo met me e xo to baling.

1 TIMOTI 6:2

Ma i xarnang bölök köbo tödi tinörön niang abo tödi raxin te idi abo tene nunu. Bara inabo tödi tinörön tabo döxömen bara abo tödi raxin te idi abo barön kölöme re Krais, ganim bere idi tabo dödöm tataun te idi. Ma lamun idi tabo mana rörön lölös köba rö idi, möxösa, idi abo tene nunu ewe niang tabo kip lo a inone tinörön, ma, möxösa, abo tödi tinörön te balamu idi. Nöngön örobo eusu ma örobo öxaxat a nangadi ulamun abo lalaa niang.

APOSOL 9:13

Ananias ixo balu, “Orong, e xoro ölangen a oleleng ne tinenge lamun ina tödi na ma bara ixo wewet ögat a nangadi re nöngön iat tuso Jerusalem.

A Ginigeet te Pol urungan köbo ROM 5:5

Ma nang ire te xixiset ma nunu bira, ire tekarabo kis kere minenge, möxösa, God iri öwöwö abo balana ire arixe ma abalamu nang ixo tabaa ire ma Töxödös ne Tanono.

A Ginigeet te Pol urungan köbo ROM 8:28

Me ire te ösöxö bere God ibo rörörön kölöme xöbo lalaa xirip pua öraru abo dedeek kua gene idi nang idi te mamaa re God, idi iat nang iri kuwe lo idi eöt ma dinödöm pe ine nang ine ixo bulus ot.

1 KORIN 1:24

Ma lamun urungan te ewe midi nang e God ixo kuwe lo idi, idi nang abo Judeia me ewe idi nang abo Grik, idi te perexulen e Krais bere ine iang i osen a lölös kö God ma a nanase xö God.

PILIPAI 1:2

A abalamu ma malum urungan te mum meriso re God a Tamana ire ma meringan te Jisas Krais, a Orong.

1 TESALONIKA 1:4

Io, mum abo töke kölöme re Krais, ewe God ibo mamaa xöba rö mum, meet me ösöxö bere God ixo pere kos lo e mum.

2 TESALONIKA 1:2

A abalamu ma malum irabo kis se mum meriso re God, a Tamana ire, ma a Orong, e Jisas Krais.