PILIPAI 3:3 - A Xuxubus Maxat

^3-4 E tengen bira, möxösa, mesila a tatalien möxö kuru aine nangadi ixo osen bara abo Israel a nangadi re God, nexalik na, ire iat abo tene nunu, a nangadi turunon te God. Ire iat abo duöng ewe niang tobo lotu re God kölöme xö Töxödös ne Tanono, me ire tabo ölet e Krais Jisas. Ma i turunon bara a unine bere e iat e xebe öt tua bulus a nunu re e xö tatalien ne muu warkurai te Moses sua rorop e, ma lamun ire tokobo bulus a nunu re ire xö ina tatalien na. Nang bara re öng i döxömen bara i eöt tua mumuu inabo warkurai rua rorop ine, a unine bara e iat e sila sik.

PILIPAI 3:3 Referans Kwoze

KOLOSI 2:11

Xö kinis se mum kölöme re Krais i xarnang bara e Krais ixo muu a tatalien möxö xurxuru rewe a önga xönö möxö lewene aine e mum. Ma lamun kaim bara xarnang a nangadi mon idi tobo wewet arixe mabo limine idi. Kaim. Krais iat ixo kip tewe a lölös mera xö pu xalik a to re mum.

A Ginigeet te Pol urungan köbo ROM 7:6

Inexalik na im, ire tere langlanga xalik a lölös möxöbo warkurai te Moses, möxösa, ire tere met tewe xalik inabo niang ixo kubus sik ire. Io nang, ire abo tultul möxö ngas maxat nang i kis kö ene Töxödös ne Tanono. Ma kaim bere ire abo tultul baling im möxö ngas maut möxö rarame abo warkurai nang toxo geet ösu.

GALESIA 5:25

Ire tabo mana mumuu a Tanono, möxösa, a Tanono ixo öro ire.

A Ginigeet te Pol urungan köbo ROM 8:15

Ma ina Tanono ewe nang mum moxo kip, i kobo pet e mum bara e mum abo tultul baling kua binuut. Kaim. Mum moxo kip a Tanono ewe nang ixo ölön lo e mum bara e mum morobo barok ke God. Ma xö rorop kö Tanono, ire tobo xukup ma sineseng bira, “Mama! Mama!”

EPESES 6:18

Me mum morobo seseseng sösöxö xöbo mangana sineseng arixe ma rorop möxö Töxödös ne Tanono. Mum morobo döxömen inabo lalaa bara mum morobo tagur ma mo korobo mamas, inexalik mum morobo seseseng ulamun idi xirip nang a nangadi tus se God.

A Ginigeet te Pol urungan köbo ROM 1:9

Me e isik a kat te e xirip pua tinörön te God nang e wöwörö ma a atöngösen deek ulamun a Barok ke ine. Me God ine ewe nang i eöt tua rengrengen ömaras ulamun a laa ine i ösöxö sik bara i turunon ma i bira, bara xöbo bung kirip e kara mamas sua rengrengen e mum kölöme xöbo sineseng ke e.

A Ginigeet te JUT 1:20

Inexalik, abo ais deek ke e, mum morobo mana uru ölölös e mum kölöme xö tinenge madakdak nang mum mo nunu xönan. Mum morobo öbala lo a Töxödös ne Tanono bara irabo silien abo siniseng ke mum.

A Ginigeet te Pol urungan köbo ROM 15:17

Io niang, e re pere bara a kinis se e kölöme re Krais Jisas, ine a unine bara arabo eölolot ulamun abo tinörön te e rua gene God.

A Ginigeet te Pol urungan köbo ROM 8:39

Kaim pe öng kuso lömö, bara mera xö pu, ma bara re mangana laa sa mera xö öxöno lagunon kirip irabo eöt tua bölbölö wi ire xalik a abalamu xö God nang i tabaa ire min kö kinis se ire kölöme re Krais Jisas, a Orong ke ire.

A Ginigeet te Pol urungan köbo ROM 9:6

Nang e re tengen bira, e kaim kö rengrengen bara abo tinenge xö God iri subu. Kaim, möxösa, kaim bere idi xirip abo subun mee Israel ewe idi nang a Israel turunon.

2 KORIN 11:18

Oleleng idi te eölolot eöt ma tatalien möxö aölolot möxö öxöno lagunon, io nang, e bölök, e rabo eölolot.

GALESIA 6:16

Me idi nang te mumuu eörin ina tinenge re e, io, e seng e God bara irabo isik a malum ma a abalamu urungan te idi ma urungan köbo Israel nang ke God.

PILIPAI 1:1

E, e Pol me Timoti, maa a nine tultul kö pu re Krais Jisas. Me maa me tile ina tinenge urungan te mum a nangadi runon te God, mum niang mo kis kölöme re Krais Jisas singan Pilipai. Me maa me tile bölök ina tinenge na urungan te mum abo sisila ne lotu me mum abo tene rorop möxö lotu.

PILIPAI 3:12

E kobo tengen bara e re eöt ta pet eörin kirip inabo lalaa na, bere e re töxödös kirip sik. Kaim. Lamun e lölölös sua xikip ina kinis niang e Krais Jisas ixo lamus e bara e rabo kip lo.

PILIPAI 3:14

Xarnang ina na, e kara mamas, ma lamun e mana lölös sik iat ot kö öxöwöm möxö ina ululo, nexalik bara e rabo kip ina arabaa deek nang e God ixo kuwe lo e kölöme re Krais Jisas bara e rabo kip puso lömö.