PILIPAI 2:1 - A Xuxubus Maxat

¹ Io, a kinis se mum kölöme re Jisas ibo öxaxat e mum. Ma a abalamu re ine ibo ömamanaa e mum. Mum bo önan arixe ma Töxödös ne Tanono. Mum mo pet ödeek me mum mo ebalamu kaluluonin e mum iat.

PILIPAI 2:1 Referans Kwoze

KOLOSI 3:12

Mum abo duöng nang God ixoro pere kos lo, me mum abo duöng madakdak ewe God i mamaa rö mum. Io nang, mum morobo mana sige a tatalien ne bala maris me mum morobo pet a tatalien deek urungan tö idi xabise. Mum morobo ii ölik öbaling e mum ma morobo mana kis xarnang a nangadi ödödö. Me mum korobo laie wasaxit kölöme xöbo tiip.

1 JON 4:12

Ma kaim pe öng ixoro pere e God. Inexalik nang bara ire te mamaa kaluluonin ire iat, God irabo kis kölöme re ire ma ina mangana mamaa iat nang ke God irabo kis kölöme xö to re ire.

2 KORIN 13:14

E seseng bere Jisas Krais, a Orong, irabo balamu e mum kirip, ma bere God irabo maa rö mum kirip, ma bara a Töxödös ne Tanono irabo pet e mum bara mum kirip morobo önga bala mum mon.

KOLOSI 2:2

E rörörön lölös bira, bara arabo öxaxat abo balna idi ma bere idi tabo öng mon kölöme xö abalamu egilas se idi bara tabo wöwö arixe ma nanase raxin kirip pua ösöxö ina laa nang God ixo umixen, me ine iat e Krais.

1 KORIN 12:13

Möxö a önga Tanono xalik mon ixo baptais ire urungan kölöme xö önga lewene aine öng mon. Kaim pe laa bara ire abo Judeia, bara abo Grik, bara abo tultul, ma bara kaim bere ire abo tultul. God ixo örabaa ire ma önga Tanono xalik mon bara ire tabo inim mere ine.

GALESIA 5:22

Lamun abo inone a Töxödös ne Tanono i bira: a mamaa urungan kö nangadi xabise, a axanan, a malum, a balawapat, a abalamu, abo tatalien deek, a tatalien ne turunon,

GALESIA 4:6

Io, i turunon bere mum a bung barok ke God. Mina na, God ixoro tile a Tanono Barok ke ine urungan kölöme xö balana ire, ma kinup i ot bira, “Mama, a Mama re e.”

APOSOL 4:32

A nangadi xirip nang toxo nunu, toxo tuu arixe xö önga dinödöm ma önga baladi, ma kaim pe öng ixo tengen bara abo lalaa rine xalik mon, ma lamun idi toxo erabaa kaluluonin idi öngöng mabo laa re idi iat.

1 JON 3:24

Me ewenene i tame abo warkurai te ine, ine i kis kölöme xö God me God bölök irabo kis kölöme re ine. Me ire te ösöxö bule bara God i kisisik kölöme re ire? A Tanono nang e God ixoro isik ine urö ire, ibo ömaras ire ulamun ina na.

A Tinenge Deek ke JON 17:13

“Na im arabo ot pösöt nöngön, ma lamun e tengen inabo laa na nang e angen bang a xö öxöno lagunon. Me e tengen ina na rue idi bara tabo wöwö ma axanan te e kölöme xö to re idi xarnang bölök e wöwö ma ina axanan.

1 JON 4:16

Me ire toxoro örasen me ire te nunu xö ina tatalien ne mamaa re God ulamun ire. Abo tatalien kirip pe God, a tatalien ne mamaa. Me ewenene re öng ibo mumuu ina tatalien ne mamaa, ine i kis kölöme re God me God i kis kölöme re ine.

PILIPAI 3:3

E tengen bira, möxösa, mesila a tatalien möxö kuru aine nangadi ixo osen bara abo Israel a nangadi re God, nexalik na, ire iat abo tene nunu, a nangadi turunon te God. Ire iat abo duöng ewe niang tobo lotu re God kölöme xö Töxödös ne Tanono, me ire tabo ölet e Krais Jisas. Ma i turunon bara a unine bere e iat e xebe öt tua bulus a nunu re e xö tatalien ne muu warkurai te Moses sua rorop e, ma lamun ire tokobo bulus a nunu re ire xö ina tatalien na. Nang bara re öng i döxömen bara i eöt tua mumuu inabo warkurai rua rorop ine, a unine bara e iat e sila sik.

1 KORIN 3:16

Bara bule, mum kobo ösöxö bere mum a gunon madakdak kö God ma bara a Tanono e God ibo kisisik me mum?

A Ginigeet te Pol urungan köbo ROM 8:26

Ma xarna niang bölök, a Töxödös ne Tanono ibo rorop ire ulamun inabo lalaa nang ire tekoxobo eöt min. Ire tokobo ösöxö bara a sa nang ire tabo seseng ulamun. Me ire tekebeöt tua rengrengen osen, ma lamun a Tanono i örasen a tiip taxin te ire ma i seseseng kua gene ire.

A Ginigeet te Pol urungan köbo ROM 5:5

Ma nang ire te xixiset ma nunu bira, ire tekarabo kis kere minenge, möxösa, God iri öwöwö abo balana ire arixe ma abalamu nang ixo tabaa ire ma Töxödös ne Tanono.

APOSOL 2:46

Xö bungbung kirip idi toxobo orot etok arixe kölöme xö gunon lotu raxin. Idi toxobo aan arixe xöbo gunon te idi a öngöng, ma toxobo aan arixe ma bala malum ma axanan kö to re idi.

1 PITA 1:2

Me mum nang e God a Tamana ire ixo pere kos eöt ma dödöxömen te ine mesila. Ma ixo pere kos e mum arixe ma tinörön möxö Tanono nang a Tanono ixo bulus tewe e mum kalik a sasaban bere mum morobo madakdak. Ma ixo pere kos e mum bira, bara mum morobo tame e Jisas Krais ma bere e Jisas irabo tos ömadakdak e mum ma dee re ine. Me e seseng bere mum morobo wöwö runon arixe ma a abalamu ma malum.

IBRU 6:18

Io, God ixo xuxubus ma ixo usugurno bölök. A nine laa na i kebeöt tua xuxulas, möxösa, God i kebeöt tua röxröxö. Io niang, ire ewe nang ire tere ulo wösöt ine rua xikip abo lalaa deek nang ixoro tagure bulus ma nang ire te xixiset ma nunu ulamunon, io, ire tabo balawapat bara ire tabo kip lo.

PILIPAI 1:8

I eöt bara God irabo sixaut xarnang a balake i muu xöbanin e mum eöt ma abalamu re Krais Jisas i ot pösöt e mum.

EPESES 4:4

Önga aine Krais, ma önga Tanono mon. Ma xarna na bölök, God ixo kuwe e mum bara mum morobo muu önga xixiset mon ulamun abo lalaa deek.

2 KORIN 2:14

Ma lamun mem me tengen deek kö God ewe nang ibo sisilien e mem kölöme re Krais sua osen bara Krais i xarnang önga umri raxin ewe nang ibo sisilien lo abo iuo nang iri pas bulus. Ma xarnang a xiki irabo waxwaxat elixilixin önga sisixine deek, io, God iri uguran elixilixin e mem bara a nangadi möxö boxönö xirip tabo ösöxö ine.

1 KORIN 15:31

Abo töke kölöme re Krais, i lörörö bara e rabo met köbo bungbung kirip. E sugurno bara ina na i turunon xarnang i turunon bölök bara e bo ölolot ulamun e mum kölöme re Krais Jisas a Orong ke ire.

A Tinenge Deek ke JON 14:27

E gan sik a malum arixe me mum. A malum pe e, e isik ke mum. E kobo isik ine re mum xarnang a öxöno lagunon ibo isik. Ganim bara a tapunuk i öriip abo bala mum ma ganim a binuut lo mon.

A Tinenge Deek ke JON 14:18

E karabo wan lie e mum xarnang a barok kaim a tamana. E rabo ot pösöt e mum.

A Tinenge Deek ke Luk 2:25

Ma önga tödi ixobo xisixis singan Jerusalem, a esene e Simion. Ine a önga tene töxödös ma ibo lolotu wösöt a Orong. Me ixobo xixiset ma ina tödi nang e God irabo isik kua ömamanaa abo Israel. Ma Töxödös ne Tanono ixo kis se ine.