PILIPAI 1:9 - A Xuxubus Maxat

⁹ Me e seseseng bara a abalamu re mum irabo mana rataxin ma bara a nanase re mum rua ösöxö xulen abo dedeek ma abo sasaban irabo kure ödeek inabo abalamu,

PILIPAI 1:9 Referans Kwoze

1 TESALONIKA 3:12

Me meet me seseng bara a Orong irabo öraxin köbanin a mamaa re mum kaluluonin e mum iat abo tene nunu ma a nangadi xabise xirip bölök xarnang e meet me pet tö mum.

KOLOSI 1:9

Io niang, maa mokoxobo mamas sua siniseng kua gene e mum urulo meringan kö bung maa moxo see lo a atöngösen ulamun e mum. Maa moxobo seseng e God bara irabo tabaa e mum ma nanase raxin ulamun abo to re mum kölöme xö Tanono bere mum morobo eöt ta ösöxö ödeek abo lalaa ine i mamaa bara mum morobo pet.

PILIMON 1:6

Nöngön u bo ruruu arixe me mem kö nunu re ire, me e seseng bara ina tinuu arixe xö nunu irabo isik a dinödöm deek köbo lalaa deek kirip nang ire min kölöme re Krais.

KOLOSI 3:10

me mum moxoro sige a to maxat nang God ibo ömaxat xarnang a malalar kö God iat ewe ixo uxis ina to. Ma ibo ömaxat ine bira urö mum pua ösöxö ödeek ine.

1 PITA 1:22

Me mum moxoro tame abo turunon nang e God ixoro osen, io nang, mum moxoro tos tewe abo sasaban te mum, me mum bo isik a abalamu runon urungan te mum barön kölöme re Krais. Inexalik i deek bere mum morobo isik a abalamu raxin kaluluonin e mum meringan kölöme xöbo kat te mum,

2 KORIN 8:7

Ma i turunon, mum mo wöwö xöba ma abo lalaa xirip. Mum ma nunu raxin, a tatalien möxö atöngösen, ma a nanase. A bala mum i lelewi xöba rua rorop ma i taxin a mamaa re mum ura re mem. Xarnang mum mo talien sik bie, i deek bere mum morobo ölasan bölök e mum kö ina tinörön ne inemarse na.

1 KORIN 14:20

Abo töke kölöme re Krais, mum bele dödödöm xarnang abo barok lixilik. Köbo magingin saban mum morobo mana talien xarnang a bak lik, inexalik kölöme xö dinödöm pe mum, mum morobo talien xarnang a tödi raxin.

2 TESALONIKA 1:3

Abo töke kölöme re Krais, i töxödös bara meet marabo tengen deek sösöxö urungan te God tua gene e mum, möxösa, abo nunu re mum iri lölölös nana im mabo abalamu re mum kö öngöng kabise iri dedek nana.

2 PITA 3:18

Ma lamun mum morobo mana das kölöme xö abalamu xö Orong ke ire ma a Tene Aöro re ire, e Jisas Krais. Me mum morobo mana das kö nanase ulamun ine. Me ire tabo ölet ine na ma xöbo bungbung kirip. Amen.

IBRU 5:14

Ma lamun abo nien lölös i eöt te idi abo duöng maruxo, möxösa, idi tere eusu xö axana bung ömat tua werwere xulen abo dedeek mabo sasaban.

EPESES 5:17

Io nang, mum bele talien xarnang abo baulang. Mum morobo mana maras kö sa niang a Orong i mamaa bere mum morobo pet.

1 TESALONIKA 4:1

Abo töke kölöme re Krais, rua öxöwöm inabo tinenge na, meet me eka rengrengen ina na ma i bira: meet moxo tengen ömaras e mum bara mum morobo kis bule rua öaxanan e God. Ma i turunon, mum mobo kisisik biringan. Ma lamun meet me seng e mum me meet me öxaxat e mum kölöme re Jisas a Orong bere mum morobo taxase kaa xö ina tatalien deek na,