MATIU 9:4 - A Xuxubus Maxat

⁴ Jisas ixo ösöxö sik abo dinödöm pe idi ma ixo tengen, “Rösa mum mo döxömen lo abo dinödöm saban kö kat te mum?

MATIU 9:4 Referans Kwoze

A Tinenge Deek ke Luk 6:8

Ma lamun Jisas ixo ösöxö xulen abo dinödöm pe idi ma ixo tengen kö tödi niang a lime met, “Taru kaa ma örö tuu lömö mesila xö nangadi xirip.” Io, ixo taru kaa ma ixo tuu sik.

MATIU 12:25

Jisas ixo ösöxö abo dinödöm pe idi ma ixo tengen te idi, “Nang bara re kantri i kobo tuu arixe me idi iat, a dauleng mere idi tabo pet ögarin kirip ina kantri. Ma nang bara a lagunon, bara a barama, tekobo tuu arixe, idi kebeöt ta kinis deek.

WINAWARA 2:23

Ma arabo sexomet ewe idi nang tobo mumuu ine. Io, abo lotu xirip tabo ösöxö bere e a öng ewe nang e bo wawara siwin abo lalaa kölöme xöbo dinödöm mabo baladi öngöng. Me e rabo balu wuxus a öngöng ke mum eöt mabo tatalien te mum.

A Tinenge Deek ke JON 16:30

Na mem mere pere bara nöngön u ösöxö xirip abo lalaa ma bara kaim nöngön mere sasaxan bara re öng irabo ose nöngön ulamun te laa. Xina na i pet e mem me nunu bara nöngön u xo ot meriso re God.”

A Tinenge Deek ke Luk 11:17

Jisas ixo ösöxö abo dinödöm pe idi ma ixo tengen te idi, “Nang bara re kantri i kobo tuu arixe me idi iat, a dauleng mere idi tabo pet ögarin kirip ina kantri. Ma nang bara a barama tekobo tuu arixe, idi tabo kis elixilik.

APOSOL 5:9

Pita ixo tengen te ine, “Bara bule mu moro maraxa lo mon ta ölewen a Töxödös ne Tanono? Pere bang! Abo xexene nangadi nang te pömös e usuom, idi iang kö marame, me idi tabo kip ösu bölök nöngön.”

A Tinenge Deek ke JON 16:19

Jisas ixoro ösöxö bara idi toxo maa ra ose ulamun ina na, io, ixo tengen te idi bira: “E xo tengen, ‘I karabo ömat me mum korobo pere öbaling im e, ma melamu i karabo ömat me mum morobo pere öbaling e.’ Mum mo ose nanin öbaling e mum ulamun ina tinenge na re e?

A Tinenge Deek ke JON 6:64

Lamun a dauleng iat te mum tokobo nunu.” Jisas ixo tengen bira, möxösa, me lorexe saxit ine ixoro ösöxö ewe ridi niang kaim kö nunu ma ewe niang irabo isik ine xö limine nangadi.

A Tinenge Deek ke JON 6:61

Me Jisas ixo ösöxö sik bara abo bak ne ausu toxo tenge oleleng lamun ina na. Io, Jisas ixo tengen tö idi, “A tinenge na i öriip gut abo bala mum?

A Tinenge Deek ke JON 21:17

Io, sese önarunin Jisas ixo tengen te ine baling bara, “Saimon a barok ke Jon, u maa xöba ulamun e?” Pita ixo bala kadik im, möxösa, ixo narun ne aose im Jisas ixo pet tö ine bara, “Nöngön u maa xöba ulamun e?” Ine ixo tengen bira, “Orong, nöngön u ösöxö xirip abo lalaa. U ösöxö bara e maa xöba re nöngön.” Jisas ixo tengen, “Örobo tabaa nienin abo sipsip pe e.

A Tinenge Deek ke Luk 5:22

Ma lamun e Jisas ixo ösöxö xulen a lasa nang idi toxo dödöxömen, ma ixo eose, “Rösa mum mo dödöxömen inabo lalaa na xö kat te mum?

A Tinenge Deek ke MAK 12:15

Ire tabo kun bara ganim?” Ma lamun e Jisas ixo ösöxö sik abo röxröxö re idi me ine ixo ose idi bara, “Ruasa mum mu mamaa ra uxun e? Mum moro kip lo re tuluwok ura ma ara pere.”

A Tinenge Deek ke MAK 2:8

Saxit mon, Jisas ixo ösöxö xulen abo dinödöm kö kat tidi. Jisas ixo tengen te idi, “Rösa mum mo dödöxömen inabo lalaa na?

A Tinenge Deek ke Luk 7:40

Jisas ixo balu ine, “Saimon, e ma laa rua röngröngösen nöngön.” Ine ixo balu, “Tene ausu, tengen te e.”