MATIU 5:6 - A Xuxubus Maxat

⁶ Irabo deek kö idi niang te irilöng ma te minauu xöba lamun a tatalien töxödös, möxö God irabo eörin abo mamaa re idi.

MATIU 5:6 Referans Kwoze

A Tinenge Deek ke JON 4:14

Ma lamun ewe niang i inim kö ina ari niang e tabaa ine min, i karabo minauu baling. A ari niang e rabo tabaa ine min, irabo xarniang a ari i wuwut kaa kölöme re ine rua isik a to ulorexe re ine.”

A Tinenge Deek ke JON 6:27

Ganim e mum pa tinörön lamun a nien niang irabo saban. Ma lamun mum morobo rörön lamun a nien niang irabo kisisik iat ma irabo isik a to ulorexe. A Barok kö Tödi irabo tabaa e mum ma ina nien na, möxösa, e God a Tamana ixoro osen bara i maraxa sik kö niang ine i wewet.”

A Tinenge Deek ke JON 7:37

Io, a bung möxö öxöwöm a luxa, ma ixo önga bung taxin. Ma xina bung, Jisas ixo taru kaa ma ixo wöwörö raxin bira, “Nang bara ewe re öng i minauu, irabo wan pösöt e ma irabo inim.

WINAWARA 7:16

Idi tekarabo irilöng ma tekarabo minauu baling. A marna xaken bara re mangana lelewi bölök i karabo lewi idi,

A Tinenge Deek ke Luk 6:21

Irabo deek kö mum ewe nang mum mo irilöng nixinen, möxösa, mum morobo masii. Irabo deek kö mum ewe nang mum mo gee nixinen, möxösa, mum morobo nöngnöngön.

A Tinenge Deek ke Luk 1:53

Ine iri öwöwö idi nang te irilöng ulamun abo lalaa deek. Inexalik bara ine iri tile rewe tataunin abo asuono orong.

A Tinenge Deek ke Luk 6:25

Maris se mum nang mo masii sik nixinen, möxösa, mum morobo irilöng. Maris se mum nang mo nöngnöngön nixinen, möxösa, mum morobo tawunuk me mum morobo gee.