MATIU 22:10 - A Xuxubus Maxat

¹⁰ Io, abo tene tinörön toxo wan su xöbo ngas ma toxo lamus etok a nangadi nang toxo pere lo idi xö ngas, idi abo a lak deek ma abo a lak saban bölök, ma ina gunon möxö alolo ixo wöwö xöbo osee.

MATIU 22:10 Referans Kwoze

WINAWARA 7:9

Melamu xina na, e xo pere a önga marakörö raxin! Kaim pe öng ixo eöt tua xokos kirip idi. Idi meringan köbo kantri xirip mabo marapun kirip mabo mangana lewene aine idi xirip mabo mangana tinenge xirip. Me idi toxo tuu sik mesila xö kinis ne king ke God ma ringan kö wawara xö Bak kö Sipsip. Me idi toxo sige a man pidien me idi toxo tön sik a labana beebee.

1 JON 2:19

Idi toxo wan tewe xalik ire, ma lamun kaim bere idi mere ire runon. Inexalik nang bara idi runon mere ire, idi tekexebe eöt tua nuan tewe xalik ire. Ma lamun a inuan tewe re idi, i osen bara idi xirip tokoxobo mere ire.

2 KORIN 12:21

E buut bara a God te e irabo bulus ösu e xö mamaran te mum kö axana bung nang e rabo wan urungan baling ke mum. E buut bara arabo ot ta werwere a oleleng mere mum ewe mum moxo pet a uleng ne tatalien sasaban sila me mum koxobo dödöm puxus kalik abo tatalien biling, a tatalien möxö minaru ma öng kabise, mabo tatalien ne bala ilawa. E buut bara arabo pere e mum bira me e rabo tapunuk ma arabo gee wönö e mum.

MATIU 25:10

“Ma nang idi toxo wan lo ra kun wel, a tödi inalolo maxat ixo wanot. A pitnö ne une nang toxo tagur bulus, toxo wan laxa arixe mine urungan kö nien taxin möxö kubus alolo. Ma marame ixo tamabaxut.

WINAWARA 5:9

Me idi toxo sö ma önga sinö maxat. Ma i bira: “I töxödös se nöngön bara örobo kip lo a buk ma örobo liling tewe a bubulut möxönan, möxösa, idi toxo tut ömet nöngön, ma u xo kun tewe a nangadi bara rue God ma dee re nöngön. Me idi meringan kö bung marapun kirip, mabo mangana tinenge xirip, mabo mangana lewene aine idi, mabo kantri xirip.

MATIU 13:38

A komo, ine a öxöno lagunon. Ma irine iaa deek, i eöt mabo baroxorok möxö kingdom. Ma pirixö, idi abo baroxorok möxö tene sasaban.

MATIU 9:15

Jisas ixo balu idi, “Bule bara a bung osee möxö tödi alolo maxat, idi tabo mana tapunuk nang bara ine angen arixe me idi? Kaim. A axana bung irabo wanot nang tabo kip lo ina alolo maxat kalik idi. Kö ina axana bung na, idi tabo ölölö im.

MATIU 22:9

Moro wan urungan köbo ngusuno ngas lixilik ma moro seng idi abo subana nangadi me ewe midi bölök mo esuo midi.’