MATIU 21:11 - A Xuxubus Maxat

¹¹ Abo marakörö toxo balu, “Ine e Jisas, a propet mee Nasaret kölöme Galili.”

MATIU 21:11 Referans Kwoze

A Tinenge Deek ke JON 6:14

Ma nang a marakörö toxo pere ina auxileng lölös niang e Jisas ixo pet, idi toxo tengen, “Turunon saxit, ina tödi na, ine ina propet niang irabo ot ta xö öxöno lagunon.”

A Tinenge Deek ke JON 7:40

Ma nang a dauleng ne nangadi toxo ölangen abo tinenge ine ixo tengen, io, idi toxo tengen bara, “Turunon saxit, ina tödi na ine iat mon a propet ewe nang toxo xuxubus ulamun ine.”

A Tinenge Deek ke Luk 7:16

Idi toxo buut ma toxo dödöm oleleng ma toxo ölet e God. Idi toxo rengrengen bira, “A propet taxin iri ot wösö kaluluonin ire. God iri wanot tua rorop a nangadi re ine.”

APOSOL 7:37

“Ine Moses mon ewe nang ixo tengen köbo nangadi mee Israel bara, ‘God irabo tile ösu urungan te mum a önga propet xarnang e meringan kö nangadi iat te mum.’

A Tinenge Deek ke JON 9:17

Io, idi toxo ose öbaling ina tödi ewe nang ixo pulo sila bira, “Ina tödi ixo sawang a maram. Örobo tengen bule rö ine?” A tödi nang ixo balu bara, “Ine a propet.”

MATIU 2:23

Ma ixo wan ma ixo xisixis kö lagunon Nasaret. Io, ixo eörin abo lasanene niang abo propet toxoro tengen sik, “Ma tabo rengrengen ine ma tee mee Nasaret.”

A Tinenge Deek ke JON 4:19

Io, a une ixo tengen te ine, “Tödi raxin, e pere bere nöngön a propet.

A Tinenge Deek ke JON 1:21

Me idi toxo ose öbaling ine, “Me ewe iat im nöngön? E Elaija nöngön?” Me Jon ixo balu idi, “Kaim, kaim bere e Elaija.” Me idi toxo ose öbaling ine, “Nöngön ina Propet nang ire te xixiset ulamun?” Ine ixo balu öbaling idi, “Kawaim.”

A Tinenge Deek ke MAK 6:15

Inexalik a dauleng toxo tengen bere ine e Elaija. Ma dauleng iat toxo tengen bere ine a propet möxöbo propet mee mesila saxit.

A Tinenge Deek ke Luk 24:19

Me ine ixo ose bara, “Mabo lasa?” Io, idu toxo balu bara, “Abo lalaa ulamun e Jisas mee Nasaret. Ina tödi na a propet ine. Abo tinenge re ine mabo tinörön te ine a lak lölös kö wawara xö God ma xö nangadi xirip bölök.

A Tinenge Deek ke JON 1:25

idi toxo ose e Jon bira, “Ma nang bara kaim bere nöngön iang a Mesaia, bere e Elaija, bara ina Propet, ma ruasa nöngön u baptais a nangadi?”

A Tinenge Deek ke Luk 13:33

Ma lamun e rabo mana önan iat nixinen ma maxalik, ma xö bung melamu, möxösa, turunon saxit, kaim pe propet irabo met kö xönö xabise ma kölöme iat Jerusalem!

A Tinenge Deek ke Luk 7:39

Ma nang ina Parasi ewe nang ixo seng ine ma ixo pere ina na ixo tengen iat tö ine, “Nang bara ina tödi na i xebe önga propet, ine i eöt tua ösöxö ewe i sisigi ine ma a mangana une sa ine, bara ine a tene saban.”

MATIU 21:10

Nang e Jisas ixo laxa Jerusalem, a marakörö xirip kina xönö lagunon taxin toxo kup ma toxo ose, “Ewe ine?”

MATIU 21:26

Me ire takarabo tengen, ‘Möxö nangadi mon’. Ire te burin a nangadi, möxösa, idi te nunu bere Jon a propet.”

MATIU 21:46

Idi toxo wawara siwin te ngas sua rörön dik e Jisas, ma lamun idi toxo burin a marakörö, möxösa, a nangadi toxo nunu sik bara ine a propet.