MATIU 2:6 - A Xuxubus Maxat

⁶ ‘Mum abo Betliem, kö xönö pu mee Judeia, mum kobo lik köba sik köbo lagunon niang ma ese raxin tiso Judeia, möxö meringan te mum a önga sisila irabo wanot nang irabo silien abo Israel, a marakörö re e.’”

MATIU 2:6 Referans Kwoze

A Tinenge Deek ke JON 7:42

I kobo eöt bira, möxösa, abo ginigeet te God i tengen bara a Mesaia irabo wanot meringan kö untubuno e Dewit, ma i wanot mee Betliem, a lagunon nang e Dewit ibo xisixis ee.”

WINAWARA 11:15

Io, a sese öpitnö ma ninöng ne angelo ixo mas a tauu re ine. Ma abo inöno a dauleng toxo tenge raxin tiso xö watmaep bira, “Ina kingdom möxö öxöno lagunon iri ot xarnang a kingdom möxö Orong ke ire ma möxö Mesaia re ine, me ine irabo kis ne king ulorexe saxit.”

MATIU 28:18

Io, Jisas ixo wanot pösöt idi ma ixo tengen, “Abo lölös kirip nuso xö watmaep ma xö öxöno lagunon, a Tata re e ixoro tabaa e min.

KOLOSI 1:18

Ine a sisila raxin möxö marakörö ne lotu, me idi a lewene aine ine. Ine a unine to re idi, möxösa, ine a sinila ne tinaru kaa xalik a minet, ma ixo tuu kaa sila bara irabo taxin saxit köbo lalaa xirip.

MATIU 2:1

Nang toxoro kip e Jisas suso Betliem kö xönö raxin Judeia xöbo bung ke king Erot, abo duöng nanase mero xö tunamat toxo wanot urungan Jerusalem

EPESES 1:22

Me God ixo bulus ösu abo lalaa xirip kö ene xexene Krais. Ine a tene sisila raxin köbo lalaa xirip, me God ixo isik ine urungan kö marakörö ne lotu.

A Tinenge Deek ke JON 21:16

Io, e Jisas ixo ose baling, “Saimon a barok ke Jon, u mamaa xöba ulamun e?” Me ine ixo tengen, “Turunon saxit, Orong, nöngön u ösöxö bara e mamaa xöba ulamun nöngön.” Me Jisas ixo tengen öbaling kö ine, “Örobo balaure abo sipsip pe e.”

IBRU 7:14

Iri maras im bere ine a marapun te Juda. Ma nang e Moses ixo wöwörö ulamun inabo pris, ine kaim pa rengrengen te laa ulamun a bung marapun te Juda.

WINAWARA 7:17

möxösa, a Bak kö Sipsip ewe ibo kisisik kaluluonin a kinis ne king irabo balaure idi ma irabo lamus idi urungan kö ari wuwut nang ibo isik a to. Me God irabo us tewe abo line marana idi.”