JEMS 2:20 - A Xuxubus Maxat

²⁰ A baulang nöngön! E rabo osen nöngön bara a laa tataun mon ina nunu re nöngön nang bara i kobo kis eöt ma tatalien deek. Io na, nöngön örobo ölangen.

JEMS 2:20 Referans Kwoze

JEMS 2:26

A aine ire a lak met nang bara kaim a tanono ire xönan. I xarnang, a nunu a lak met nang bara kaim abo tatalien deek könan.

JEMS 2:17

Ma i xarnang bölök niang bara önga tödi i tengen bere ine i nunu re Krais ma lamun a nunu rine i kobo kis eöt mabo tatalien deek. Ina mangana nunu niang a lak met.

A Ginigeet te Pol urungan köbo ROM 1:21

A turunon idi toxo ösöxö sik e God, ma lamun idi tokoxobo ölelet ine ma tokoxobo tengen deek urungan te ine. Kaim. Abo dinödöm pe idi ixo laa tataun me idi toxo ot xarnang abo onwat, möxö abo baladi a lak ködö.

GALESIA 6:3

Io, nang bara öng i döxömen bere ine iat im, ma lamun kawaim, i ömamang öbaling ine iat.

JEMS 1:26

Ma bara öng i döxömen bere i mumuu e God, nexalik i kobo balaure ödeek a kamene ine, io, i turunon saxit, ine i kobo muu iat e God. Kaim. I ömamang öbaling ine iat.

TAITUS 1:10

Abo sisila ne lotu tabo mana tatalien bira, möxösa, oleleng ne nangadi saban nang abo tabuno tinam ma tobo rengrenge tataun ma tobo silien öröxröxö lo a nangadi. Ma turunon saxit abo Judeia niang kaluluonin idi, tobo wewet bie.

1 TIMOTI 1:6

Dauleng idi te wan talu xalik inabo tatalien me idi te tawuxus urungan köbo winörö tataun.

KOLOSI 2:8

Mum morobo mana balaure ödeek e mum kalik ke öng irabo lamus öröxröxö lo e mum urungan kö dinödöm tataun tua kubus dik e mum. Inabo mangana dinödöm i das kalik abo inausu xöbo nangadi mon. I das kalik abo nanase mon mera xö pu ma kaim bara mere Krais.

GALESIA 5:6

I wawara bara e rabo tengen bira, möxösa, nang bere ire te kis kölöme re Krais Jisas, io, irabo laa tataun mon nang bere idi tabo kuru abo lewene aine ire bara nang tokobo kuru. A önga laa mon nang i taxin, a nunu re ire re Krais i pet ire ra ebalamu kaluluonin ire.

A Ginigeet te Pol urungan köbo ROM 3:28

Ma i eöt bere ire tabo tengen bira, möxösa, ire te perexulen bere God i kure a öng bara i töxödös, möxösa, i nunu, ma kaim bara i mumuu abo warkurai te Moses.

A Ginigeet te Pol urungan köbo ROM 9:20

Ma lamun ewe im nöngön a tödi mon tua suongus e God? A önga bile nang idi toxo pet ine ma pu i karabo eöt tua ose ewe i pet ine bara, “Ruasa iat nöngön u xo pet e xarna na?”