JEMS 2:11 - A Xuxubus Maxat

¹¹ Ma ina na i maras, möxösa, ewenene nang ixo tengen bara, “Ganim nöngön ta minaru arixe ma önga tödi bara önga une niang kaim bara re nöngön,” ixo tengen bölök bara, “Ganim u sexomet tataunin te tödi.” Io, niang bara nöngön u kobo subu xö tatalien möxö minaru arixe ma öng nang bara kaim bere re nöngön, ma nexalik u sexomet tataunin a önga tödi, io, nöngön a önga tene lexe warkurai.

JEMS 2:11 Referans Kwoze

A Ginigeet te Pol urungan köbo ROM 13:9

A arile möxöbo warkurai te Moses i bira: “Ganim a pet a tatalien ne ilawa ma önga tödi alolo, ganim a arsexomet tataun, ganim a wuwulo, ma ganim bara u neek a lalaa xöbo duöng kabise.” Ma nang bara rebo mangana arile sa i nangen, a warkurai nang i unine idi xirip i bira, “Örobo mamaa lamun a öng kabise xarnang u mamaa lamun nöngön iat.”

A Tinenge Deek ke Luk 18:20

U ösöxö abo warkurai te Moses i tengen bira, ‘Ganim a pet a tatalien ne ilawa ma önga tödi alolo, ganim a arsexomet tataun, ganim a wuwulo, ganim a tengen töxö lamun a önga tödi, ma örö ii ölik nöngön te tata me nago.’”

A Tinenge Deek ke MAK 10:19

U ösöxö abo warkurai te Moses i tengen bira, ‘Ganim a arsexomet tataun, ganim a pet a tatalien ne ilawa ma önga tödi alolo, ganim a wuwulo, ganim a tengen töxö lamun a önga tödi, ganim a röxröxö lo a laa xö önga tödi xabise, ma örö ii ölik nöngön te tata me nago.’”

MATIU 19:18

Ina tödi ixo ose, “Nangang sa?” Jisas ixo balu, “‘Ganim a arsexomet tataun, ganim a pet a tatalien ne ilawa ma önga tödi alolo, ganim a wuwulo, ganim a tengen töxö lamun a önga tödi,