JEMS 1:19 - A Xuxubus Maxat

^19-20 Abo töke kölöme re Krais ewe nang e mamaa rö mum, mum morobo mana döxömen ödeek ina na eka rengrengen. Mum kirip morobo mana pasaxit tua ölöngö, ma lamun mum bele pasaxit tua tinenge ma rua bala kinadik, möxösa, abo bala kinadik kö nangadi i kobo eöt ta isik ot abo tatalien töxödös nang e God i mamaa bara ire tabo pet.

JEMS 1:19 Referans Kwoze

EPESES 4:26

Nang bara u laie sik, u bele pet te sasaban. Xalik bara a xaken i wan su, ma nangen u bala laie.

KOLOSI 3:8

Ma lamun na im mum morobo mana kip tewe inabo tatalien kirip kalik e mum. Mum morobo mana kip tewe abo mangana laie ma bala kadik kö idi xabise. Me mum bele tengen ögarin te öng, me mum morobo bulus tewe abo tinenge biling kalik abo ngala mum.

EPESES 4:31

Me mum morobo irewese abo bala kinadik kirip ma abo mangana bala laie xirip arixe ma lölös ne agot. Ganim e mum pua rengrengen ögarin te öng me mum morobo irewese inabo mangana mamaa rua ögarin a dauleng kabise.

KOLOSI 3:15

Mum morobo mana ömaraxen lo a malum pe Krais sua sisilien abo bala mum, möxösa, God ixo kuwe lo e mum pua kinis arixe xö önga lewene aine bara morobo kis ma malum ebasin te mum. Me mum morobo mana tengen deek urungan te ine.

MATIU 5:22

Ma lamun e iat, e tengen te mum bara ewenene niang i laie arixe ma tönö, idi tabo bulus ine xö warkurai ne komiti. Me ine irabo tuu xö warkurai. Ma nang bara ewenene i tengen ögat a tönö bara, ‘Ine a baulang!’, irabo deek bara tabo isik ine mesila xö warkurai ne kansel. Nang bara ewenene i tengen bara, ‘Nöngön u baulang köba’, irabo eöt bara ine irabo wan urungan kö ia sösöt.

JEMS 1:26

Ma bara öng i döxömen bere i mumuu e God, nexalik i kobo balaure ödeek a kamene ine, io, i turunon saxit, ine i kobo muu iat e God. Kaim. I ömamang öbaling ine iat.

1 TESALONIKA 2:13

Me meet bo rengrengen deek ke God bölök, möxösa, nang e mum moxo ömaraxen lo abo tinenge re God nang mum moxo tame xalik e meet, mum kaim kö ömaraxen lo xarnang bara abo tinenge xö nangadi mon. Inexalik mum moxo ömaraxen lo bara a tinenge xö God, ma i turunon bara a tinenge xö God iang. Ma ina tinenge nang ibo rörörön kölöme re mum nang mo nunu.

APOSOL 17:11

Abo Beria idi a lak deek xöba idi xöbo Tesalonika xö dinödöm pe idi. Idi toxo kip a tinenge re God ma mamaa raxin ma axanan, ma toxobo werwere abo tinenge re God köbo bungbung kirip pua werwere bere Pol i rengrengen a turunon.

A Tinenge Deek ke Luk 19:48

Ma lamun idi tekebeöt tua wewet te önga laa re ine, möxösa, a nangadi xirip toxo mamaa rua ölangen kirip abo tinenge re ine.

A Tinenge Deek ke MAK 2:2

Io, a oleleng ne nangadi toxo ot etok ma kölöme xö gunon ixo wöwö xöba, ma araman kö marame bölök kawaim pe xönö ixo langlanga. Me Jisas ixo palas tinenge ma tinenge re God urungan tidi.

APOSOL 10:33

Io, saxit iat mon e xo erile rö nöngön bara örö tam pe e, ma u pet a tatalien deek bara u wanot. Ma na mem kirip kö wawara re God me xixiset tua ölangen abo tinenge xirip nang a Orong i tengen te nöngön bara örobo töngösen e mem min.”

APOSOL 2:42

Idi toxo isik idi iat ta ölangen abo inausu xöbo aposol, ma ra inot etok arixe rua rorop idi öngöng, ma rua widwidik a beret, ma ra sineseng.

A Tinenge Deek ke Luk 15:1

Önga bung abo tene kip takis ma nangadi xabise nang tobo rengrengen idi bara abo tene saban, toxo kis elulurwein e Jisas sua ölangen ine.

1 JON 2:21

Rösa me e gegeet urungan te mum? Möxösa kaim bara mum kobo ösöxö inabo turunon, nexalik bara mum mo ösöxö sik, ma, möxösa, mum mo ösöxö tuar abo turunon me mum mo ösöxö bara kaim pe atöxö irabo wanot meringan kölöme xöbo turunon.

APOSOL 13:48

Ma nang idi niang kaim bara abo Judeia toxo ölangen ina na, idi toxo axanan ma toxo tengen bara abo tinenge xö Orong a lak mamaran. Me idi ewe niang God ixoro tulus lo idi rua xikip a to ulorexe, idi toxo nunu.

A Tinenge Deek ke MAK 12:37

Dewit kalik mon i tengen ine me ‘Orong.’ Io, bule nang bara ine a Mesaia ma irabo a tubuno Dewit bölök?” Ma marakörö raxin toxo axanan ta ölangen a tinenge re Jisas.

APOSOL 1:15

Xina bung niang Pita ixo tuu kaluluonin abo tene nunu. A marakörö toxo öt ma a mar ma nine sangaun arixe.

JEMS 1:2

Abo töke kölöme re Krais, mum morobo mana axanan nang bara abo mangana ölelewen i ot pösöt e mum, möxösa, mum mo ösöxö nang bara abo tiip na i walar abo nunu re mum irabo osen bara abo nunu re mum i kobo eöt ta sunubu, io niang, mum morobo eöt ta tinuu lölös köbo tiip.

JEMS 1:16

Abo töke kölöme re Krais ewe nang e mamaa rö mum, ganim bara ina tatalien na i ömamang e mum.

JEMS 2:1

Abo töke kölöme re Krais, mum mo nunu xö Orong ke ire e Jisas Krais, niang a mariris se ine a lak taxin. Möxö ina na, ganim bere e mum mo öngus kalik a öng ma morobo ii a öng kabise, möxösa, mum mo perexulen abo mangana kinis se idi.

JEMS 2:5

Abo töke kölöme re Krais ewe niang e bo mamaa rö mum, mum morobo ölangen ödeek. Turunon saxit bara e God ixo pere kos abo maris meringan kalik a öxöno lagunon bere idi tabo kis deek arixe xö nunu re idi, ma bere idi tabo laxa xö kinis ne kingdom pe ine i eöt ma kunubus se ine urungan tidi ewe idi te mamaa re God.

JEMS 3:10

Meringan kö önga ngalana tödi xalik, a tinenge ibo önan su rua wadöane önga tödi ma ra tengen ögarin a öng bölök. Abo töke kölöme re Krais, niang i kobo deek.

JEMS 4:11

Abo töke kölöme re Krais, ganim a rengrengen ögarin te öng kaluluonin e mum. Ewenene i tengen ögarin a tönö kölöme re Krais bara i kure ine, i xarnang bara i tengen ögarin ma i kure abo warkurai te God. Nang bara u kure abo warkurai xö God, i wawara bere nöngön mon a öng u kobo ösöxö ra rarame inabo warkurai. Nöngön u ii öraxin nöngön xarnang a öng i eöt bara ine irabo kure abo warkurai me ine irabo mana bulus a dinödöm pe ine iat bara abo warkurai i deek bara i saban.

JEMS 5:12

Abo töke kölöme re Krais, önga laa i taxin köba i bira: ganim a usugurno rua öturunon abo tinenge re nöngön. Ganim a usugurno urso lömö bara ura xö pu, bara xö önga laa xabise bölök. Lamun i eöt bara nöngön örobo aut mon, bara örobo öös, xalik abo warkurai xö God ibo kure nöngön.

JEMS 5:19

Abo töke kölöme re Krais, niang bara öng kaluluon te mum i wan kalik a turunon ma önga tödi i lamus ot öbaling ine,