IBRU 9:5 - A Xuxubus Maxat

⁵ Ma meringan lömö xö ina babaxut möxö ina boxis, a nine mangana angelo niang idu toxobo kisisik arixe me God köbo bungbung kirip. Me idu toxo tuu wi sik ina babaxut nang e God ibo xikip tewese abo magingin saban ee. Io, ma lamun na i kebeöt bara arabo wöwörö oleleng ulamun inabo mangana lalaa.

IBRU 9:5 Referans Kwoze

1 PITA 1:12

God ixo osen tö idi bara kaim idi xo tinenge xarnang abo propet ulamun ina na rua gene idi iat. Kaim. Idi toxo rengrengen ina na rua gene e mum. Me idi nang toxo wöwörö lölös se mum ma atöngösen deek ma xö lölös möxö Töxödös ne Tanono meriso xö watmaep, idi toxo töngösen e mum ulamun inabo lalaa iat. Ma inabo lalaa nang abo angelo te mamaa bere idi tabo ösöxö.

IBRU 4:16

Io niang, ire tabo mana wan pösöt e God ma balamasa. Me ine ewe nang ibo isik tataunin a abalamu rö ire. Ire tabo mana wan biringan urungan te ine, lamun irabo marse ire ma irabo top tataunin ire xö axana bung bere ire te sasaxan lamun ina rorop niang.

EPESES 3:10

Me God ixo isik ina tinörön na rö e bara abo mangana tene warkurai ne angelo ringan kö watmaep tabo pere a marakörö möxö lotu, me idi tabo maras köbo mangana nanase re God.

A Ginigeet te Pol urungan köbo ROM 9:4

idi abo Israel, a bung marapun tunon te e. Idi iat ewe God ixo ölön lo idi bere idi tabo a bung baroxorok ke ine. Idi iat ewe God ixo osen a mariris se ine urungan te idi. Idi iat ewe God ixo xuxubus sua öturunon abo tinenge re ine urungan tö idi. Idi iat ewe toxo kip lo abo warkurai. Me re idi iat a tatalien ne lotu wösöt e God, me idi ewe nang e God ixo töngösen idi ulamunon abo lalaa irabo pet tua gene idi.