IBRU 5:7 - A Xuxubus Maxat

⁷ Ma nang e Jisas ixo roro ra xö öxöno lagunon ixobo wewet abo sineseng ma ginee raxin urungan te God ewe nang ixo eöt bara irabo top ine bara i karabo met. Me God ixo ölangen ine, möxösa, Jisas ixo ii ölik ine xö God.

IBRU 5:7 Referans Kwoze

A Tinenge Deek ke JON 17:1

Nang e Jisas ixo tengen sik ina na, ixo wawara kaa urso lömö ma ixo seseng bira, “Mama, a axana bung iri wanot. Osen ösu a mariris ulamun a Barok ke nöngön bara rua Barok ke nöngön irabo eöt ta osen ösu a mariris ulamun nöngön,

MATIU 27:46

Ma xö narun ne axana bung, Jisas ixo gee wösö ma ixo tengen, “Eloi, Eloi, lama Sabakatani?” A unine möxönan i tengen bira, “God te e, God te e, ruasa u wan kalik e?”

A Tinenge Deek ke MAK 15:34

Ma xö narun ne axana bung, Jisas ixo gee wösö ma ixo tengen, “Eloi, Eloi, lama Sabakatani?” A unine möxönan i tengen bira, “God te e, God te e, ruasa u wan kalik e?”

IBRU 12:28

Ire tabo mana tengen deek kö ine, möxösa, ire te laxa xö kingdom pe ine nang i kebeöt bara irabo gigie. Ire tabo tengen deek kö God, ma xö ina ngas niang ire tabo lotu wösöt ine ma tabo ii öraxin ine xarnang i mamaa bara ire tabo lotu wösöt ine bie,

A Tinenge Deek ke JON 11:35

A line marna Jisas ixo sen.

MATIU 27:50

Ma nang e Jisas ixoro gee wösö baling, me ine ixo isik tewe a to re ine ma ixo met.

A Tinenge Deek ke MAK 15:37

Me Jisas ixo kup taxin ma ixo tewe mamas.

IBRU 2:14

Ma ina nangadi nang ixo kuwe idi bara a bung baroxorok, idi a duöng mon. Idi ma aidi, me idi ma dee. Io nang, e Jisas ixo ot xarnang idi bara irabo met. Ma ixo met tua xikip tewe a lölös se Satan ewe nang ixo eöt tua sisilien a nangadi urungan kö minet.

A Tinenge Deek ke Luk 23:46

Jisas ixo kup wösö raxin bira, “Mama, e isik a tanono e xö tabalana limem.” Ma nang ine ixo tengen sik bira, ixo met.

IBRU 13:20

E seseseng wösöt e God ewe ibo isik a malum. Ine ewe ixo öraru öbaling e Jisas, a Orong ke ire, xalik a minet. Me Jisas ine ewe i balaure ire xarnang a öng i balaure abo sipsip, ma ixo met xarnang önga arabaa wösöt e God. Ma a minet tine ixo pet a xuxubus nang i tuu ulorexe. Io nang, God ixo eöt bara irabo öraru ine bira.

1 TIMOTI 3:16

Ma i maras bara inabo turunon i taxin saxit köba nang ixo kis mun sik mesila ma na iri ot kö malmalan. Ma i silien ire bara ire tabo muu e God. A unine möxö inabo turunon te God i bira: Ma nang ixo wösö, a tödi ine, ma a Tanono ixo osen bara ine i töxödös. Abo angelo toxo pere ine, mabo nangadi toxo palas tinenge ulamun ine xö bung marapun kirip. A nangadi xö öxöno lagunon toxo nunu re ine, me God ixo kip lo ine uruso lömö xö mariris ne kinis se ine.

2 JON 1:7

E seng e mum bira, möxösa, a oleleng idi tere wanot kö öxöno lagunon ma te silien ölelebes a nangadi, me idi bölök ewe nang te öös bere Jisas Krais kaim ine xo inot ura xarnang a önga tödi. Ma nang bara re öng i öös tewe e Krais bira, ine a iuo re Krais me ine ewe ibo sisilien ölelebes a nangadi.

1 JON 4:3

Ma lamun ewe re öng i öös tewe e Jisas bira, io, a Tanono meriso re God i kobo kis se ine. Kaim. I uruoxe a tanono möxö iuo re Krais. Me mum moxoro ölangen bara abo iuo re Krais tabo wanot. Ma turunon, idi ia tere wanot ta xö öxöno lagunon.

GALESIA 4:4

Inexalik nang a axana bung ixo kis eöt ma dinödöm pe God, io, ixo tile a Barok kine, a une ixo kip ine. Me ine ixo taxin kaa xö ene warkurai te Moses

A Tinenge Deek ke JON 11:42

E ösöxö sik bara nöngön u bo ölangen e xöbo bung kirip, ma lamun e tengen ina na ulamun a nangadi na, bara idi tabo nunu bara u xo tile e.”

A Ginigeet te Pol urungan köbo ROM 8:3

God ixo tile a Barok ke ine iat ura xarnang a nangadi saban ma xarnang a arabaa rua xikip tewe abo magingin saban. Ma nang ixo pet bira ixo irewese a lölös kö magingin saban nang i kis kö nangadi saban. Ina laa nang a warkurai te Moses i koxobo eöt tua wewet, möxösa, a lölös mera xö pu kölöme re ire ixo irewese a lölös möxöbo warkurai te Moses.

A Tinenge Deek ke JON 1:14

Ma ina Tinenge ixo ot xarnang a tödi, ma ixo to kaluluonin ire. Me ire tere pere a mariris se ine, a mariris möxö ina önga Barok söxöt mon meringan te Tamana. Ma ixo wöwö ma a abalamu mabo turunon te God.

IBRU 10:5

Io niang, nang e Krais ixo wanot ta xö öxöno lagunon, ixo tengen te God bara, “U koxobo mamaa bara tabo söngöt arabaa wösöt nöngön. Inexalik u xo tagure a lewene aike rue e rua inerabaa.

IBRU 10:10

Jisas Krais ixo pet eörin a mamaa re God, io niang, ire xirip tabo madakdak kalik abo sasaban te ire xö arabaa nang e Krais ixo pet ma lewene aine iat. Ixo isik a lewene aine xö önga axana bung mon ma i eöt. Ma i karabo isik öbaling im ine.

IBRU 11:7

Me God ixo ötumarang e Noa ulamun abo lalaa nang idi te kobola pere bang. Noa ixo nunu, io, ixo ii e God ma ixo pet önga mön taxin tua öro a baninen te ine. A tinörön ma nunu re ine ixo osen ömaras bara a marakörö xö öxöno lagunon idi tere saban. Me God ixo aut bere Noa i töxödös, möxösa, ine ixo nunu.