IBRU 5:6 - A Xuxubus Maxat

⁶ Me ine i tengen bie bölök kö önga xönö xabise bira, “A tinörön ne pris taxin te nöngön irabo tuu ulorexe eöt ma tinörön ne pris nang e Melkisedek ixobo wewet.”

IBRU 5:6 Referans Kwoze

IBRU 7:17

Ma na i maras, möxösa, a tinenge re God toxo geet i tengen bira: “A tinörön ne pris se nöngön irabo tuu ulorexe, xarnang e Melkisedek ixobo wewet.”

IBRU 7:21

Ma lamun e Jisas ixo kip a kinis ne pris se ine nang e God ixo usugurno ma ixo tengen tö ine bira: “E, a Orong, e re usugurno bara, ‘Nöngön a pris ulorexe saxit.’ Me e karabo kulas a dinödöm pe e.”

IBRU 7:3

Tokoxobo tengen te laa ulamun e tamana me nene, ma ulamun bölök abo untubuno. Kaim bölök ke atöngösen ulamun a urulo ma xakawam möxö to re ine. Io nang, ine i xarnang a Barok kö God bira. Ine iri kip lo a kinis möxö pris ulorexe.

IBRU 5:10

Me God ixo tulus ine bara irabo a sisila ne pris taxin, eöt ma tinörön ne pris nang e Melkisedek ixo pet.

IBRU 6:20

Me Jisas ixo araun ta nilaxa ringan tua gene ire. Ma ixo kip a kinis ne pris taxin eöt ma tinörön ne pris nang e Melkisedek ixo pet.

IBRU 7:15

Io, inabo tinenge re e i ot maras turunon, möxösa, önga pris kabise iri orim. Me ine a öng i eöt me Melkisedek.

IBRU 7:8

Io, inabo pris, idi tobo kip a öng möxöbo sangaun ne lalaa meringan kö nangadi. Me idi abo pris tobo memet. Melkisedek bölök ixo kip lo a öng möxöbo sangaun ne lalaa. Inexalik i to ulorexe xarnang a tinenge xö God toxo geet i tengen.

IBRU 7:11

A tinörön ne pris nang idi möxö bung marapun te Lewi toxo pet, ina tinörön a unine warkurai te Moses nang God ixo isik köbo duöng mee Israel. Inexalik nang bara abo pris möxö marapun te Lewi toxoro eöt tua wewet ödeek a nangadi, ire tekexebe sasaxan ulamun te önga mangana pris kabise, kaim bara a öng meringan te Aron, ma lamun a öng i eöt me Melkisedek.