IBRU 4:11 - A Xuxubus Maxat

¹¹ Io nang, ire tabo mana lölös sua nilaxa xö ina kinis ne mamas, xalik ke öng ibo muu a magingin ne tabuno ölöngö, ma irabo iuo.

IBRU 4:11 Referans Kwoze

IBRU 3:18

Me God ixo ösugurno ulamun ewe, bara idi tekebeöt tua nilaxa xö kinis ne mamas se ine? Idi mon nang kaim kö rarame ine.

A Tinenge Deek ke Luk 13:24

“Mum morobo mana lölös sua nilaxa xö marame lik, möxösa, e tengen te mum, a oleleng tabo mamaa rua nilaxa ma takarabo eöt.

IBRU 6:11

E mamaa bara mum morobo lölös sua wewet sösöxöin bira ot kö öxöwöm möxö to re mum, rue mum pua xikip tunin abo lalaa mum mo xixiset ma nunu ulamunon meriso lömö.

EPESES 5:6

Ganim e mum pa öbala lo öng kua lalamus öröxröxö e mum arixe mabo tinenge tataun. Inabo mangana tatalien a unine bara a laie re God irabo subu wönö idi abo tabuno ölöngö.

IBRU 3:12

Abo töke kölöme re Krais, mum morobo ebalaure deek bara xalik ke öng kaluluonin e mum ibo kip pe mangana dinödöm saban ma i kobo nunu. Nang bara öng i talien bira, irabo tawes lo xalik a God nang a lak to.

TAITUS 1:16

Idi te tengen bara idi te ösöxö sik e God ma lamun a tatalien te idi i osen bara idi te talu ine. Idi abo tene takmaluk mabo mangana nangadi nang ire tobo öngasin tewe. Me idi tekebeöt tua wewet te tinörön deek.

PILIPAI 2:12

Ma lamun ina na, abo ais deek ke e, xarnang mum moxobo mumuu abo tatalien ne ölangen tinenge nang e xo kis arixe bang me mum, na e mamaa xöba bara mum morobo mana ölangen tinenge bölök nang bere e kisisik kö palaa xalik e mum. E mamaa bara mum morobo mana rörön lölös arixe ma binuut ma dedede urungan te ine rua tatalien eöt ma ina to runon nang mum mo kis könan.

TAITUS 3:3

Ire xirip bölök bang toxo on baa biringan ma abo tabuno ölöngö. Ire bölök, abo lalaa toxo silien öröxröxö öbaulang ire me ire toxo tultul köbo mamaa saban te ire ma abo axanan tataun. Me ire toxo to muu abo tatalien na: ire toxobo mamaa ra wewet ögat a uleng kabise, ma toxobo dödöm saban lamun a lalaa xö öng kabise, me ire toxobo emelentexin ire.

KOLOSI 3:6

Inabo mangana tatalien i unine nang a laie re God irabo subu kaa rö idi abo mangana nangadi biringan.

APOSOL 26:19

“Io, king Agripa, e kaim kö mölmölök kua rarame abo tinenge möxö winawara meriso xö watmaep.

A Tinenge Deek ke Luk 16:16

“Abo warkurai te Moses arixe mabo ginigeet köbo propet idi toxo warkurai ot kö axana bung ke Jon a tene baptais. Urulo xö ina axana bung na, tobo etöngösen ma a atöngösen deek möxö kingdom kö God, ma a nangadi xirip tobo lölölös sua nuan laxa xönan.

MATIU 11:12

Meringan köbo bung ke Jon a tene baptais, ot nixinen, a kingdom möxö watmaep ixo wanot ma lölös taxin, mabo tene ngangaran idi tabo uruoxe lo ine.

MATIU 7:13

“Mum morobo mana laxa xö marame lik, möxösa, a marame ma a ngas a lak taweweng i silien a nangadi urungan kö minet, ma oleleng ne nangadi te laxa xönan.

EPESES 2:2

Xö inabo axana bung mum moxo roro muu inabo magingin saban nang mum moxobo mumuu abo tatalien möxö ina öxöno lagunon, me mum moxobo rarame ewe ibo xurxure ma ibo balbalaure a maop niso lömö. Me ine ewe ibo balaure a mangana dinödöm nang i kis na kölöme xöbo tabuno ölöngö.

A Tinenge Deek ke JON 6:27

Ganim e mum pa tinörön lamun a nien niang irabo saban. Ma lamun mum morobo rörön lamun a nien niang irabo kisisik iat ma irabo isik a to ulorexe. A Barok kö Tödi irabo tabaa e mum ma ina nien na, möxösa, e God a Tamana ixoro osen bara i maraxa sik kö niang ine i wewet.”

IBRU 4:6

Ewe idi nang toxo arun ta ölangen ina atöngösen deek, idi tokoxobo laxa xö kinis ne mamas, möxösa, kaim idi xo rarame e God. Inexalik i maras bara a dauleng kabise tabo laxa xönan,

2 PITA 2:6

Ma ixo ömokorot a nine lagunon taxin e Sodom me Gomora, me idu toxo söt kirip. Ma nang ixo pet bira, ixo ötumarang a marakörö ewe nang tobo tuu talu ine.