IBRU 13:21 - A Xuxubus Maxat

²¹ Me e seseseng bara ina God te ire irabo tabaa e mum mabo lalaa deek nang mum mo sasaxan ulamunon tua wewet eörin a mamaa re ine. E seseng bara meringan kö kinis se ire kölöme re Jisas, God irabo rörön kölöme re ire öngöng bara ire tabo eöt tua öaxanan ine. Me Jisas Krais ine ewe nang ire tabo ölet ulorexe. Amen.

IBRU 13:21 Referans Kwoze

PILIPAI 2:13

Mum morobo tatalien bira, möxösa, ewe nang i rörön arixe ma lölös kölöme re mum, ine e God. I rörön kölöme re mum ma ixo öraru a bala mum bara mum morobo pet eörin xarnang kö mamaa re ine iat.

2 TESALONIKA 2:17

Io, meet me seseng im bere ine irabo öxaxat e mum ma irabo ölölös a to re mum pa wewet abo tinörön deek ma rua rengrengen abo tinenge deek.

PILIPAI 4:13

Abo lölös se e i eöt mabo mangana kinis kirip, möxösa, e bo xisixis arixe me ewenene niang ibo ölölös e.

1 PITA 2:5

Mum mo xarnang bölök abo wat nang a lak to. Me God ibo rörön köbo tanono e mum pua wewet a gunon. Ma ringan ee mum morobo rörön xarnang a pris madakdak, ma morobo isik abo arabaa meringan kölöme xöbo tanono e mum urungan te God. Me God irabo ömaraxen inabo arabaa, möxösa, mum mere Jisas Krais.

2 TIMOTI 4:18

Io, a Orong irabo ölanglanga e xalik abo tatalien saban kirip nang a nangadi te eka wewet ura rö e, me ine irabo silien ödeek e urungan kö kingdom pe ine xö balna watmaep. Ire tabo ölet ine ulorexe saxit. Amen.

PILIPAI 1:11

Me e seseseng bölök bara abo to re mum irabo wöwö ma inone tatalien töxödös nang i ot meriso kölöme xö kinis se mum arixe me Jisas Krais. Ma inabo inone irabo örarik a nangadi rua ölelet ma rua ii öraxin e God.

2 KORIN 9:8

Me God i eöt tua tabaa e mum ma inemarse raxin te ine xö oleleng ne mangana lalaa, bara mum korobo sasaxan kö inabo lalaa xirip kö bungbung kirip. Ma irabo tabaa e mum biringan lamun mum morobo o xöbo mangana tatalien deek kirip,

1 PITA 4:2

A tödi xarna na i karabo muu abo mamaa möxö nangadi mon ewe nang te xisixis sa xö pu. Kaim. Irabo kis muu a mamaa re God.

IBRU 10:36

Mum morobo mana tuu lölös köbo tiip bere mum mo eöt tua mumuu a mamaa re God, io nang, mum morobo uruoxe a laa nang ixo xuxubus sik ke mum ulamunon.

1 TESALONIKA 5:23

Meet me seseng bere God iat ewe ibo isik a malum pe ire, irabo bulus elixilixin kirip abo to re mum kalik abo sasaban urungan kö tatalien töxödös. Me meet me seseng bölök bere ine irabo balaure abo tanono e mum, abo bala mum, ma abo lewene aine mum kalik ke öng i kebeöt tua wupuk e mum mere sasaban kö axana bung bere Jisas Krais, a Orong ke ire, irabo wanot.

A Ginigeet te JUT 1:25

Io, e ölet ine, ine nang a önga God kalik mon, nang a Tene Aöro re ire. A mariris ma a kinis taxin ma a lölös ma a kinis möxö warkurai mere ine. E ölet ine kölöme xö tinörön te Jisas Krais, a Orong ke ire, möxösa, God ixo kisisik biringan mero xöbo laa xirip ma i kisisik biringan nixinen ma irabo kisisik biringan bölök ulorexe. Amen.

1 JON 2:17

Ma öxöno lagunon i ka xakawöm, arixe mabo lalaa nang a nangadi tobo mamaa ulamunon. Ma lamun ewenene nang i pet eörin a nang e Mama i mamaa ulamun, ine irabo kis kö to ulorexe saxit.

1 TIMOTI 1:17

Ire tabo mana ölet sösöxöin e God, ine a öng kalik mon e God ewe niang i kebeöt ta minet me idi tekebeöt ta werwere ine. A kinis ne warkurai te ine i tuu ulorexe. Me ire tabo mana ii öraxin a esene xöbo bungbung kirip. Amen.

EPESES 2:10

Ire abo inone a tinörön te God. Ma xö kinis se ire kölöme re Krais Jisas, God ixo uxis ire bara ire tabo pet a tatalien deek, inabo tatalien niang e God ixoro tagur bere ire tabo pet.

WINAWARA 5:9

Me idi toxo sö ma önga sinö maxat. Ma i bira: “I töxödös se nöngön bara örobo kip lo a buk ma örobo liling tewe a bubulut möxönan, möxösa, idi toxo tut ömet nöngön, ma u xo kun tewe a nangadi bara rue God ma dee re nöngön. Me idi meringan kö bung marapun kirip, mabo mangana tinenge xirip, mabo mangana lewene aine idi, mabo kantri xirip.

1 JON 3:22

Me God irabo tabaa ire ma a lasa ire te ose ulamun, möxösa, ire te tame abo warkurai te ine me ire te pet abo lalaa nang i öaxanan ine.

IBRU 13:16

Me ire tebele döxömen taun ta wewet abo rorop deek urungan te idi xabise, möxösa, inabo mangana arabaa urungan kö God i öaxanan ine.

1 TIMOTI 6:16

Ine xalik mon i kobo eöt ta minet. Me ine i kis kö bibio raxin niang i kobo eöt te öng ka nuanot lörörö xönan. Kaim iat te öng iri pere ine ma i kobo eöt bara re öng irabo pere ine bölök. Ine, ire tabo ii ine, ma irabo kis kö warkurai ulorexe. Amen.

1 TIMOTI 5:10

ma bara a nangadi idi tabo ösöxö bere ine ire pet abo rorop deek, bara ixoro ölön barok, bara ixoro öga lo abo osee, bara ixoro tos abo xexene nangadi re God, bara ixoro top ewe idi mabo tiip, ma bara ixoro pet kirip abo oleleng ne mangana rorop deek.

1 TESALONIKA 3:13

Me meet me seseng bere God irabo ölölös a to re mum, xalik ke öng i kebeöt tua wupuk e mum, ma inexalik bere mum morobo madakdak kö wawara re God, a Tamana ire, xö axana bung bere Jisas, a Orong ke ire, irabo wanot arixe mabo tene töxödös se ine.

KOLOSI 4:12

Epaparas, ewe a öng mere mum ma a tultul te Krais Jisas, ine bölök i tile a tinenge ne aöga urungan te mum. Ine ixobo seseseng söxsöxö ulamun e mum ma lölös taxin bara e mum morobo maras ulamun abo lalaa God i mamaa bara mum morobo pet ma bara morobo maruxo xönan.

KOLOSI 3:17

Ma xöbo lasa nang mum mo tengen ma xöbo lasa nang mum mo pet, mum morobo pet kö esene e Jisas a Orong, ma meringan kö kinis se mum pe Krais, mum morobo mana tengen deek urungan kö God a Tamana ire.

PILIPAI 4:18

E xoro kip kirip abo xinuxun niang mum moxo tabaa e min. Me e re wöwö im, möxösa, Epaparoditus ixoro kip ot abo arabaa re mum urungan tö e ma inabo lalaa niang i bönöt kirip abo sasaxan te e. Inabo arabaa niang mere mum i xarniang a arabaa nang i sixine deek uruso lömö re God, a mangana arabaa niang e God ibo öga lo ma axanan.

EPESES 2:18

Krais ine ewe nang ixo sawang a ngas bara ire xirip, abo Judeia me idi nang kaim bara abo Judeia, tabo wan pösöt e Tata re ire, möxösa, ire te kis kölöme xö önga Tanono mon.

MATIU 28:20

Me mum moro usu idi ra tame abo lalaa xirip e xoro tenge lölös se mum pua wewet. Ma i maras pi sik, e bo arixe me mum köbo bung kirip ot kö axana bung möxö xakawöm.”

MATIU 6:13

Me mem me mamaa bölök bara örobo balaure wi e mem kalik abo ölelewen, ma örö kip puxus e mem kalik a tene saban. [Möxö re nöngön iat a kingdom, ma a lölös, me mem marabo ölet nöngön ulorexe. Amen.]’

WINAWARA 5:13

Io, e xo ölangen a sinö re idi abo lalaa xirip nang God ixo uxis. Idi meriso xö balna kubu, mera xö pu, meri xö ene öxöno lagunon, ma kölöme xö balna rasi. Me idi xirip, idi toxo sö bira: “Tabo ii öraxin ulorexe ma tabo ölet ulorexe ewe nang i kis kö kinis ne king, ma bie bölök kö Bak kö Sipsip! Ma i töxödös bara idu tabo warkurai ulorexe.”

WINAWARA 4:6

Ma mesila bölök kö kinis ne king, a önga xönö ixo xarnang a rasi ma ixo wawara bara toxo pet ma galas, ma ixo maras kirip. Ma lörörö xina kinis ne king, a nit ne laa to toxo elulurwein ine. Ma abo marana idi toxo bönöt kirip sik abo aidi mesila ma melamu.

IBRU 12:23

Mum moxoro wanot kö kinis etok ke idi abo sisila ne barok kö God. Idi nang e God iri geet ösu abo esene idi ruso xö watmaep. Mum moxoro wan urungan te God a Tene Warkurai kö nangadi xirip. Mum moxoro wanot köbo tanono idi abo tene töxödös nang e God iri ödeek esexerein idi.

1 TESALONIKA 4:3

A mamaa re God bere mum morobo kis pes abo saban urungan köbo tatalien madakdak. Möxö ina na, mum morobo mana tuu wes xalik a tatalien ne ilawa.

KOLOSI 3:20

Mum a bung baroxorok ma bung bangalik, mum morobo mana tame abo tama mum mabo nene mum köbo mangana lalaa xirip, möxösa, ina tatalien i öaxanan a Orong.

PILIPAI 2:11

ma bara abo kamene nangadi xirip tabo tenge maras bere Jisas Krais ine a Orong. Ma nang bara idi tabo pet bira, idi tabo ii öraxin e God, a Tamana ire.

GALESIA 1:5

Ire tabo ölet e God ulorexe. Amen.

A Ginigeet te Pol urungan köbo ROM 11:36

Ma kaim pe öng ixo pet bira rö ine, möxösa, abo lalaa xirip i wanot kalik ine, me ine ewe a öng i ölölös sik inabo lalaa xirip, me ine a xakawam möxöbo lalaa xirip. Me ire tabo ölet ine ulorexe! Amen.

2 PITA 3:18

Ma lamun mum morobo mana das kölöme xö abalamu xö Orong ke ire ma a Tene Aöro re ire, e Jisas Krais. Me mum morobo mana das kö nanase ulamun ine. Me ire tabo ölet ine na ma xöbo bungbung kirip. Amen.

A Ginigeet te Pol urungan köbo ROM 16:27

Io, ma xö kinis se e kölöme re Jisas Krais, e ölet e God bira, ine xalik mon ewe i nanase. A aölelet ulorexe urungan te ine. Amen.

A Tinenge Deek ke JON 17:23

Nöngön u kis kölöme re e me e rabo kis kölöme re idi, bara idi tabo öng turunon mon, rua öxöno lagunon irabo ösöxö bara u xo tile e ma bara u xo maa rö idi xarnang u xo maa rö e bie.

A Tinenge Deek ke JON 7:17

Nang bara ewenene i mamaa bara irabo muu abo mamaa xö God, ine iat irabo ösöxö lo abo inausu re e, bara meringan kalik e God, bara e wöwörö tataun mon kö dinödöm pe e.

MATIU 21:31

“Ewe ridu i pet eörin a lasa a tamadu i tengen?” Idi toxo balu, “A sisila ne barok.” Jisas ixo tengen te idi, “Turunon saxit, abo tene kip takis mabo ilawa te önan laxa sila xö kingdom kö God kalik e mum.

MATIU 7:21

“Kaim bara nangadi xirip tobo rengrengen e, ‘Orong, Orong,’ tabo laxa xö kingdom möxö watmaep, lamun idi xalik mon idi tobo wewet eörin a mamaa re Tata re e nuso xö watmaep.

MATIU 12:50

Möxö ewenene i mumuu abo lasanene nang a Tamake niso xö watmaep i mamaa bara irabo pet, ine a töke, a saxake ma a nago re e.”

2 TIMOTI 3:17

Mabo Ginigeet te God i deek biringan bara rua a tödi mere God irabo mana tagur sik kua wewet kirip abo tinörön deek.

IBRU 12:28

Ire tabo mana tengen deek kö ine, möxösa, ire te laxa xö kingdom pe ine nang i kebeöt bara irabo gigie. Ire tabo tengen deek kö God, ma xö ina ngas niang ire tabo lotu wösöt ine ma tabo ii öraxin ine xarnang i mamaa bara ire tabo lotu wösöt ine bie,