IBRU 11:25 - A Xuxubus Maxat

²⁵ Ixo mamaa bara irabo örasen a kinadik arixe ma marakörö nang ke God ma i koxobo öbala lo abo magingin saban bara irabo öaxanan ine xö axana bung puruwut mon.

IBRU 11:25 Referans Kwoze

2 KORIN 5:17

Io nang, nang bara öng i kis kölöme re Krais, ine a tödi maxat. A lalaa maut iri kawam ma a lalaa maxat iri ot.

WINAWARA 18:7

Mum morobo balu wuxus sö ine mabo kinadik ma a tapunuk eöt mabo mangana lalaa deek saxit nang ixo tabaa öbaling iat ine min. Ma ixo tengen öbaling ke ine iat bara, ‘E a önga kwin. Ma kaim bara e a möxösö. Me e kebeöt ta tapunuk.’

1 PITA 2:10

Mesila mum kaim bere mum a nangadi re God. Ma lamun na im mum a nangadi re God. Mesila mum kaim a kinis kö inemarse re ine. Ma lamun na im mum moro kis kö inemarse re ine.

JEMS 5:5

Ra xö öxöno lagunon abo to re mum iri wöwö mabo lalaa deek saxit. Me mum mo öwöwö abo to re mum mabo lalaa mum mo mamaa rua öaxanan öbaling e mum min. I xarnang önga tödi irabo öraxin a önga bulmakau ulamun a bung idi tabo sexomet ine, me mum mo tabaa öraxin öbaling e mum ulamun ina bung nang tabo sexomet e mum.

IBRU 11:37

Idi toxo teng a dauleng ma wat, ma dauleng, a nangadi toxo tee xöröp idi. Ma dauleng kabise, a nangadi toxo tee ömet idi ma sele möxö inarese. Idi toxo maris. Idi toxo sige mon abo lewene sipsip mabo lewene me. Idi toxo öxadik idi ma toxo eler me idi.

IBRU 10:32

Mum morobo mana döxömen lo abo bung no mesila nang e God ixoro ömaras e mum. Xö inabo bung mum moxo tuu lölös kölöme xöbo kinadik tataxin nang ixo uban e mum.

IBRU 4:9

Io niang, i nangen a mamas xarnang a mamas kö God kö pitnö ma ninöng ne bung bara a marakörö re God tabo kip,

2 TIMOTI 1:8

Io, u bele menge rua atöngösen ma tinenge ulamun a Orong ke ire. Ma u bele menge bölök ulamun e ewe nang idi toxo bulus e xö gunon ne aömokorot tua gene Krais. Ma lamun nöngön örobo tagur sik bara örobo sölök ina kinadik arixe me e ulamun a tinenge deek. Ma irabo eöt bara nöngön örobo pet bira arixe ma lölös se God.

KOLOSI 1:24

Na im e axanan köba ulamun abo kinadik i uban e rua gene mum. Me e kip ina kinadik kö lewene aike rua öxawam abo kinadik ke Krais nangen bang i malaa sik. Me e xobo xikip inabo kinadik kua gene a lewene aine ine, ma a aine ine e mum abo marakörö ne lotu.

A Ginigeet te Pol urungan köbo ROM 5:3

Ma kaim bara ina na xalik mon. Kaim. Ire te axanan bölök köbo kinadik ke ire, möxösa, ire te ösöxö bara ina kinadik ibo wewet ot a tatalien möxö tinuu lölös kölöme xöbo tiip.

A Tinenge Deek ke Luk 16:25

“Inexalik e Abaram ixo balu, ‘Barok ke e, örö döxömen bara xöbo bungbung ne to re nöngön, u xo kip lo abo lalaa deek kö nöngön me Lasarus ixo kip lo abo lalaa saban. Ma na im ine i örasen a to deek, me nöngön iang kö kinadik.

MATIU 13:21

Ma lamun ixo tuu ulik mon, möxösa, kaim ine ma buon. Nang bara tiip bara sasaban i ot möxö ine i kip sik ina tinenge, ma saxit mon irabo wan tewe.

APOSOL 7:34

Turunon saxit, e xoro pere abo kinadik kö nangadi re e nang te örasen to Isip. E xoro ölangen abo ginee ridi me e re wan su ra ölanglanga idi. Miang im, e rabo tile nöngön baling uruo Isip.’