IBRU 10:19 - A Xuxubus Maxat

¹⁹ Io nang, abo töke kölöme re Krais, ire te balamasa rua nuan laxa xö Madakdak ne Xönö Saxit kö dee ne Jisas.

IBRU 10:19 Referans Kwoze

EPESES 2:18

Krais ine ewe nang ixo sawang a ngas bara ire xirip, abo Judeia me idi nang kaim bara abo Judeia, tabo wan pösöt e Tata re ire, möxösa, ire te kis kölöme xö önga Tanono mon.

IBRU 9:12

Krais kaim kö isik a dee ne me, bara a dee ne bulmakau, rua inuan laxa xö Madakdak ne Xönö Saxit. Kaim. Ixo isik ot a dee re ine iat tua inuan laxa ringan, möxösa, ixoro kun ölanglanga rewe ire. Ixo laxa xö önga axana bung kalik mon. Ma ina inuan laxa i eöt. Ma i karabo laxa baling im.

IBRU 4:16

Io niang, ire tabo mana wan pösöt e God ma balamasa. Me ine ewe nang ibo isik tataunin a abalamu rö ire. Ire tabo mana wan biringan urungan te ine, lamun irabo marse ire ma irabo top tataunin ire xö axana bung bere ire te sasaxan lamun ina rorop niang.

EPESES 3:12

Ma a nunu re ire iri sawang a ngas urungan te God. Me ire tabo wan urungan kö wawara re God ma balawapat ma balamasa, möxösa, ire kölöme re Krais.

A Ginigeet te Pol urungan köbo ROM 5:2

Ma xö nunu re ire, e Krais iri lamus ölaxa ire urungan kö abalamu nang e God ixoro tabaa tataunin ire min. Me ire tobo tuu sik kö ina abalamu me ire tobo axanan, möxösa, ire te xixiset ma nunu bara ire tabo uruoxe a kinis deek nang i ot meriso xö maririsine God.

IBRU 12:28

Ire tabo mana tengen deek kö ine, möxösa, ire te laxa xö kingdom pe ine nang i kebeöt bara irabo gigie. Ire tabo tengen deek kö God, ma xö ina ngas niang ire tabo lotu wösöt ine ma tabo ii öraxin ine xarnang i mamaa bara ire tabo lotu wösöt ine bie,

1 JON 4:17

Ma nang bere ire te kis bira, a tatalien ne mamaa irabo taxin köba kölöme re ire. Möxö ina na, ire tabo kis ne balamasa kölöme xö bung möxö warkurai, möxösa, ire te xarnang e Krais sa xö öxöno lagunon.

A Ginigeet te Pol urungan köbo ROM 8:15

Ma ina Tanono ewe nang mum moxo kip, i kobo pet e mum bara e mum abo tultul baling kua binuut. Kaim. Mum moxo kip a Tanono ewe nang ixo ölön lo e mum bara e mum morobo barok ke God. Ma xö rorop kö Tanono, ire tobo xukup ma sineseng bira, “Mama! Mama!”

2 TIMOTI 1:7

Io, e mamaa bere nöngön örobo pet bira, möxösa, e God i koxobo tabaa iraa ma binuut. Kaim. Ixoro tabaa iraa ma lölös arixe ma abalamu lamun a öng kabise, arixe ma tatalien bara öng irabo balaure a mamaa re ine iat.

IBRU 9:3

Ma melamu xö sese öninöng ne bölö toxo pet ma man, a önga xönö bölök. Ma toxo tengen ine bara a Madakdak ne Xönö Saxit.

IBRU 7:25

Io niang, Jisas i eöt tua öro idi ulorexe nang te ot pösöt e God kölöme xö tinörön te ine, möxösa, ine i to ulorexe rua sineseng kua gene idi.

IBRU 3:1

Io nang, mum abo madakdak ne töke nang e God ixo kuwe lo bölök e mum, mum morobo mana dödödöm bere e Jisas ewenene. Ine ewe nang e God ixo tile ura ma tinenge xarnang önga aposol. Me ine a pris taxin. Me ire ta nunu re ine ulamun inabo lalaa na.

IBRU 3:6

Krais bölök bie. Ixo rörön deek eöt tunon iat ma mamaa xö God. Ma lamun Krais, ine a Barok kö God kölöme xö bung marapun te God. Ma ibo balaure ina marapun. Me ire abo unsaxana xö bung marapun te ine nang bara ire te tuu lölös kö nunu re ire ma nang bere ire te xixiset ma nunu raxin köbo lalaa ire te ölolot ulamunon nang e God irabo tabaa ire min melamu.

IBRU 10:18

Io, takarabo sasaxan baling im lamun te önga arabaa rua xikip tewe abo magingin saban, möxösa, God iri döxömen taun inabo sasaban.

IBRU 10:35

Io niang, mum bele ömalim tewe a nunu ne balamasa re mum, möxösa, God irabo öxaaorong e mum nang e mum mo tuu sik bie.