GALESIA 1:5 - A Xuxubus Maxat

⁵ Ire tabo ölet e God ulorexe. Amen.

GALESIA 1:5 Referans Kwoze

A Ginigeet te Pol urungan köbo ROM 11:36

Ma kaim pe öng ixo pet bira rö ine, möxösa, abo lalaa xirip i wanot kalik ine, me ine ewe a öng i ölölös sik inabo lalaa xirip, me ine a xakawam möxöbo lalaa xirip. Me ire tabo ölet ine ulorexe! Amen.

A Ginigeet te JUT 1:25

Io, e ölet ine, ine nang a önga God kalik mon, nang a Tene Aöro re ire. A mariris ma a kinis taxin ma a lölös ma a kinis möxö warkurai mere ine. E ölet ine kölöme xö tinörön te Jisas Krais, a Orong ke ire, möxösa, God ixo kisisik biringan mero xöbo laa xirip ma i kisisik biringan nixinen ma irabo kisisik biringan bölök ulorexe. Amen.

IBRU 13:21

Me e seseseng bara ina God te ire irabo tabaa e mum mabo lalaa deek nang mum mo sasaxan ulamunon tua wewet eörin a mamaa re ine. E seseng bara meringan kö kinis se ire kölöme re Jisas, God irabo rörön kölöme re ire öngöng bara ire tabo eöt tua öaxanan ine. Me Jisas Krais ine ewe nang ire tabo ölet ulorexe. Amen.

WINAWARA 14:7

Ma a angelo ixo kup taxin bira, “Mum morobo mana ii e God ma morobo mana tibeölet ine, möxösa, a axana bung möxö warkurai te ine iri wanot. Mum morobo mana lotu wösöt ine ewe nang ixo uxis a watmaep ma öxöno pu, a rasi mabo ari wuwut.”

WINAWARA 7:12

ma toxo tengen bira: “Mem me aut arixe mabo tinenge re mum! Ire tabo ölet a God te ire! A mariris i kis se ine ma a tene nanase ine! Ire tabo tengen deek ke ine ma tabo ii ine! Abo lölös taxin kirip mere God te ire ulorexe saxit! Amen.”

WINAWARA 5:12

Me idi toxo sö raxin arixe bira: “I töxödös bara a Bak kö Sipsip ewe idi toxo tut ömet ine, irabo uruoxe a ese raxin ma a kinis ne orong ma nanase ma lölös! Ma i töxödös bara tabo ii öraxin ine ma bara tabo ölet ine!”

2 PITA 3:18

Ma lamun mum morobo mana das kölöme xö abalamu xö Orong ke ire ma a Tene Aöro re ire, e Jisas Krais. Me mum morobo mana das kö nanase ulamun ine. Me ire tabo ölet ine na ma xöbo bungbung kirip. Amen.

1 PITA 5:11

Ine xalik mon nang i uruoxe a lölös ulorexe saxit. Amen.

2 TIMOTI 4:18

Io, a Orong irabo ölanglanga e xalik abo tatalien saban kirip nang a nangadi te eka wewet ura rö e, me ine irabo silien ödeek e urungan kö kingdom pe ine xö balna watmaep. Ire tabo ölet ine ulorexe saxit. Amen.

1 TIMOTI 1:17

Ire tabo mana ölet sösöxöin e God, ine a öng kalik mon e God ewe niang i kebeöt ta minet me idi tekebeöt ta werwere ine. A kinis ne warkurai te ine i tuu ulorexe. Me ire tabo mana ii öraxin a esene xöbo bungbung kirip. Amen.

PILIPAI 4:20

Io, ire tabo mana perexulen bere a kinis se God a Tamana ire i wöwö ma mariris i tuu ulorexe saxit. I turunon saxit.

EPESES 1:12

Ma ixo pet bira rue ire ewe ire tere xixiset ma nunu xöbo lalaa kölöme re Krais, ire tabo örarik a nangadi rua ölelet e God ulamun a mariris se ine.

A Ginigeet te Pol urungan köbo ROM 16:27

Io, ma xö kinis se e kölöme re Jisas Krais, e ölet e God bira, ine xalik mon ewe i nanase. A aölelet ulorexe urungan te ine. Amen.

A Tinenge Deek ke Luk 2:14

“Ii öraxin a esene e God nang ibo xisixis tiso lömö. Ma xö öxöno lagunon, a bala malum irabo wan urungan kö nangadi nang God iri bala deek ke idi.”

MATIU 28:20

Me mum moro usu idi ra tame abo lalaa xirip e xoro tenge lölös se mum pua wewet. Ma i maras pi sik, e bo arixe me mum köbo bung kirip ot kö axana bung möxö xakawöm.”

MATIU 6:13

Me mem me mamaa bölök bara örobo balaure wi e mem kalik abo ölelewen, ma örö kip puxus e mem kalik a tene saban. [Möxö re nöngön iat a kingdom, ma a lölös, me mem marabo ölet nöngön ulorexe. Amen.]’

1 KORIN 8:13

Io, nang bara abo nien i unine lo nang a töke kölöme re Krais i subu xönan, e kebeöt ta enen öbaling ke gineme, xalik e rabo ösubu ine.