APOSOL 9:6 - A Xuxubus Maxat

⁶ Örö taru kaa ma örö wan laxa xö lagunon taxin, ma tabo töngösen nöngön ma lasa nang örobo pet.”

APOSOL 9:6 Referans Kwoze

APOSOL 22:10

“Me e xo eose, ‘A laa sanene nang arabo pet, Orong?’ “Ma Orong ixo tengen, ‘Örö taru kaa ma örö wan u Damaskas. Ma ringan tabo töngösen nöngön ma lasanene xirip nang e God ixoro isik ke nöngön bara örobo pet.’

APOSOL 26:16

Go, örö taru kaa ma örö tuu. E re wösö re nöngön tua tibe nöngön bere nöngön örobo pet abo tinörön te e, ma bere nöngön örobo önga tene tinenge möxöbo lalaa nang u xoro pere lamun e, mabo lalaa bölök e rabo osen te nöngön.

PILIPAI 2:12

Ma lamun ina na, abo ais deek ke e, xarnang mum moxobo mumuu abo tatalien ne ölangen tinenge nang e xo kis arixe bang me mum, na e mamaa xöba bara mum morobo mana ölangen tinenge bölök nang bere e kisisik kö palaa xalik e mum. E mamaa bara mum morobo mana rörön lölös arixe ma binuut ma dedede urungan te ine rua tatalien eöt ma ina to runon nang mum mo kis könan.

A Ginigeet te Pol urungan köbo ROM 10:20

Io, me Aisaia ixo balamasa nang ixo etöngösen ma laa sa niang e God ixo tengen bira, “Ewe idi nang tokoxobo wawara siwin e, idi toxo pere wösöt lo e. Ma e xo osen ömaras e urungan tö idi ewe idi nang tokoxobo ose ulamun e.”

A Ginigeet te Pol urungan köbo ROM 10:3

Idi toxo könönöin bere idi tabo pet te ngas iat te idi bere God irabo kure idi bara te töxödös kö wawara re ine. Me idi te könönöin bira, möxösa, idi kaim pua ösöxö bere God irabo kure bule a öng bara i töxödös kö wawara re ine. Io niang, kaim idi xo ii ölik idi xö ngas niang e God i muu rua kure ina öng bara i töxödös.

A Ginigeet te Pol urungan köbo ROM 7:9

Önga axana bung e xo to sik nang e koxobo ösöxö abo warkurai te Moses. Inexalik nang abo warkurai te Moses ixo ot maras sö e, abo magingin saban ixo tuu ot arixe ma lölös me e xo met.

A Ginigeet te Pol urungan köbo ROM 5:20

Io, abo warkurai te Moses ixo wanot im bara irabo maras bara abo magingin saban i oleleng saxit. Ma lamun bara abo magingin saban ixo oleleng saxit bira, io, a abalamu nang ine a arabaa tataun ixo saxit belek im inabo magingin saban.

APOSOL 10:32

Io, erile uruo Jopa rue Saimon nang tobo rengrengen ine me Pita. Ine ixobo xisixis kö gunon te Saimon a tene wewet laa ma lewene bulmakau, nang ixobo xisixis lörörö xö rasi.’

APOSOL 10:22

Idiet toxo balu, “A umri raxin e Konilias i tile e meet. Ine a tödi töxödös ma ibo buburin e God. Ma nangadi xirip mee Judeia tobo ii ine. A madakdak ne angelo ixo tengen te ine bara irabo lamus ot nöngön uri xö gunon te ine, io nang ine irabo ölangen a lasanene nang u ka rengrengen.”

APOSOL 10:6

Ine ixobo xisixis kö gunon te Saimon, a tene wewet lalaa ma lewene bulmakau, ewe nang ixobo xisixis lörörö xö rasi.”

APOSOL 2:37

Ma nang a nangadi toxo ölangen ina tinenge na, ixo kara abo baladi me idi toxo tapunuk ma toxo tengen te Pita ma önga bo aposol, “Abo tönö e mem, a lasa mem marabo pet?”

A Tinenge Deek ke Luk 3:10

Io, a marakörö toxo ose bara, “Mem marabo pet a sa?”

MATIU 19:30

Ma lamun a oleleng ewe nang te sila, tabo muu, ma oleleng ewe nang te muu, tabo sila.”

JEMS 4:6

A abalamu xö God tö ire i taxin saxit köba xöbo mamaa saban te ire. I xarnang a tinenge xö God toxo geet i tengen, “God ibo ruruu talu idi nang tobo ii öraxin idi iat. Ma ibo isik a abalamu re ine xö nangadi ewe niang tobo ii ölik idi iat.”

APOSOL 9:5

Sol ixo ose, “Ewe nöngön, Orong?” Me ine ixo balu, “E Jisas, ewe nang nöngön u ögarin.”