APOSOL 7:25 - A Xuxubus Maxat

²⁵ Moses ixo nunu bara a nangadi iat te ine tabo perexulen bara God ixo önan arixe mine ra öro idi, ma lamun kaim idi ra werwere xulen ina na.

APOSOL 7:25 Referans Kwoze

KOLOSI 1:29

Ma ina unine niang e rörörön lölös. E bo lölölös köba eöt ma lölös taxin te ine nang ibo rorop e min bara arabo pet bie.

2 KORIN 6:1

Ma nang e mem me rörön arixe me God, mem me öxaxat bölök e mum ewe nang mum moxoro uruoxe a abalamu xö God, bara mum bele ösek tataunin ina abalamu ma kaim pe inone.

1 KORIN 15:10

Ma lamun e God ixo tabaa tataunin e ma abalamu re ine, io, e ot a mangana tödi bira. Ma ina abalamu kaim kö rörön tataun. Kaim. E xo rörön lölös sö idi xirip. Ma lamun kaim bere e, a abalamu nang e God ixo tabaa tataunin e min ixo rörön bira.

A Ginigeet te Pol urungan köbo ROM 15:18

E xebe buut tua eölolot ulamun abo lalaa xirip, inexalik önga laa xalik mon. E rabo eölolot ulamun abo lalaa e Krais iri pet kö tinörön te e kaluluonin idi nang kaim bara abo Judeia nang idi toxo ölangen abo tinenge re e ma toxo pere abo tatalien te e, a tatalien lölös, abo tatalien ne auwuwus, mabo auxileng nang e xo pet arixe ma lölös möxö Töxödösine Tanono. E rabo tenge xalik mon ulamun inabo lalaa Krais iri pet nang iri silien ot idi bara tabo muu e God. Io niang, urulo meringan Jerusalem e xo wan kö boxönö xirip urungan kö xönö mee Ilirikam me e xo öxawam a tinörön te e xinabo uleng ne xönö rua palas tinenge ma atöngösen deek ulamun e Krais.

APOSOL 21:19

Ma nang e Pol ixoro tön lime sik midi, ine ixo tengen ömaras idi mabo lasa e God ixo pet kölöme xö tinörön te ine urungan te idi a nangadi nang kaim bara abo Judeia.

APOSOL 15:7

Melamu xöbo tinenge oleleng, Pita ixo taru kaa ma ixo tengen ömaras idi bira, “Abo töke, mum mo ösöxö bara nang köbo bung mesila saxit, God ixo pere kos lo e kaluluonin e mum, bara a nangadi nang kaim bara abo Judeia tabo ölangen a tinenge deek möxö ngalake ma tabo nunu.

APOSOL 15:4

Ma nang idi toxo ot Jerusalem, a marakörö ne lotu mabo aposol arixe mabo duöng sisila ne lotu toxo öga idi. Me Pol me Banabas toxo tengen ömaras abo lasa nang e God ixo pet kö limine idu.

APOSOL 14:27

Xö inot tidu ringan Entiok idu toxo lamus etok a marakörö ne lotu ma toxo tengen kirip abo lalaa niang e God ixoro pet kölöme xö tinörön te idu. Me idu toxo tengen bölök bara God ixo sawang a ngas bara idi niang kaim bara abo Judeia idi tabo nunu.

A Tinenge Deek ke Luk 18:34

Abo bak ne ausu kaim kö marmaras ulamun te laa niang ine ixo wöwörö min, möxösa, a unine toxo umingen kalik idi, me idi tokoxobo ösöxö a lasa nang ine ixo rengrenge ulamunon.

A Tinenge Deek ke Luk 9:45

Ma lamun idi kaim a xikip a lasa ine ixo rengrengen. Ixo malaa mun sik kalik idi, io, idi tekexebeöt ta ösöxö ina laa, me idi toxo bubuut tua ose ine ulamunon.

A Tinenge Deek ke MAK 9:32

Ma lamun idi kaim a xikip a lasa ine ixo rengrengen, me idi toxo bubuut tua ose ine ulamunon.

1 KORIN 3:9

Maa bo rörörön arixe, me maa a nine tödi xö God. Mum mo xarnang a komo re God, me mum mo xarnang a gunon nang e God iri tön ine.

APOSOL 7:24

Ine ixo pere önga tödi mee Isip ixo wewet ögat a öng mere idi abo Israel, io, ine ixo tuu arixe mina Israel ma ixo sexomet ina Isip pua babalu ine lamun a lalaa nang ixo pet tö ina Israel.

APOSOL 7:26

Xö bung malamu Moses ixo ot pösöt a nine Israel idu toxo erese. Ma ixo mamaa ra bulbulus a malum kaluluonin idu, io, ixo tengen, ‘Nibarok, a narön mon e mu, ruasa mu mo erse baling ke mu?’