APOSOL 3:19 - A Xuxubus Maxat

¹⁹ Moro dödöm puxus, ma moro tawuxus urungan te God, io, God irabo döxömen taun abo magingin saban te mum mabo bung irabo ot nang a Orong irabo ösidö e mum,

APOSOL 3:19 Referans Kwoze

APOSOL 2:38

Pita ixo balu idi bira, “Mum kirip a öngöng moro dödöm puxus ma moro kip baptais kö esene Jisas Krais nang e God irabo döxömen taun abo magingin saban te mum. Me mum morobo kip lo a arabaa xö Töxödös ne Tanono.

MATIU 18:3

Ma ixo tengen, “Turunon saxit, niang bere mum korobo xuxulas ma xarnang a bung bak lixilik, mum korobo laxa xö kingdom möxö watmaep.

MATIU 13:15

möxösa, ina nangadi na te ölölös a baladi. Me idi te mölök ka ölöngö ma talingine idi, me idi te baxut abo maradi, xalik idi texere perexulen mabo maradi, ma texere ölangen kulen mabo talingedi, ma texere ösöxö xulen kölöme xö baladi, ma texere dödöm puxus, me e xere öro idi.” ’

2 TESALONIKA 1:7

Me ine irabo ömamanaa e mum kalik abo kinadik ke mum ma irabo ömamanaa e meet bölök. Ma irabo pet xarna na xö axana bung bara e Jisas a Orong irabo ot wösö meriso xö watmaep kaluluonin a bibio ne ia arixe mabo angelo lölös se ine.

APOSOL 11:21

A lölös kö Orong ixo kis arixe me idi ma a oleleng saxit toxo nunu ma toxo tawuxus urungan kö Orong.

2 PITA 3:8

Abo ais deek ke e, mum bele döxömen taun ina laa, bara xö wawara xö Orong, önga bung i eöt ma önga arip ne awat ma önga arip ne awat i eöt ma önga bung mon.

APOSOL 28:27

möxösa, ina nangadi na te ölölös a baladi. Idi te mölök ka ölöngö ma talingine idi, me idi te baxut abo marna idi, xalik idi texere perexulen mabo marna idi, ma texere ölangen kulen mabo talingine idi, ma texere ösöxö xulen kölöme xö baladi, ma texere tawuxus, me e xere öro idi.’

1 PITA 2:25

Mum moxobo önan lelebes xarnang abo sipsip, nexalik na im mum muru tawuxus baling pösöt ewe ibo werwere muu abo tano mum xarnang önga tene balaure sipsip.

2 TESALONIKA 1:10

xö axana bung bara a Orong irabo wanot tua xikip a ese raxin ma aölelet kaluluon köbo tene nunu, idi a nangadi töxödös se ine. Me mum bölök, mum morobo arixe me idi, möxösa, mum moxo nunu xö tinenge re God, nang meet moxo töngösen e mum ulamunon ine bara turunon.

APOSOL 11:18

Nang idi toxo ölangen bira, idi toxo ödödö ma toxo ölet e God, ma toxo rengrengen, “Io, i turunon sik bere God i tabaa bölök a nangadi nang kaim bara abo Judeia rua dinödöm puxus ma rua xikip a to runon.”

A Tinenge Deek ke Luk 1:16

Me ine irabo lamus puxus a marakörö oleleng mee Israel urungan kö Orong, a God te idi.

A Ginigeet te Pol urungan köbo ROM 11:25

Abo töke kölöme re Krais, e kobo maa bere mum morobo ii öraxin e mum iat, io nang, e mamaa bere e rabo ömaras e mum ulamun inabo lalaa niang ixo mun sik mesila me God iri osen im, ma i bira, bara God ixo ölölös abo baladi a oleleng saxit mee Israel bara tokoxobo nunu, ma lamun i turunon bara a uleng ke idi toxo nunu. Ma abo baladi abo Israel tabo lölös sik biringan ot kö ina axana bung nang a xinixos kirip pe idi ewe nang kaim bara abo Israel tabo wan pösöt e God.

APOSOL 17:26

Kö önga tödi xalik mon, God ixo pet ot a bung marapun kirip kö öxöno lagunon. Ma ixo uxis idi xö boxönö xirip möxö öxöno lagunon. Me ine iat ixo pingit sik a axana bung ke idi ra kinis ma xönö idi tabo kis könan.

APOSOL 15:3

Io, a marakörö ne lotu toxo tile idi ra nuan. Ma nang idi toxo wan köröp Ponisia mee Samaria, idu toxo tengen ömaras idi bara i bule a nangadi nang kaim bara abo Judeia, idi toxo dödöm puxus urungan te God. Ma ina tinenge ixo isik a axanan taxin urungan köbo Kristien.

APOSOL 3:21

Ine irabo xisixis iat tuso lömö xö watmaep ot kö bung nang irabo ot te God ta ömaxat abo lalaa xirip kö öxöno lagunon, nang ixoro tengen lorexe saxit köbo madakdak ne propet te ine.

APOSOL 1:6

Io, nang abo aposol toxo ot etok arixe me Jisas ma toxo ose ine, “Orong, xina bung na örobo isik a kingdom kö God baling köbo Israel?”

WINAWARA 21:4

Irabo us abo line marna idi. Ma kaim baling im pe minet bara re tapunuk, ma kaim bölök ke ginee bara re kinadik, möxösa, abo lalaa nang me lorexe iri kawam.”

2 TIMOTI 2:25

Ma rö idi nang tobo uli ine, ina tultul na irabo mana usu idi xarnang a tödi ödödö, ma nagut e God irabo pet idi rua dinödöm puxus bara tabo ösöxö abo turunon te God.

APOSOL 3:20

me God irabo tile e Jisas, a Mesaia ewe nang ine ixo pere kos lo ine rö mum.

IBRU 4:1

Io, God iri kubus sik bara irabo isik ina mamas sö ire. Ma ina kunubus i kisisik iat bie. Möxö ina na, ire tabo ebalaure deek, kalik e God irabo pere wösöt te öng kaluluonin e mum bara i kobo eöt tua nilaxa xö kinis ne mamas se ine.

A Tinenge Deek ke Luk 22:57

Ma lamun e Pita ixo öös ma ixo tengen, “Une, e koxobo ösöxö ine.”