APOSOL 2:30 - A Xuxubus Maxat

³⁰ Ine a propet ma ixo ösöxö bere God ixoro sugurno sik bere ine irabo uxis a untubuno xö kinis ne warkurai te ine.

APOSOL 2:30 Referans Kwoze

2 PITA 1:21

Kaim pe tinenge ne propet i kara wanot tataun lo mon köbo dinödöm kö nangadi, inexalik a nangadi toxo rengrenge meriso re God nang a Töxödös ne Tanono iat ixobo sisilien abo dinödöm pe idi.

2 TIMOTI 2:8

Nöngön örobo döxömen lo bere e Jisas Krais ine a tubuno e Dewit, ma bara God ixo öraru öbaling ine xalik a minet, xarnang e bo rengrengen köbo tinenge deek nang e bo walwalas.

A Ginigeet te Pol urungan köbo ROM 1:3

Ma ina atöngösen deek na, i wöwörö ulamun a Barok kine, ma toxo kip ine kölöme xö marapun te Dewit, io nang, a tödi ine.

A Tinenge Deek ke MAK 12:36

Dewit kalik mon ixo kip lo abo tinenge möxö Töxödös ne Tanono ma ixo tengen bira, ‘God a Orong ixo tengen kö Orong ke e bara: “Nöngön örö kis kö lawa tuun te e ot nang e rabo bulus abo iuo re nöngön kö ene xexem.” ’

WINAWARA 19:16

Ma toxoro geet a esene xö sisige re ine ma xö lawana xexene ma i bira, A King Taxin möxöbo king kirip ma a Orong Taxin möxöbo orong kirip.

WINAWARA 17:14

Me idi tabo tuu rua inarse ma Bak kö Sipsip. Inexalik a Bak kö Sipsip irabo kaa bulus idi, möxösa, ine a Orong taxin möxöbo orong kirip me ine a Sisila raxin möxöbo sisila xirip. Me ine arixe ma nangadi ewe nang ixoro kuwe idi ma ixoro pere kos idi. Me idi nang toxobo muu ödeek ine.”

IBRU 7:21

Ma lamun e Jisas ixo kip a kinis ne pris se ine nang e God ixo usugurno ma ixo tengen tö ine bira: “E, a Orong, e re usugurno bara, ‘Nöngön a pris ulorexe saxit.’ Me e karabo kulas a dinödöm pe e.”

IBRU 6:17

God ixo ölölös a kunubus se ine arixe ma usugurno, möxösa, ixo mamaa bara idi ewe nang ixoro pet a xuxubus sö idi, io, tabo maras deek bara a dinödöm pe ine i karabo xuxulas.

IBRU 4:7

möxösa, nang a oleleng ne awat ixoro saxit a axana bung kö inabo nangadi niang, God ixo kubus öbaling önga bung kua nilaxa. Ma ixo tengen ine bara, “Nixinen” kölöme xö ginigeet te Dewit. Xarna na iat mon ire tere kos, Dewit ixo tengen bira: “Nang bere mum mo ölangen a inöno e God nixinen, mum bele ölölös a bala mum.”

IBRU 3:7

Io niang, mum morobo mana ölangen a Töxödös ne Tanono nang i tengen bira, “Nang bara mum mo ölangen a inöno e God nixinen,

A Ginigeet te Pol urungan köbo ROM 15:12

Me Aisaia bölök i tengen bira, “A tubuno raxin te Jesi irabo wanot. Ine irabo wanot tua kure abo marapun ewe nang idi kaim bara abo Judeia. Ine a unine bara idi nang kaim bara abo Judeia tabo xixiset ma nunu ulamunon abo warwadöan nang irabo wan urungan tö idi.”

APOSOL 1:16

Me Pita ixo tengen, “Abo töke, a tinenge re God toxo geet i eörin nang a Töxödös ne Tanono ixo tengen mesila saxit kö ngusuno Dewit lamun e Judas, nang ixo rörön xarnang a sisila, nang ixo sila re nangadi nang toxo tödik lo e Jisas.

A Tinenge Deek ke Luk 24:44

Me ine ixo tengen tö idi, “Inabo lalaa na e xo töngösen e mum min nang e xo xisixis bang me mum, bara abo lalaa xirip tabo mana pet eöt ma nang toxo geet ulamun e kölöme xöbo warkurai te Moses mabo tinenge xöbo propet ma xö buk ne Sinö.”

MATIU 27:35

Nang idi a nangadi arase toxoro taba ine xö sölöxöröp, toxo egulös satu rua erimine abo man te ine re idi iat.

MATIU 22:43

Ma ixo tengen te idi, “Bara bule im bere Dewit ixo kip lo abo tinenge möxö Töxödös ne Tanono ma ixo tengen ina Mesaia bara ‘Orong’? Möxö ixo tengen bira,

IBRU 1:1

Mesila God ixo wöwörö xöbo untubuno ire xö tinenge ne propet. Ma ixobo wewet köbo oleleng ne axana bung ma kölöme xö oleleng ne mangana ngas.