APOSOL 2:27 - A Xuxubus Maxat

²⁷ möxösa, nöngön ökorobo ganim tewe e urungan kö lagunon ne minet, ma ökorobo ömaraxen lo re Öng ke nöngön Nang i Madakdak bara irabo maxus.

APOSOL 2:27 Referans Kwoze

APOSOL 2:31

Dewit ixoro maras lamun abo mangana lalaa nang irabo ot melamu, ma ixo etöngösen ma tinaru baling möxö Mesaia. Ixo tengen bara God i karabo ganim tewe ine urungan kö lagunon ne minet bara a lewene aine irabo maxus.

WINAWARA 1:18

E ina öng na nang ine ma to. E xo met ma lamun na e kis ulorexe. Me e tön sik a ki möxö marame möxö minet ma möxö lagunon ne minet bölök.”

WINAWARA 20:13

Io, a rasi ixo isik puxus abo minet nang idi toxo xisixis könan, ma a Tatalien möxö Minet ma a Xönö ne Minet idu toxo isik puxus bölök abo minet nang toxo xisixis ee, me ewe nang ixo kisisik kö kinis ne pet warkurai ixo kure idi öngöng eöt ma abo tatalien te idi.

1 KORIN 15:55

“Nang, a minet, ule im a lölös se nöngön tua wawas ösu abo iuo re nöngön? Ma ule im a lölös se nöngön tua akara?”

A Tinenge Deek ke JON 11:39

Me Jisas ixo tengen, “Mum moro irewe ina wat.” Ma lamun e Mata nang a saxana tödi nang ixoro met ixo tengen te Jisas bira, “Orong, a aine iri maxus, möxö na iri nit ne bung im pe ine.”

WINAWARA 3:7

“Me nöngön örobo geet bölök ina tinenge na urungan kö angelo möxö lotu mee Piladelpia. Ina na abo tinenge re ewe nang i madakdak köba me i pet eörin xarnang i rengrengen. Me e tön sik a ki re Dewit. Ma lasa nang e sawang, kaim pe öng irabo baxut. Ma lasa nang e baxut, kaim pe öng irabo sawang.

1 JON 2:20

Inexalik, a Öng Nang a lak Madakdak ixoro tabaa e mum ma Töxödös ne Tanono, rue mum kirip pa ösöxö a sa i turunon.

A Tinenge Deek ke Luk 4:34

“Nang! Jisas mee Nasaret, u mamaa ruasa xalik e mem? U wanot ta ögarin esexerein e mem? E ösöxö sik nöngön, bere nöngön a Öng Ewe Nang a lak Madakdak meriso re God!”

A Tinenge Deek ke Luk 1:35

Ma a angelo ixo balu ine bira, “A Töxödös ne Tanono irabo ot pösöt nöngön ma lölös kö God lömö saxit irabo kawönö nöngön. Io, ina tee Madakdak nang örobo kip tabo tengen ine bara a Barok kö God.

A Tinenge Deek ke MAK 1:24

“Jisas mee Nasaret, u mamaa ruasa xalik e mem? U wanot ta ögarin esexerein e mem? E ösöxö sik nöngön, bere nöngön Öng Ewe Nang a lak Madakdak meriso re God!”

MATIU 11:23

Me mum mee Kaprenaum, mum bele döxömen bara tabo ii öxaa e mum urso lömö. Kaim, mum morobo wan su arixe uri xö pu xö xönö möxö minet. Nang bara abo lalaa lölös ne auwuwus niang e xo pet te mum, texere pet bölök ki Sodom, io, a nangadi mee Sodom texere xisixis iat ot kö ina bung.

APOSOL 4:27

Turunon saxit, e Erot me Pontias Pailat toxo tuu arixe mabo nangadi nang kaim bara abo Judeia ma a nangadi mee Israel kölöme xö ina lagunon taxin na rua wewet abo ngas saban lamun a madakdak ne tene tinörön te nöngön, e Jisas ewe nang u xo uxis ine bara ine a Mesaia.

APOSOL 3:14

Mum moxo mölök lamun ina öng nang a tene Madakdak ma a tene Töxödös ine, me mum moxo ose e Pailat lamun a tödi möxö inarse ömet, bere Pailat irabo öbala ösu ine urungan te mum.

A Tinenge Deek ke Luk 16:23

Kölöme xö xönö möxöbo minet ixo örasen a kinadik taxin. Ine ixo wawara kaa ma ixo pere e Abaram kö palaa arixe me Lasarus kö lawana.

A Tinenge Deek ke Luk 24:44

Me ine ixo tengen tö idi, “Inabo lalaa na e xo töngösen e mum min nang e xo xisixis bang me mum, bara abo lalaa xirip tabo mana pet eöt ma nang toxo geet ulamun e kölöme xöbo warkurai te Moses mabo tinenge xöbo propet ma xö buk ne Sinö.”

APOSOL 2:26

Io nang, a balake i deek me e tenge axanan. A aike bölök irabo xixiset ma nunu ulamun abo lalaa deek,

APOSOL 2:28

Nöngön u xoro ömaras e xö ngas möxö to, ma örobo öwöwö e ma axanan, möxösa, nöngön u kis arixe me e.’