1 TIMOTI 5:1 - A Xuxubus Maxat

¹ Ganim bara u tenge laie xö önga ötaxin lamun te sasaban. Inexalik örö tenge malus se ine mon xarnang bara a tata re nöngön, ma abo guama xarnang bara idi abo töm,

1 TIMOTI 5:1 Referans Kwoze

TAITUS 2:2

Abo ötaxin tabo mana muu abo dinödöm maras, bere idi tabo mangana nangadi nang ire tabo ii idi, me idi tabo balaure ödeek abo mamaa re idi. Me idi tabo mana nunu xö ausu runon, io, a mamaa re idi urungan kö öngöng irabo turunon, me idi tabo tuu lölös sik iat köbo tiip.

1 PITA 5:1

Mum abo sisila ne lotu, e bölök önga sisila ne lotu xarnang e mum. E xo pere abo kinadik ke Krais me e bo rengrengen ösu ulamunon. Me e a öng nang arabo kip lo bölök ina mariris nang irabo wösö.

GALESIA 6:1

Abo töke kölöme re Krais, nang bara mum mo ösöxö lo bara re öng mere mum i pet te magingin saban, io, mum ewe nang mo mamaa xöba ra mumuu a Tanono, mum morobo mana top ine bara irabo deek baling. Ma lamun mum morobo mana pet bira xarnang a nangadi tobo ii ölik idi. Me mum morobo mana ebalaure re mum iat, xalik abo magingin saban irabo könönöin e mum ma morobo subu.

TAITUS 2:6

Ma i xarnang iat bölök mabo guama. Nöngön örobo öxaxat idi bara tabo balaure ödeek abo mamaa re idi xöbo lalaa xirip.

MATIU 23:8

“Inexalik bara i kobo deek ka rengrengen e mum bara a ‘Tene ausu’, möxösa, öng mon a Tene Ausu re mum, me mum kirip abo barön.

1 TIMOTI 5:17

Abo sisila ne lotu nang bara idi te rörön deek kölöme xö kinis ne lotu, tabo ii öraxin idi ma tabo isik xinuxun te idi. Ma i turunon saxit köbo sisila ewe niang tobo balan sik ka palas tinenge ma ausu.

A Ginigeet te Pol urungan köbo ROM 13:7

Mum morobo mana balu wuxus idi xirip eöt ma nang i töxödös sua wewet bira. Ewe idi te eöt bara tabo kun takis se idi, mum morobo mana isik abo takis se mum urungan tö idi. Me ewe idi nang i eöt tua buburin idi, mum morobo mana burin idi. Me ewe idi nang i eöt tua ii öraxin idi, morobo mana ii öraxin idi.

APOSOL 15:4

Ma nang idi toxo ot Jerusalem, a marakörö ne lotu mabo aposol arixe mabo duöng sisila ne lotu toxo öga idi. Me Pol me Banabas toxo tengen ömaras abo lasa nang e God ixo pet kö limine idu.

APOSOL 14:23

E Pol me Banabas toxo pere kos lo idi a dauleng ne sisila xöbo gunon ne lotu öngöng. Me idu toxo isik idi uruso xö limine Orong ewe niang idi toxoro nunu re ine. Idu toxo pet bira arixe ma sineseng ma ölölö.

WINAWARA 4:4

Ma nine sangaun ma nit ne mangana kinis ne pet warkurai toxo tuu elulurwe sik ina kinis ne king. Ma nine sangaun ma nit ne duöng tataxin toxo kisisik kö inabo kinis möxö pet warkurai. Ma abo man te idi a lak pidien. Ma abo bubuan ne sisila toxo pet ma gol toxo kisisik iat köbo öxödi.

3 JON 1:1

E a sisila möxö lotu, e geet ina tinenge urungan tö nöngön e Gaius, a ais deek ke e. E isik a abalamu re e urungan tö nöngön eöt mabo turunon te God ixoro tengen ömaras sö ire.

2 JON 1:1

E a sisila möxö lotu, e geet ina tinenge na urungan kö lotu re mum nang e God ixoro pere kos xarnang önga une deek ma urungan te mum abo nangadi möxö lotu xarnang a bung baroxorok. Me e bo marse e mum, eöt mabo turunon te God ixoro osen te ire. Ma kawaim bere e xalik mon. Kaim. Idi xirip bölök ewe idi te ösöxö abo turunon te God, idi te marse e mum,

JEMS 5:14

Ma niang bara önga tödi i meset, ine irabo mana kuwe abo sisila ne lotu rua sineseng kö ine. Ma tabo urup ine ma wel kö lölös möxö esene Orong.

JEMS 3:17

Inexalik, a nanase meriso lömö, a sila ne laa möxönan bara a lak madakdak. Ma a tödi nang ine ma ina nanase ibo mumuu a tatalien ne malum ma ibo xisixis ödödö. Ibo tagur tua mumuu a dödöxömen kö öng kabise. Ma i wöwö ma abalamu ma ibo oo abo tinörön deek. I kobo muu a tatalien möxö tinuu arixe ma dauleng ma rua ögarin a dauleng kabise, ma i kobo eönunu.

APOSOL 20:17

Io, Pol ixo erile mee Miletus urungan lamun abo duöng sisila möxö lotu Epeses.

APOSOL 15:6

Abo aposol mabo duöng sisila ne lotu toxo ot arixe ra werwere muu ina ineose.

1 TIMOTI 5:2

ma abo une raxin xarnang abo nago re nöngön, mabo balixilik maxat xarnang abo saxam. Ma örobo mana pet bira arixe ma tatalien ne madakdak saxit.