1 TIMOTI 1:16 - A Xuxubus Maxat

¹⁶ Ma niang ina unine iat bara ine ixo marase e. Me ine ixo marase e bere Krais Jisas irabo eöt ta osen bara a balawapat te ine ura rö e i karabo kawam. Me e, e saban te idi xirip, io niang, e xo wanot xarnang a perewuo lamun idi niang tabo nunu re ine rua i xikip lo a to ulorexe saxit.

1 TIMOTI 1:16 Referans Kwoze

1 TIMOTI 1:13

A turunon bara mesila e xo tengen ögarin ine me e xo ögarin köbanin a nangadi re ine, nexalik e God ixo marase e, möxösa, e kaim kö maras lamun a lasa e xo wewet me e kaim bang kö nunu re Jisas.

EPESES 2:7

Me ine ixo pet ina na lamun bara xöbo bung melamu saxit God irabo osen bara ina abalamu niang ixo tabaa tataun ire min i taxin köba. Ma ina abalamu, ine niang i wanot maras kölöme köbo lalaa deek niang ixo pet tö ire xö kinis se ire kölöme re Krais.

A Tinenge Deek ke Luk 7:47

Io niang, e tengen te nöngön, inabo magingin saban te ine, iri kawam, möxösa, i mamaa xöba lamun e. Inexalik ewe nang ma ulik ne magingin saban me God i döxömen taun ina tödi, irabo mamaa ulik mon lamun ine.”

2 PITA 3:15

Mum morobo perexulen a balawapat kö Orong xarnang bara i sawang a ngas sua isik a ineöro. A ais deek ke mem, e Pol, ixo tengen bölök bira nang ixo gegeet urungan te mum eöt ma nanase nang e God ixo tabaa ine min.

2 PITA 3:9

A dauleng idi te döxömen bara a Orong ibo alilis sua öturunon abo xuxubus se ine, inexalik bara kawaim. Ibo balawapat sik ulamun e mum, möxösa, i kobo maa bara re öng irabo iuo. I mamaa bara a nangadi xirip idi tabo dödöm puxus.

1 PITA 3:20

Ma inabo tano niang, idi tokoxobo tame e God nang e God ixo kis xiset idi ma balawapat kinabo bung niang nang e Noa ixo pet a mön taxin tine. A ulik ne nangadi mon toxo kis kina mon. A pitnö ma narun idi, me God ixo öro idi xö ari.

A Tinenge Deek ke JON 20:31

Inexalik bara ina na e xoro geet bere mum morobo mana nunu im bere Jisas ine a Mesaia, a Barok kö God, ma bere mum morobo kip a to runon kölöme xö esene ine nang bere mum mo nunu re ine.

A Tinenge Deek ke JON 3:36

Ewenene niang i nunu xö Barok ke ine, ine iri kip a to ulorexe. Ma lamun niang bara ewenene i mölök kalik a Barok ke ine i karabo pere ina to, nexalik a laie re God i kisisik lömö re ine.”

A Ginigeet te Pol urungan köbo ROM 6:23

Ruasa, möxösa, a xinuxun möxö magingin saban, ine a minet. Ma lamun a arabaa xö God nang i tabaa tataunin ire min, ine a to ulorexe saxit nang i kis kölöme re Krais Jisas, a Orong ke ire.

APOSOL 13:39

Me idi xirip niang toxo nunu re Jisas, God irabo tengen te idi bara idi te töxödös ma bara tere langlanga xalik abo magingin saban niang abo warkurai te Moses i kebeöt ta ölanglanga idi xalik.

A Tinenge Deek ke JON 6:54

Lamun ewenene niang i en a aike ma i inim a dee re e, a to ulorexe saxit i kis se ine, ma arabo öraru öbaling ine xö axana bung möxö xakawöm,

A Tinenge Deek ke JON 6:40

möxösa, a Tamake ibo maa bara idi xirip ewe niang te perexulen a Barok ke ine ma te nunu bölök ke ine, idi tabo kip a to ulorexe. Me e rabo öraru öbaling idi xö axana bung möxö xakawöm.”

IBRU 7:25

Io niang, Jisas i eöt tua öro idi ulorexe nang te ot pösöt e God kölöme xö tinörön te ine, möxösa, ine i to ulorexe rua sineseng kua gene idi.

2 TESALONIKA 1:10

xö axana bung bara a Orong irabo wanot tua xikip a ese raxin ma aölelet kaluluon köbo tene nunu, idi a nangadi töxödös se ine. Me mum bölök, mum morobo arixe me idi, möxösa, mum moxo nunu xö tinenge re God, nang meet moxo töngösen e mum ulamunon ine bara turunon.

EPESES 1:12

Ma ixo pet bira rue ire ewe ire tere xixiset ma nunu xöbo lalaa kölöme re Krais, ire tabo örarik a nangadi rua ölelet e God ulamun a mariris se ine.

EPESES 1:6

bara ire tabo ölet ewe nang ixo isik tataunin a abalamu nang a lak mariris urungan te ire xö kinis se ire kölöme xö Barok nang e God ibo mamaa xöba ulamun ine.

2 KORIN 4:1

Ma xö inemarse re God, iri isik ina tinörön na urungan te mem pua wewet. Io nang, mem karabo lön tua wewet ina tinörön. Kaim.

A Ginigeet te Pol urungan köbo ROM 15:4

Ma i eöt bara arabo tengen bira, möxösa, abo ginigeet kirip nang idi toxo geet mesila idi toxo geet tua usu ire, rua nang ire tabo tuu lölös kö ene abo tiip me ire tabo kip a aöxaxat meringan köbo tinenge re God niang toxo geet, io niang, ire tabo xixiset ma nunu ulamun abo warwadöan nang irabo wanot tö ire.

A Tinenge Deek ke JON 6:37

Me idi xirip niang e Tata i tile idi ura re e, idi tabo wan ura re e. Me ewe a öng niang i ot pösöt e, e kebeöt ta tile rewe ine,

A Tinenge Deek ke JON 5:24

“Turunon saxit, ewe niang i ölangen abo tinenge re e ma i nunu re ine niang ixo tile e ura, io, ine iri kip a to ulorexe, ma i kebeöt ta tinuu xö warkurai. Ma lamun iri saxit a minet urungan kö to.

A Tinenge Deek ke Luk 23:43

Me Jisas ixo balu ine, “Turunon saxit, nixinen nöngön örobo kis arixe me e ruso xö xönö i deek saxit.”

A Tinenge Deek ke Luk 15:10

E tengen te mum, irabo bie bölök kuso lömö. A axanan taxin kaluluonin abo angelo re God lamun önga tene saban nang i dödöm puxus.”

1 KORIN 7:25

Ma na e maa rua tinenge lamun abo une lala nang tekala elolo bang. E kobo uruoxe re önga warkurai meriso xö Orong lamun a na. Ma lamun e rabo isik a dinödöm pe e. Me Orong ixo marse e bara e a mangana tödi nang mum morobo eöt ta bulus a nunu re mum könan.