1 TIMOTI 1:1 - A Xuxubus Maxat

¹ E, e Pol, önga aposol te Krais Jisas, i eöt kö auguran te God a Tene Aöro re ire me Krais Jisas, ine a unine möxö inabo lalaa na ire te xixiset ma nunu ulamun.

1 TIMOTI 1:1 Referans Kwoze

TAITUS 1:3

Lamun kö ina axana bung eöt ma mamaa re ine, God ixo osen a tinenge re ine. Ma ixo isik a tinörön urungan te e möxö palas tinenge ma ina tinenge. God a Tene Aöro re ire, ewe nang ixo tenge lölös sö e bara e rabo palas tinenge bie.

KOLOSI 1:27

God ixo mamaa rua ömaras idi ulamun ina laa nang ixo mun sik ma nang irabo wadöane ödeek ewe idi nang kaim bara idi abo Judeia bölök. Ma ina laa nang ixo mun sik, i bira, bere Krais i kisisik ke mum, ma möxö ina na i turunon saxit bere mum morobo laxa xö mariris taxin te God.

APOSOL 9:15

Lamun a Orong ixo tengen te Ananias, “Örö wan, möxösa, e xoro pere kos ine xarnang a tene tinörön nang irabo wöwörö ma eseke urungan kö nangadi nang kaim bara abo Judeia, ma urungan köbo sisila raxin ma xö nangadi mee Judeia.

A Ginigeet te JUT 1:25

Io, e ölet ine, ine nang a önga God kalik mon, nang a Tene Aöro re ire. A mariris ma a kinis taxin ma a lölös ma a kinis möxö warkurai mere ine. E ölet ine kölöme xö tinörön te Jisas Krais, a Orong ke ire, möxösa, God ixo kisisik biringan mero xöbo laa xirip ma i kisisik biringan nixinen ma irabo kisisik biringan bölök ulorexe. Amen.

1 PITA 1:3

Ire tabo mana ölet e God, ine a God ma a Tata xö Orong ke ire, Jisas Krais. Meringan kölöme xö abalamu raxin te ine, ine ixo isik a to maxat te ire bere ire tabo xixiset ma nunu lamun abo lalaa deek nang ine irabo tabaa ire min ma kaim pe xakawam möxönan. Ma i eöt tua wewet bira, möxösa, Jisas Krais ixo taru baling kalik a minet.

1 TIMOTI 1:12

E tengen deek urungan te Krais Jisas, a Orong ke ire, ewe niang ixo isik a lölös ura re e rua tinörön arixe min. E tengen deek urungan te ine, möxösa, ine ixo perexulen e bara e a tödi ewe irabo pet eöt a mamaa re ine. Io, ine ixo isik ina tinörön ne euguran tö e.

GALESIA 1:1

E, e Pol, a önga aposol. Ma a nangadi mon idi kaim kö tibe e ma kaim pe öng ka tile e xarnang a aposol, lamun e re kip a kinis ne aposol meringan kalik e Jisas Krais me God a Tamana ire ewe nang ixo öraru ine xalik a minet.

2 KORIN 1:1

E, e Pol, önga aposol te Krais Jisas eöt ma a mamaa re God, me Timoti a tönö re ire kölöme re Krais, maa me tile ina tinenge na urungan te mum abo nangadi ne lotu re God tingan Korin me mum kirip abo nangadi re God kö boxönö xirip pingan Akaia.

2 PITA 1:1

E, e Saimon Pita, önga aposol ma önga tene tinam kö tinörön te Jisas Krais nang i isik ke e. Me e geet ina tinenge na urungan te mum ewe mum moxo kip lo a nunu nang a marana i kaa xarnang a nunu re mem, möxösa, a Tene Aöro re ire, e Jisas Krais, a God te ire, i töxödös sua wewet bira.

1 TIMOTI 2:7

Ina na a unine bere God ixo pere kos lo e bara e rabo önga aposol me e rabo xarnang önga tene palas tinenge re idi nang kaim bara abo Judeia. Me e xo wan ta usu idi bara idi tabo nunu xö turunon nang e God ixoro osen. E tengen a turunon. E kobo etöxö.

2 TESALONIKA 2:16

Meet me seseng urungan te God, a Tamana ire, ma a Orong ke ire, e Jisas Krais, ewe ixo mamaa ulamun ire. Ma meringan kölöme xö abalamu re ine, ixo isik a aöxaxat urungan te ire niang i karabo kawöm. Me ire te xixiset bölök ma nunu xöbo lalaa deek, möxösa, ine ixo isik ina abalamu.

1 KORIN 1:1

E, e Pol, ewe nang God ixo kuwe lo eöt ma mamaa re ine bere e rabo önga aposol te Krais Jisas. Me maa me Sostenis, a tönö ire,

1 JON 4:14

Me ire toxoro pere me ire toxoro öturunon köbo atöngösen te ire, bara a Mama ixo tile a Barok ke ine bara irabo a Tene Aöro möxö öxöno lagunon.

1 PITA 1:21

Me mum mo nunu re God, möxösa, mum mo wan pösöt ine kölöme re Krais. Me God, ine iat ewe ixo öraru e Krais kalik a minet ma ixo isik a mariris se ine. Io nang, abo nunu re mum i kis se God, mabo lalaa deek mum mo xixiset lamun ma nunu i wanot meriso re God.

TAITUS 3:6

Me God ixo linge wönö ire ma Töxödös ne Tanono meringan kölöme xö tinörön te Jisas Krais, a Tene Aöro re ire.

TAITUS 3:4

Inexalik, nang ixo ot maras bara e God, a Tene Aöro re ire, ixo mamaa rua wewet te dedeek kö ire ma ixo mamaa xöba lamun ire,

TAITUS 2:13

nang ire te kis xiset a inot maras se Jisas Krais, ine a God taxin te ire ma a Tene Aöro re ire. Ma a inot te ine irabo ot arixe ma mariris taxin ma irabo deek saxit. Ine ewe nang ire te kis xiset ma nunu.

TAITUS 2:10

Ma ganim idi ra wulwulo re önga laa. Inexalik, idi tabo mana osen bere idi abo mangana tödi nang a nangadi tabo eöt tua nunu re idi rua wewet a tatalien deek. Idi tabo mana pet bira, bara a nangadi xabise tabo pere abo tatalien kirip pe idi ma tabo perexulen bara a ausu ulamun e God a Tene Aöro re ire a lak deek.

1 TIMOTI 4:10

Io, ire te lölölös köba ulamun ine nang, möxösa, ire te kis balawapat kö God nang i to. Ine a Tene Aöro xö nangadi xirip, ma lamun turunon saxit bara irabo öro abo tene nunu.

1 TIMOTI 2:3

Io, nang bara ire te seseng xarna na, irabo deek ma irabo pet öaxanan e God, a Tene Aöro re ire.

GALESIA 1:11

Abo töke kölöme re Krais, e mamaa bara mum morobo maras bara tinenge deek nang e xo palas se mum min kaim bara ixo wanot meringan kö önga tödi.

1 KORIN 9:17

Nang bara e xebe palas tinenge, möxösa, e iat e maa bere e rabo pet bira, io, i xebe töxödös bara e rabo kip pebo xinuxun. Inexalik bara kaim. E bo palas tinenge, möxösa, God ixo ösidien e bara e rabo pet bira.

A Ginigeet te Pol urungan köbo ROM 1:1

E, e Pol, önga tene tinam möxö tinörön te Krais Jisas. Me God ixoro kuwe lo e bere e rabo önga aposol, ma ixo bulus kabisin e rua tinenge ma a atöngösen deek ke ine.

A Tinenge Deek ke Luk 1:47

Ma a tanoke i axanan te God a Tene Aöro re e,

A Tinenge Deek ke Luk 2:11

Ma nixinen te kip ot a Tene Aöro ruso xö lagunon te Dewit, me ine a Mesaia, a Orong.