Yuuda 1:25 - Bibliyeeda Ghaydit

²⁵ heeda ASEETA bwaageaw, lealnoocheandeanya aba naweeda Yesu Gristoyda was Ng'utamiideanya, daba giigheambiita niny, ea hawunda, ea sugoocheanduumeeda, ea gheambalmeeda, dea ghayi ng'eada garayi, ea ghoah ghamneawa, ea ghoah damanda manda muudeanooda. Amin.

NEAJEEDA EESH BEA BUUNEESSEAN

²⁵ heeda Aseetta bwageaw, lealnoochcheandeanya aba naweeda Yeesu Gristoyda was Ng'uttamiideanya, daba gigheambiitta niny, ea hawunda, ea sugoochcheandumeeda, ea gheambalmeeda, dea ghayi ng'eada garayi, ea ghoaw ghamneawa, ea ghoaw damanda manda muudeanooda. Amin.

Yuuda 1:25 Referans Kwoze

1 Dimotteo 1:17

Mureeda ea gheambiida daba sugoocheanda eaweega manda muudeanooda was dea maygamutmudan, ak ea miidaach, niny ASEETA bwaageawi, ea ghoah eaweega manda muudeanooda. Amin.

Yohaana 5:44

Abeeda gajamwastaan, siida nyasa giigheambiita hichpa siinuut ak ea magassa giigheambiita leabu heeda ASEETA?

Ruumi 11:36

Aba gideaba headaanyi ea naweedeaba niny ea niny gwaleabu haleanjeeda sean. Giigheambiita gammiisa niny ea ghoah damanda manda muudeanooda. Amin.

ISAYA 12:2

“Ng'ula, ASEETA lealnoocheandeanyu, gaydaghus niny ak ea maydabeal aba gideaba NG'UTAMIIDA was ASEETA uurdeanyu gil ea sarmeedeanyu ak ea niiw lealnoocheandeanyu.”

Ebraniya 13:8

Yesu Gristo gawuurji gideaba heeta ea ghamneawa ea gagul damanda manda muudeanooda.

NYIIGHEEGA 147:5

NG'UTAMIIDEANYA aahaw, ak gwandeawa uurda haw; ak fughareadaanyi ea mwoamu eeteen.

Giidaheechta 1:6

ak gagoaneasa sugoocheanduumeeda, ak geahuuyi ashoohoodiga aba heeda ASEATAANYI ea Ghweanda, giigheambiita daanyi ea sugoocheanduumeeda ea ghoah damanda manda muudeanooda. Amin.

Ditto 2:13

nea geamuughu ghusooda mideawa ghawooda ea giidaheachta giigheambiita ASEETA haw ea lealnoocheandeanya was Yesu Gristo,

Ruumi 16:27

heeda ASEETA mideawa weaghuumeeda gagasa nyasa giigheambiita damanda manda muudeanooda aba naweeda Yesu Gristo! Amin.

Mattayo 6:13

Adiigealeasa jeeda simsimda, ak giighuuhaneasa gidida muyiin.

DANIELI 4:37

Asi ghamneawa aniini Nebukadinesa, ghaaghaambiichi nea geasisi mureeda nea geagwarsi sugoocheanda mida humng'eeda; aba gideaba gadiyoojigaaschi sean aamiyaas nea naweadingaaschi ghwadoabiiw; nea fuga ghwarjeeda gayghwahiing'u.

1 DAMANYOOJIGA 29:11

Ea NG'UTAMIIDA, hawunda daang'u, ea giimuusta, ea giigheambiita, ea jooriischooda, ea gheambalmeeda; aba gideaba haleanjeessean mida humng'eeda ea ng'eanyiida gaagu gil; gheambalmeeda daang'u, Ea NG'UTAMIIDA, ak ea siikghaambiinyi, ang'iing'i guwoosi haweewa haleanjeeda sean.

Efeeso 3:21

daba niny giigheambiita aba jeeda ganiisa aba jeeda Gristo Yesu ea ghoah jeacheenga sean ea ghoah damanda manda muudeanooda. Amin.

Yohaana 4:22

Agooga iissa ghoaghadoawanyi gida moanali, duuku aseasa geanali gida sighadoawanyi, aba gideaba lealeanooda gwaleabu heeda fuga Yahudi.

ISAYA 45:21

Arukuni iidi nea ghoatahaachi, ak goorugu iiteang'wa; nea gooyeasi iheenga hijagi! Siida ghayi bean gwarugu ng'asheesu bunuun ng'eaha? Ghayi ng'asheesu gwarugu ng'eaha? Neada ea mii aniini, NG'UTAMIIDA? Ak ea manda aseeta nuut geakghusan, aniini geawooschi ASEETA doabiiwaat ea lealnoocheanda, manda nuut geakghusan.

2 Betro 3:18

Ahisiina heeda aba dagheerjeanduumeeda, ea nalooda Ng'utamiideanya ea lealnoocheanda was Yesu Gristo. Headaanyi gwanda gharbeeda ghamneawa ea ghoah eaweega manda muudeanooda. Amin.

2 Betro 1:1

Simon Betaro gil, soomjeanda ea giijasoocheanda Yesu Gristo, heeda fugiga ninyas masaweega uurjeewaneasean, aba doobiiwnata ASEETEANYA, ea lealnoocheanda was Yesu Gristo.

1 Betro 4:11

siida wassean balool, gawuurji dea ruku ng'asheega ASEETA; nea dea wassean sin gadiyeeda, dawuurji dea sin gadiyeeda aba uurda adaw ASEETA; ak abeeda aba haleanjeeda sean geakghaambiit ASEETA aba naweeda Yesu Gristo. Giigheambiita gammiisa niny ea gheambalmeeda ea ghoah damanda manda muudeanooda. Amin.

Ditto 3:4

Ak miyinda ea bariinyeega ASEETA was lealnoocheandeanya geataajiit,

Ditto 2:10

ak ea adagwajagwadiisachi, gahaguuw gideaba gayghoahiimu doobiiwnata huumwa, ak abeeda aba haleanjeeda sean ghwanyas giinealshooda ASEETA was lealnoocheandeanya.

1 Dimotteo 2:3

Ng'asheanji aamiy, ak ea mwasaat aba madeeda ASEETA was lealnoocheandeanya,

Efeeso 3:10

ak aba naweeda ganiisa abeeda weaghuumeeda ASEETA mwoamu eeteen abeeda ghwanal sugoodiga ea gheambalmeeda aba jeeda darooraka humng'eeda.

Efeeso 1:8

Ak gagooneasa ea ghwanaawda.

NYIIGHEEGA 104:24

Ea NG'UTAMIIDA aba giteena seang'ayda gadiyoojigaagu! Ak gisini sean aba weaghuumeadaang'u; ng'eanyiida ghwanyiit haleanjeadaang'u iisini.

NYIIGHEEGA 78:20

Ng'ula, ghwalas lagheaneeda ak gwarina beega ak gagulda ghealooniga. Niny ghoamu gagu daghwarda, ghana ghoadaw fugaaschi banyeega?”

Ruumi 11:33

Asi giteena meanang'oocheanduumeeda ea weaghuumeeda ea fughareeda ASEETA! Nea mwoamu eesikteawa girgweageadaanyi, nea naweadingaaschi ghanyea meegaseadayi!

Lukka 1:47

Nea guroroodeanyu gahoosasa ASEETA was lealnoocheandeanyu