Yuuda 1:1 - Bibliyeeda Ghaydit

¹ Yuda, soomjeanda Yesu Gristo was orjeeda geenyea Yakobo. Heeda fuga siguursa, aabwariinyi aba jeeda ASEETA was Bwaabwa ak geetiiwsa Yesu Gristo:

NEAJEEDA EESH BEA BUUNEESSEAN

¹ Yuuda, soomjeanda Yeesu Gristo was oorjeeda geennyea Yakkobo, Heeda fuga suguursa, abwariinyi aba jeeda Aseetta was Bwaabwa ak geettiiwsa Yeesu Gristo:

Yuuda 1:1 Referans Kwoze

1 Betro 1:5

ak aba uurda ASEETA geefureegwa aba naweeda masaweega aba lealeanooda hidaat jea eataajiit damanda huuydean.

1 Desaloniikke 5:23

Gagasa ghoamiidu ASEETA mideawa hoyyoo sasanuukeagwa sean, nea gaba geaw; ak gagasa gamiyeasiidi gurooruunatkeagwa ea jeesingeagwa ak geemajeek nea meerukunana badayda ng'asheega munyas aba damanda hinnooda Ng'utamiideanya was Yesu Gristo.

2 Dimoteo 1:9

dea ghayi lealneasa ak gaguurneasa aba guurnooda ghaydit nea nih ea mabaysiina aba gisisinyi aseasa ak nih gabaysa niny ea dagheerjeanduumeadaanyi. Dagheerjeanduumeani geegooneasa aba naweeda Gristo Yesu nea miyeebwat ng'eanyiida.

Yohaana 14:22

Hean gwayeesha Yudayda (mawoosa dea Iskariyote,) “Ng'utamiida, gayghoawataan gideaba gajahiimneasa geaw nea miihiimsiini geaw ng'eanyiida?”

1 Betro 2:9

Nea agooga goowooschi eemeeda siloat, ashoohoocheanduumeeda ambaliischi, eemeeda ghaydidi, was fuga ASEETA, ak abeeda goorukwiidi sinaweagaaschi deamdeameadi was dea guurneegwa arinana jeeda misaneeda ak gooweayi jeeda weeshindaanyi haw.

Ruumi 1:1

Bawlo, soomjeanda Yesu Gristo, siguursa ghoah giijasoocheanda, sisach aba gadiyeeda giijasta miy bea ASEETA

Yohaana 17:15

Aniini maamwaashi gideaba geandeawana jeeda ng'eanyiida, geagasayi gideaba gayfura aba gidida muyiin.

2 Betro 1:1

Simon Betaro gil, soomjeanda ea giijasoocheanda Yesu Gristo, heeda fugiga ninyas masaweega uurjeewaneasean, aba doobiiwnata ASEETEANYA, ea lealnoocheanda was Yesu Gristo.

1 Betro 5:10

Iidu nea ghang'ata sawanadeedida gilimwanang', hean ASEETA mideawa dagheerjeanduumeeda sean, ghayi guurneegwa apkaani jeeda giigheambiitaanyi manda muudeanooda aba jeeda Gristo, gaygoodeelu niny, ak goomajeegiideegwa.

Ebraniya 3:1

Asi fuga eaduupcheewi ghaydidi, siguuyeesi guurnooda humng'eeda, asikteawana Yesu, was giijasoocheanda ea ashoohoocheanda haw masaweagaasa.

Ruumi 8:30

Amadu fugiga ghayi bay ghwaloat amwadiin, iidu earaga siguursa, amadu fugiga guursean hean ghoadaw nea fugiga adaw doobiiwnatean ghoadaw giigheambiita.

Ruumi 6:22

Ak ghamneawa iisinung' oopala geat ak goosheagiidi riing'eeda ak geanung' ahuwa giing'oonyanga ASEETA, abeeda gichea anyasa giimiinnooda gil, ama aba huuydeanda gajanyasa eaweega manda muudeanooda.

1 Betro 1:2

ghayi siloat ak goojeakta ASEETA was Bwaabwa ak ghoamiidu Guroorooda aba mureeda aba badayda Yesu Gristo nea geapuuna foojeandaanyi: Gagasa eelakuuneegwa dagheerjeanduumeeda ea hoyyoo.

Yakkobo 1:1

Yakobo, was soomjeanda ASEETA ea dea Ng'utamiida was Yesu Gristo. Heeda eemoojiga atamaniyeenya dardaawaat: Seayu.

2 Dimoteo 4:18

Ak gaygwalealneani Ng'utamiida aba ng'asheanda wassean muy, ak gayghaghamwadan ea dahita gheambalmeadaanyi bea humng'eeda. Giigheambiita daanyi gil ea ghoah eaweega manda muudeanooda. Amin.

1 Desaloniikke 2:12

ak ghoabeadi gidahaguuwdaneegwa aba madeeda ASEETA, ghayi guurneegwa agooga ak abeeda gooweayi jeeda sugoocheanduumeadaanyi ea giigheambiitaanyi.

Efeeso 5:26

ak abeeda gabaysiina giimiinoadaanyi nea goohuun aba beega ea ng'asheanda.

1 Goriinto 6:11

Nea aba jeedeang'wa ghayi goowooschi fuga sina ng'asheesu. Iidu ea siihuuneegwa, ak ea siimiineegwa, ak geegooneegwa doobiiwnata aba gheawunga Ng'utamiida was Yesu Gristo, ea aba Guroorooda ASEETEANYA.

1 Goriinto 1:2

Heeda ganiiseeda ASEETA mida Gorinto was fuga ghayi siimiidu aba jeeda Gristo Yesu, ghayi siguursa ghoah fuga ghaydidi, sea fuga sean guuriisa gheawunga Ng'utamiideanya was Yesu Gristo aba heeda wassean. Niny Ng'utamiida nyaawa gil, ea deanya.

Ruumi 16:18

Aba gideaba fuga sina ng'asheesu magadiyeesiina Ng'utamiideanya was Gristo, saawa gagadiiyeesa jeesinga nyaawa, nea gaba geat aba ng'asheega nyaawa bea ng'uyeega iissa gwareengani gurooruunatka fuga manang'i fughareani.

Ruumi 9:24

meakghusa fuga Yahudi ak ghwahit, gaguursa eara fuga Eemoojiga.

Gadiyeeda Giijasoodiga 27:23

Aba gideaba ghoosa eawa gwahisseani malaykajeanda ASEETA eabeayi nea geabaday, ghwahidu ak gwayi,

Lukka 6:16

ea Yuda orjeeda Yakobo, ea Yudayda Iskariyoti, was siida amadu ghwala bwadaw.

Gadiyeeda Giijasoodiga 20:32

Ak ghamneawa ghaadawjeegwa ASEETA ea ng'asheanda dagheerjeanduumeeda, jea ghoamu gwadeekneegwa nea gagooneegwa hearaniischooda aba jeeda fuga sean ghayi siimiidu.

Gadiyeeda Giijasoodiga 1:13

iidu nea geehita, gaweay jeemba ghooriini sideeksa uhuumba nuut, ak goobiitpiit geaba Betaro, Yohana, Yakobo, Andreya, Filipo, ea Domaso, Bartolomayo, ea Matayo, Yakobo orjeeda Alfayo, Simoneeda Selote, ea Yuda orjeeda Yakobo.

Yohaana 17:19

Amadu ea naamiidu geaw aniini aba badahuuka nyaawa, ak abeeda eara saawa geamiidu aba huumeanda.

Yohaana 17:17

Amiini saawa aba huumeanda aba gideaba ng'asheandaang'u huumwa gil.

Yohaana 15:16

Aniini moaloadaan agooga, ghaaloacheagwa aniini ak ghaanung' aweayeena ak goojiili haghweega jea ghwashng'u; ak abeeda gagooneegwa Bwaabwa gida wassean iyoomuschi aba gheawungeasu.

Yohaana 12:26

Siida jea gwasinnean gadiyeeda geaghus gweadu geeshteanyu; ak abeeda heeda eandi aniini eara soomjeandeanyu gaygwanda eara niny; siida jea gwasinnean gadiyeeda abeeda gaygwasissa Bwaabwa mureeda.

Yohaana 6:39

nea gidagasa dea ajeaknean ea nih gil, gideaba ea meahutani earagi aba jeeda geagoonan, geaghus deaduudu eaweeda huuydean.

Marko 3:18

Ea Andreya ea Filipo, ea Bartolomayo, Matayo ea Domaso, Yakoboyda Alfayo ea Dadeo, ea Simoneeda leabu Ganaani,

Mattayo 10:3

Filipo ea Bartolomayo, Domaso ea Matayooyda ghayi ang'oonyi gwaadi, ea Yakobo orjeeda Alfayo, ea Dadayo.

Mattayo 13:55

Neada siisi ea mii baleandeaba siidida sina beehajeegeani? Neada ghaamwat ea meeguureewana Mariya? Nea orjooga ghaamwat ea mii Yakobo gil ea Yosefu ea Simon ea Yudahi?

Marko 6:3

Neada nih ea mii siidida sina beehajeega was orjeeda Mariya bea geenyea Yakobo bea geaba Yose bea Yuda ea Simon? Neada eara haweega ghaamwat ea manda ng'eang'i?” Geamwachmwach ng'asheagaaschi.

Ruumi 1:6

nea ghabwada agoogeeni siguureewaneegwa fuga jea gaba Yesu Gristohiin;

Yuuda 1:3

Fuga aabwariinyi, geagasayi muuchi dang'oorneegwa iita lealeanoodeanya bea gealaan, ak ghaadaayi ghwahit gideaba geang'oorneegwa nea geamuscheegwa ak geeng'alealeesi masaweega ghayi sigu nibwagi ak ea majeebiikta siitaw fuga ghaydidi.

Yuuda 1:21

afura geat aba jeeda bariinyeega ASEETA; nea ghoamuughu baydeayda Ng'utamiideanya was Yesu Gristo, ea ghwahita eaweega manda muudeanooda.