YOSHUWA 1:5 - Bibliyeeda Ghaydit

⁵ Manda siida jea gawa ghamiinaada aba madeadaang'u aba jeeda eawoojigaagu sean bea giibindaang'u; gawuurji gidaghayi eandeayeati Musa, asi ea gichea eendeayeeta sea ang'iing'i gil; maydaashoanyaneey nea maydanung'useey heeda.

YOSHUWA 1:5 Referans Kwoze

Ruumi 8:31

Asi gajeeyeenaan aba badaydeaba ng'asheesu? ASEETA iimida meatkweedeanya, abeeda gwanda ng'eaha uhuudeanya?

Mattayo 28:20

Oanaala ghoang'waay ng'asheega sean eagoonyeegwa. Ang'ula aniini geendeayi sea agooga galeega sean ea gagul muudeanooda ng'eanyiida.”

YOSHUWA 1:9

Neada ea mii aniini? Dea rukuneey gideaba daruusiida nea gibeahi meaynata miy; adibeali nea adihirbabani aba gideaba NG'UTAMIIDA was ASEATAANG'U gaymideawana heechea una sean.”

GIIPKEATA DIIGHEANDA 20:4

aba gideaba NG'UTAMIIDA was ASEATAANG'U gaygoodeayeeweey, gang'uchi aba badaydaang'u aba heeda weajoodigaagu, ak gaygagoonyi jooriischooda.’

2 Dimoteo 4:17

Ak ea nimiinaadawa Ng'utamiida meatkweedeanyu ak gagoonan uurda aba gideaba gagasa niny darukwiida giijasta miy, ea ghwayiiy eemoojiga sean, ak ghaalaalaani ghuuta ng'adiida.

NYIIGHEEGA 46:11

NG'UTAMIIDA bea lugweega gwanda heedeanya; ASEETA Yakobo dea simng'awiisi.

Ebraniya 13:5

Ak giheeleewi eaweagaagu bariinyeega lapiya, ak gagasa ghoahiinyi gida indeawi aba gideaba gwayi, “Aniini manda gichea daraay ghana danung'useey heeda.”

YOSHUWA 3:7

Ak gwayeesha NG'UTAMIIDA Yoshuwa, “Eanean gaydeambiinyi aba madeeda fuga sean bea Israeli, ak abeeda ghwanal gideaba gidaghayi eandeayeati Musa, gichea dandeayeataneegwa.

RITEAYDA 3:12

Ghwalamda ak gwayeesha, “Manda gajeendeayeena sea ang'iing'i ak nih gajea gwadeagooda gil aba headaang'u, gideaba geajeaktaneey: iiruudu buuneeda aba ng'eanyiida Misri, abeeda gajabata ASEETA aba uhuudeaba giijeeni.”

Ruumi 8:37

Manda, aba jeedeaba ng'asheesu seaniin iissa geang'ali fuga jooriischi, aba heeda siida ghayi bwariinyeasa.

YOSHUWA 1:17

Gawuurji gidaghayi siileeysiindi iit Musa aba haleanjeeda sean, asi gajeeleeyseey iit; gagasa mideawana NG'UTAMIIDA was ASEATAANG'U, gawuurji gidaghayi indeayeati Musa.

GIIPKEATA DIIGHEANDA 7:24

Ak gayghwayiin sugoodiga nyaawa geatindaang'u, ak gaynung' gwarooda gheawunga nyaawa aba hing'eadayda humng'eeda, ak ea manda siichea ghoamu ghamiinaada aba madeadaang'u ea eeyi bwak ea lasa uhuuda.

YOSHUWA 6:27

Abeeda NG'UTAMIIDA gwandeayi sea Yoshuwa; ak ghaghayda alooheadaanyi aba ng'eanyiita seaniin.

GIIPKEATA DIIGHEANDA 31:23

Ak gwarukusa NG'UTAMIIDA Yoshuwa was orjeeda Nuni nea gwayeesha, “Daruusiida, nea guwoosi mwaayi, aba gideaba gajaada diibiga Israeli jeeda ng'eanyiida ghayi eayeaksi habeawooda gideaba gaydaadaw saawa. Ak gaydagoonyi eara ang'iing'i.”

GIIPKEATA DIIGHEANDA 4:31

nea abeeda NG'UTAMIIDA was ASEATAANG'U ea ASEETA bayiida fih gil, nea maygwanung'seey heeda nea ea maygahuydaneey nea ea maygwaroosa neajeeda ghayi aguuday habeawooda sea ghweanigeagwa.

YOSHUWA 10:8

Gwayeesha NG'UTAMIIDA Yoshuwa, “Adiiwali saawa, aba gideaba naayiinyi saawa geatingaagu; ak ea manda siida aba jeenyaawa jea ghamiinaada aba madeadaang'u.”

FUGA LAJA GIRGWEAGUUTKA 2:18

NG'UTAMIIDA Iinyo gagatkat siida laja girgweaguutka aba badayda nyaawa, NG'UTAMIIDA inyeesa gwandeayi sea siida laja girgweaguutka, ak gwalealna geatinga weajoodiga nyaawa eawoojiga sean bea siida laja girgweaguutka; aba gideaba ghabwayda NG'UTAMIIDA aba sawanaduutka nyaawa leabu heeda fugiga sawan nea ghaghabwasiin.

FUGA LAJA GIRGWEAGUUTKA 6:16

Ng'ata gwayeesha NG'UTAMIIDA, “Aniini gaydandeaweey, ak gaybwarda Midiyani siyagi.”

1 SAMWELI 10:7

Asi ghamneawa idaahi ng'asheesu, gisini gida wassean nyas geatindaang'u, aba gideaba ASEETA gwanda headaang'u.

1 SUGOODIGA 1:37

Gawuurji NG'UTAMIIDA, gidaghayi mideayeata sea ng'utamiideanyu was sugoocheanda, gagasa gwandeayi sea Sulemani, ak gagasa ghaghaambiit hoorgeadaanyi ea ghang'al dea ng'utamiideanyu, was sugoocheanda siyi Dawdi.”

1 SUGOODIGA 6:13

Ak gaydeabiida bugusta diibiga Israeli, ak ea maygwaroosean fugeasu was Israeli.”

1 SUGOODIGA 8:57

NG'UTAMIIDA was ASEETEANYA gagasa goobiida heedeanya, gawuurji gidaghayi abiideata heeda ghweanigaasa; adiidu ghwanung'waneasa heeda ghana gwajaktaneasa;

1 SUGOODIGA 11:38

Inyas gajaleeysiina iit gida earukuneey sean, ak giweewi naweadingeasu, ak gisini doobiiwnata aba madeedeanyu aba ging'ooyda huumeanyeekeasu ea diigheanyeekeasu, gawuurji gidasin Dawdeeda was siideanyu bea gadiyeeda, abeeda gajeendeayeena, ak gaydadeekneey gheeda huumwa, gawuurji gideadeeksiindi Dawdi, ak gaydagoonyi Israeli.

1 DAMANYOOJIGA 28:20

Ng'ata ghwalamda Dawdi ak gwayeesha orjeedaanyi was Sulemani, “Majeegiida nea gimwaanyiidi, ak gisini. Adibeali, ak ea adipri; aba gideaba NG'UTAMIIDA was ASEETA, was ASEETEANYU, giideayi sea niny. Maygwanung'useey heeda ghana gwajaktaneey, ea ghwahit gadiyoojiga sean bea deesta gheeda NG'UTAMIIDA.

ISAYA 42:16

Gaydeadu fuga ng'oowi aba naweeda mwanala saawa, ak gaydaadoabiiw nea mwanala naweeda sik, ak gaydanung' ghoah misaneeda weeshinda aba madeanyaawa nea ng'eanyiida heeda mida burguutka gaydanung' ghoah miyng'eanyajeanda ghwadoabiiw Nih gichea dasin gil, nea saawa ea maydanung'wa heeda.

YEREMIYA 1:8

Asi adiidu gibeali, aba gideaba geendeayi nea gaydaweanyi, gwarugu NG'UTAMIIDA.”

DANIELI 11:16

Aba gideaba siida jea ghwahidu gang'uchi sea niny gaygwasinda gidagasiida, ak ea manda siida jea ghamiinaada aba madeadaanyi; ak gayghamiinaada aba ng'eanyiida ghaambiidaat, ak goobiida sean jeeda gheambalmeadaanyi.

GIING'EETA 39:2

Ak gwandeayi NG'UTAMIIDA sea Yosefu, ak ghwanung' gamnyeeni; ak goobiida gheeda siidaanyi haw bea ng'eanyiida Misri,

GIIPKEATA DIIGHEANDA 20:1

“Inyas ging'eadi ak guwi ng'ucheewana eemoojiga was weajoodigaagu, ak gidaahi faraasajeega ea mutukwajeega ea lugooda saang'a burdeawa gaagu, adiidu giiwali saawa, aba gideaba NG'UTAMIIDA was ASEATAANG'U gaygoosheedeaweey ninyeeda aruunaneey ng'eanyiida Misri.

YOSHUWA 21:44

Ak ghwanung' NG'UTAMIIDA ghwanyas miyeenooda aba meadajeega sean gawuurji gida ghayi aksiinda habeawooda ghweaniga nyaawa; ak ea manda eara weajoocheanjagi miinaada aba madeanyaawa, aba gideaba NG'UTAMIIDA ghwayiin weajoodiga nyaawa sean geatinga nyaawa.