Yohaana 1:3 - Bibliyeeda Ghaydit

³ haleanjeeda sean geesin aba niny, nea iimanda niny ghanyea maygwanda gil aba haleanjeeda sisin.

NEAJEEDA EESH BEA BUUNEESSEAN

³ haleanjeessean geesin aba niny, nea iimanda niny ghanyea maygwanda gil aba haleanjeeda sisin.

Yohaana 1:3 Referans Kwoze

1 Goriinto 8:6

iidu aba heedeanya aseasa ASEETA akaleala, was Ghweanda, was deaghayi leabu haleanjeeda sean, ak geepiideewi badaydaanyi ak gabiissa gwanda Ng'utamiinagi, was Yesu Gristo, ghayi rinna haleanjeeda sean badaydeaba niny, nea eara aseasa geepiideewi niny.

Giidaheechta 4:11

“Ng'utamiideanya was ASEETA gamiiseey ang'iing'i giigheambiita ea mureeda ea uurda, aba gideaba ghayi gisini haleanjeeda sean, nea aba gidigasiidi gisini ak goobiida.”

NYIIGHEEGA 33:6

Aba ng'asheanda NG'UTAMIIDA geesin humng'eeda, ea lugoadaanyi sean aba aroosta ghuutaanyi.

GIING'EETA 1:26

Ama ng'ata gwayi ASEETA, “Eaniyean eesina siida jea gawuurjeeweasa, jea eeratiidaneasa; ak abeeda goombal ghweayeega basooda, ea dariidaka humng'eeda, nea goombal dugwa, ak goombal muunda ng'eanyiida sean, ea badahuuka diyeanga sean badiina jeesinga badiina jeesinga aba badayda ng'eanyiida.”

Yohaana 1:10

Niny ghayi abeeda gwanda jeeda ng'eanyiida, nea ng'eanyiida geesin aba badaydaanyi ak ea mwanala ng'eanyiida.

ISAYA 45:18

Aba gideaba gwayi NG'UTAMIIDA, ghayi sin humng'eeda, (niny ASEETA gil!), ghayi bwat ng'eanyiida ak gwasin (nea goomajeek; masina aba gideaba gaygwarachi geaw, gwasin aba gideaba goobiida buuneeda jeeda!); “Aniini geawooschi NG'UTAMIIDA, ak ea manda nuut.

ISAYA 45:12

Aniini geasinyi ng'eanyiida, ak geasinyi siida abiita jeeda; ak geasini humng'eeda geatingeasu, ak lugooda sean bea miinga gwanda aba diigheandeanyu.

NYIIGHEEGA 102:25

Ghayi garayi gisini sindeeta ng'eanyiida, nea humng'eeda ea gadiyeeda geatingaagu.

Efeeso 3:9

ak ghwanung' ghwadaah buuneeda sean badiida makcheameeda ghayi sifuy aba gweanyeeka aba heeda ASEETA sin haleanjeeda sean;

GIING'EETA 1:1

Ghayi aba giing'eeta ASEETA ghabwat humng'eeda ea ng'eanyiida.

GHWASIILDEANGA 8:30

Abeeda geendeayi nea gawuurji gearnoocheanda gadiyeeda, nea geahoosanyi niny galeagasean nea geahoosanyi galeagasean aba madeadaanyi.

Yohaana 1:2

Aba garayi niny gwandeayi sea ASEETA;

Ebraniya 11:3

Aba masaweega geanali gideaba ng'eanyiida geesin aba ng'asheanda ASEETA, ak eara haleanjeeda sidaah ea meesinana haleanjeeda meadaaha.

1 Yohaana 5:1

Siida wassean mwas gideaba Yesu niny Gristo gil siisi baleanda ASEETA, siida wassean bwariiy ghwaan ea ghaamwat ghabwariiy baleanda.

Giidaheechta 3:14

“Heeda malaykajeanda ganiiseeda Laodikiya ng'oara: ‘Ng'asheega siida was Amin, was siida doabiiwaat was muushoocheanda huumwa, was giing'eeta haleanjeeda sean sin ASEETA.