YOELI 2:2 - Bibliyeeda Ghaydit

² eaweeda misaneeda duw, eaweeda shamooghuutka ea misaneeda haw. Gawuurji deashamga gharoodeaba gayeew bwargiit aba iheenga giijeega, suh ea hees ak gabiisa gwandeawa uurda, ak ea manda dea uurji saawa eara heeda ghayi, ak ea manda dea jea gawuurji iing'ata saawa, bwak ea ghang'ata gweanyeeka seaygoojiga sean.

YOELI 2:2 Referans Kwoze

YOELI 1:6

Aba gideaba nupka deashamga jeeda ng'eanyiideanyu, mideawa uurda ak ea manda mooneeda; geeshatkaaschi gawuurji gea ng'adiida, nea gwandeawa ng'eadiilga soorearda.

YOELI 2:5

Gawuurji deashamga gidanyaashta daghata mutukwajeega ng'ucheeda aba iheenga heayeeniga, nih ea gidang'eetiideayda; ak ghwanyaashta hididiyda ng'ushapta beasta ak mbarariida gajeami, gawuurji fuga daruusi sijip nea ghoamuughu ng'ucheeda.

YOELI 2:25

Ak gaydaaghuumneegwa haleanjeeda gweanyeeka ak deashamga saang'a, ea haluuleeda duulu haleanjeeda was lugooda ghayi eayeadu jeedeang'wa.

YOELI 2:31

Gajeayam aseeta ak gamisaniit, nea ghoah sheeda foojeanda, nea mii ghwahidu eaweeda haw bea NG'UTAMIIDA abeeli fih.

DANIELI 12:1

“Damandida gayghwahidu malaykajeanda siguura Mikaeli, was malaykajeanda haw ahaaghwa buuneadaang'u ak gaygwanda damanda jea eeng'uchi, manda dea uurji aba dea ning'eada eemeeda ea ghoah damani; abeeda damandida buuneadaang'u gajeelealu, was fuga sing'oorsa gheawunga nyaawa jeeda gitaabu.

ISAYA 8:22

ama ng'ata gajeeng'ula ng'eanyiida, ak ging'ulayi sawanadeeda ea misaneeda, ak ea manda ng'weelooda aba sawanadeeda, ak gajeahoan gaweay jeeda misaneeda haw.

ISAYA 5:30

Ak saawa gayghoamuum eaweedida gawuurji gidajuurda basooda. Ak siida inyas gang'ula ng'eanyiida gayghwadaah duwunda ea sawanadeeda; ak weeshinda ea sinung' gwatuudu aba jeeda shamooghuutkaaschi.

Yuuda 1:13

laweajajeega hees bea basooda, jakiisa humng'eeda furghooda aba baspaseega nyaawa; miinga neay nea heeda hiing'aada gwanda misaneeda haw siitiiw ea ghwahita damanda manda muudeanooda.

Ebraniya 12:18

Aba gideaba agooga mii apkaani heeda gidasiimu eawaas, was ng'ushapta beasta, ea misaneeda, ea giiseaneega, ea shaarara,

Marko 13:19

Aba gideaba damandida gaygwanda sawanadeeda manda dea jea eegala ghang'eada deaghayi nibwada ASEETA ng'eanyiida ea gagul ghamneawa. Ak ea maygudu gabiigu gicha dea jea gawuurji nih.

AMOSI 4:13

Aba gideaba NG'UTAMIIDA deaghayi sin giijeega gil, ak gwasin jeameeda, ak gwarukusa siida gida ateemsheata; ak ghwanung' gamisaniit ng'eanyiida sakteayda, ak ghwala badayda ng'eanyiida heeda geawiit– NG'UTAMIIDA, was ASEETA bea lugooda gheawungaaschi.

DANIELI 9:12

Ak ea niimajeek ng'asheagaaschi; ghayi rugu aba badahuukaasa ea badahuuka fuga ambaleasa, ak gweadu badahuukaasa nyariida haw; aba gideaba aba hing'eadayda humng'eeda manda ng'asheanda uurji dea sisima Yerusalemu.

YEREMIYA 13:16

Oatawa giigheambiita NG'UTAMIIDA was ASEETEANG'WA heeda mii gwaruusa geeshangeagwa aba iheenga giijeega mideawa misaneeda damanda duu agaseewana weeshinda ghwayam ghoah duwunda ng'eanyiida ea misaneeda duu.

NYIIGHEEGA 97:2

Niny gwaneaweesa shamooghuutka ea misaneeda durumwana; doobiiwnata ea girgweageeda sindeeta hoorgeadaanyi.

NYIIGHEEGA 10:6

Iissa gwayi aba gurooroadaanyi, “Aniini majeegeandanean aba jeacheenga sean maydabussiinyi gidamuy.”

GIIPKEATA DIIGHEANDA 32:7

Apkaada eawoojigeaba garayi, ateemsheesiina gweanyeeka jeacheenga saang'a, anyaasha gweanu, ak gayghoahiimneey gweargwaagu, ak gaygwarukuneey.

RITEAYDA 20:21

Hean ghamiinaada buuneeda nea sheagi, ak gwaneekiisa Musa misaneedida mida jeeda ASEETEAN.

RITEAYDA 10:14

Ak ghapka deashamga badayda ng'eanyiisean bea Misri, ak goobissa ng'eanyiisean bea Misri, ak deashamgiga aasaang'a muuchi, eara heeda ghayi miigwardu ak ea maygabiikta gwardu.

RITEAYDA 10:6

ak gayghwanyiit jeeda gealgaagu, ea gealga fugaagu sean bea gadiyeeda, ea gea fuga sean bea Misri, ak giduurji nih ea miighwadaah ghweanigaagu ghana gheamba ghweanigaagu ghang'eada deaghayi hina badayda ng'eanyiida ea ghoah ghamneawa.’” Hean ghwayam geaw ak gwarita jarooda aba madeeda Farao.

Mattayo 24:21

Aba gideaba damani gaygwanda sawanadeeda haw manda dea deena aba deaghayi sisna ng'eanyiida ea ghoah ghamneawa, ak ea maygudu abiikta adaaha sawanadeeda uurji nih earahay.

Giidaheechta 9:2

gootin shoomanda mamuudeana, hean gwarina aroosta jeedeaba shoomandida, nea gawuurji aroosta duwayda haw, ak ghwanung' gamisaniit gheang'da aseeta ea humng'eeda aba aroostida bea jeeda shoomandean.

HEAREEGA 1:12

“Aba heedeang'wa mii gili aba agoogeeni eang'atiin? Ang'weersiina ak gidaahi ii mida siida mideawa gurmeahiida uurji gurmeahiidaanyi ghayi easinyi aniini ng'udana NG'UTAMIIDA gurmeahiida aba eaweeda nyarastaanyi.

ESEKIELI 32:7

Ama inyas ghaalaschi uhuudaang'u gaydadukuta humng'eeda, nea ghaanung' gamisaniit miingaaschi, ak gaydadukuta aseeta aba shamooghooda, nea eara sheeda ea maygwardu weeshindaanyi.

ESEKIELI 34:12

Gawuurji gidaweeda jeagiischoocheanda gagasa gisilgaaschi, eaweedida iimida bugusta gisilgaaschi dabwaarda, ea gichea dagasiida gisilgeasu gil. Ak gaydaaghu aba heeda dabarsa sean, aba eaweeda shamooghuutka ea misaneeda.

ESEKIELI 38:9

Ak gaydiyeada ak gihitaaydi shaarara nea gajuurjeewana shamooghooda dukuta ng'eanyiida, ang'iing'i ea lugoadaang'u sean, ea eemeeda saang'a indeayeewi.

YEREMIYA 13:6

Hean nea ning'ata eawoojiga saang'a gwayi NG'UTAMIIDA, “Ng'eada, ak guwi ea hita jeeda eenda Furati, ak gigeanu aba hoowa hang'dida bea manandeani, ghayi eanung' fuysiina hooweaniin.”

YOELI 3:4

“Asaha, ama agooga goowooschi naaha aba heedeanyu, ea Diro ea Sidoni, sea ng'eanyoojiga sean bea Filisti? Heapi gajawalneani ghana jea asimanean ng'asheanda wassean? Gaydalamwach nea ghaarabwaaschi ak gaydaaghuumneegwa waliideang'wa gayghoan badahuukeagwa agooga.

SEFANIYA 1:7

Eena saw aba madeeda NG'UTAMIIDA was ASEETA! Aba gideaba eaweeda NG'UTAMIIDA nineekiit; aba gideaba NG'UTAMIIDA niidiing'diing'da lukghumeeda ak ghoaghaydit rabastaanyi.

SAKARIYA 14:6

Nea eaweecheanji ea maygwanda jeameeda nea maygwanda gooroogeeda ghana dung'usta.