Yakkobo 5:5 - Bibliyeeda Ghaydit

⁵ Agooga noopiidi jeeda ng'eanyiida nea goomnyeenyi nea goohoosanyi; ak ea noanung' gwariisha gurooruunatkeagwa aba eaweeda jea ghwahina nuusta.

NEAJEEDA EESH BEA BUUNEESSEAN

⁵ Agooga noppiidi jeeda ng'eanyiida nea goomnyeennyi nea gohoosannyi; ak ea noanung' gwariisha guroruunatkeagwa aba eaweetta jea ghwahinna nuusta.

Yakkobo 5:5 Referans Kwoze

1 Dimotteo 5:6

Nea masinung'weanda moamu ghoang'waay geaw aba ng'asheega munyas nih nimi eara eeng'ula nea gudea majeek.

Lukka 16:25

Gwayeesha Abrahamu, ‘Orjeedeanyu, apkaada gideaba ang'iing'i ninyasi haleanjeeda miyaasiin aba jeeda eaweagaagu, nea Lasaro ghwanyas gea munyas, ak ghamneawa niny geenung' ghahawda, nea ang'iing'i gindi jeeda hang'weanidooda.

Lukka 16:19

“Ghayi gwanda meanang'oocheanjagi akweali hang'weaka oomng'i bea sheayeeda haw ak gwasina ghweelmeeda galeagasean.

AMOSI 6:1

“Dashageada gea miyeeni aba Sayuni, ea giika abiitpiit aba uhuuda giijeeda Samariya nea gaba seayuun, fuga siiwal gheang'da bea eemoojiga madeeda, inyeesa gaweesa fuga Israeli!

YEREMIYA 12:3

Ak ang'iing'i, Ea NG'UTAMIIDA, ginalaan, ak ea nidaayaan, ak ea nisimi fughareedeanyu daah ea gagalu headaang'u. Awoasta gisilga siyaat heeda siida jeeng'shachi, Ak gisaji ghoamuughu eaweeda jea eenuusa.

Giidaheechta 18:7

Aba gidaghaambiita geaw niny nea gwanda jeeda hiseadayeanduumeeda, oatawa niny gheadeendida was sawanadeeda ea giiseaneegean. Aba gideaba gwayi niny aba jeadaanyi, ‘Neapteadi sugoocheanda was gatmooda nea meawoosi masinung'weanda, ak ea maydadaah giiseaneega,’

YEREMIYA 25:34

“Agutuuni heareega, nea gooyeawdi Ea jeagiischoodiga, ayeashta deareeda, ea sugoodiga hawanyoojiga, aba gideaba eaweeda jeeng'deang'wa ea giidaardeaydeang'wa niriighaan, ak gajoopeedeayiida lagweendiga sighwal.

ISAYA 22:13

Ak ng'ula, agooga goohoosanyi nea ghoayaaji reari, ak goonuuschi dugwa ea gisilga, nea ghoayaaji banyeega nea ghoaleayi difaayi nea gooyeenyi: “Eeyeagiischeena nea geeleeshi, aba gideaba numuji gajeemeewa.”

1 SAMWELI 25:36

Ng'ata ghwaan Abigaeli heeda Nabali; ak gingulay gwasin ghweelmeeda aba gheanyi, uurji sea ghweelmeeda sugoocheanda. Nea abeeda guroorooda Nabali aamiy, ak ea boogideat muuchi; ak ea marukusiina niny eara gil bwak ea goorearu aseeta.

Yuuda 1:12

Suh geeyeata ghuusi aba ghweelmajeegeagwa, aba damanda leeshoodeang'wa iyoabwachi geat, nea iissa goong'ulayi geat; shamooghuutka manda beega, nea iissa ghwaat jeameeda; geediga manda haghweega doomeelda shing'da, nimeewa deabiyeenya, ak gealoata;

2 Betro 2:13

ak gwasawana aba giidiinyeanda aba giidiinyeanda nyaawa. Ak ghwanung' ghoah miyeenooda leeshooda askwearda. Asi gwandeawa washta ea agita badayda, gwaleeshi nea gwareengani geat, aba jeeda ghweelmeeda nyaawa bea leeshooda sea agooga.

2 Dimoteo 3:4

ea gea leapa geat bwadaw ea fuga hang'oonyi iheeni, ea gea gwara geat, ea gea bwariiy mitagheasta muunda ng'eanyiida nea mwasamwa ghabwariiy ASEETA.

Ruumi 13:13

asi eara aseasa gagasa eabeada fuga mida heedeesh, mii geawunda gheang'da gil ea booktuumeeda, mii ng'asheega munyas gil ea hiseadayeanduumeeda, mii jaliida gil ea lajoodeaba ghuut.

ESEKIELI 39:17

“Nea ang'iing'i orjeeda siida, gwayi NG'UTAMIIDA was ASEETA, abaloola heeluutka sean bea dariidaka. Ea diyeanga sean bea dareabeeta ‘abwada geat ak ghoapkaanyi, aghadoawana geat aba meadajeega sean, apkaani heeda lukghumajeega ghweelmeeda eadiing'diing'di aba badahuukeagwa ghweelmeeda haw bea lukghumajeega aba iheenga giijeega Israeli ak gajayaaga banyeega nea ghoaleayi foojeanda.

ISAYA 56:12

Hean gwayeeniisa geat, “Apkaana eeweaya eegasa difaayi, apkaana eeleesheena eelang'uuda aba difaayeeda heeseadi, ama numuji gaygawuurji ghamneawa; nea gajea ghweelmeeda haw muuchi gil.”

ISAYA 47:8

Asi ghamneawa aleaydiit ng'asheanji, ang'iing'eeda ibwariinyi miyeenooda, nea gighayi gideaba gibea seayu, nea inyeesa giyeeni aba jeadaang'u, “Aniini geabwaageaw, manda siinuut uurjeewean; ak ea maydeabiida nea geawuurjeewi masinung'weanda maydandeawa iita miyeeda diibiga.”

ISAYA 3:16

Gwayi NG'UTAMIIDA: Ng'ula ghwarjeeda gadeemga Yerusalemu inyeesa gaweay nea goodiing'da iheenga nyaawa, nea gheanyanga nyaawa ghabwariiy haleanjeeda, inyeesa gaweay nea gaba weashweash nea ghwanung' goojuur gureayeeka mida geeshanga nyaawa.

REEKUSIINDA 11:9

Ang'iing'i gheareemaneeda, hoosana aba gheareemaneanduumeadaang'u, sina gidabwariiy gurooroadaang'u, ea gidagasa gheanyangaagu; ak ginali gideaba aba ng'asheesu seaniin gaygoorgweakseey ASEETA.

GHWASIILDEANGA 17:1

Ghang'wana hamita siliga nea geebaseayu, mwasamwa gheeda mida ghweelmeeda ea jaliida.

GHWASIILDEANGA 7:14

“Heedeanyu gwanda haleanjeeda sisapa geadi bea ghadooweeda bea hoyyoo, ak ghamneawa ea neageandi habeawajeegeasu.

NYIIGHEEGA 17:14

Ea NG'UTAMIIDA, lealnean aba heedeaba fugiga mideawa haleanjeeda sean gasa aba jeedeaba ng'eanyiini. Lasa saawa aba sawanaduutka ghayi iidiiwsi saawa; ak ghwanyas gea deay ahiit saawa sea diibiga nyaawa ak ghoabit mwaatkwa aba diibiga nyaawa.

1 SAMWELI 25:6

Ak nih ea gichea ookeacheata niny: ‘Gagasa beaha hoyyoo, ak gaba gheang'u seayu, ak gaba seayu haleanjeeda sean indeawi.

NYIIGHEEGA 73:7

Gheanyanga nyaawa iissa gwaheetu aba ghashneeda, gurooruunatka nyaawa gagulda ng'asheega munyas gasa.

ESEKIELI 16:49

Ng'ula, giidiinyeanda huda geamadu was Sodoma, abeeda nih gil. Ghwarjeeda, ea lang'uudadeeda hamita, ea nyageadayda, suh abeeda gwanda jeadaanyi ea haweagaaschi, ak ghwanung'waada weeta fuga barbari ea gea gasa weeta.